फीलेमोन् 1:23 - चेपाङ

²³ येसु ख्रीस्‌कोः काम् जाङ्‌ह्ओकायः ङाकुस् थुनओ एपाफ्रास्इ नमस्‍ते ल्‍होक्‌तेःनाः।

फीलेमोन् 1:23 ပူးပေါင်းရင်းမြစ်များ

रोमी 16:7

फेरी ङाकुस् झ्‍याल्‍खानहाङः थुनओ यहुदीकोः लयःमयःचोङ्‌कायः अन्‍द्रोनीकस् जुनीयस्‌नीस्‌कायःमा नमस्‍ते ल्‍होक्‌नाङःचु। ओउःनीस्‌पाय् ङासै ङ्‌हालेः ख्रीस्‌कोः मान्‍ता स्‍याव्आकाच। येसुइ छ्युङ्‌ह्‌ती ल्‍होक्ओमयःकःहाङः ओउःनीस्‌कोः मय्‍ङ् पेतो तय्‍ह्ओ लेःआः।

कोलसी 1:7

फेरी ओउः कुरापाय् ङीकुस् काम् जाङ्‌ह्ओ एपाफ्रास् त तोओइ स्‍यान्‌तेःआकाय्। ओउःइपाय् ख्रीस्‌कोः काम् ङीकायः पेतो जाङ्‌ह्‌नौ आने सबैइ ओउःकायः राप्‌नाःथै।

कोलसी 4:10

ङाकुस् झ्‍याल्‍खानहाङः गम्ओ आरीस्‍तार्‌कस्‌मा बर्‌नाबास्‌कोः हौ मर्‌कस् त तोओमा ओउःनीस्इ नमस्‍ते ल्‍होक्‌तेःनै। मर्‌कस्‌कोः कुरा ङ्‌हालेः छ्यानःङोतो नीङ्‌कःताङ् वाङ्‌नाः त खेःया ओउःकायः रोम्‌नु दा।

कोलसी 4:12

नीङ्‌कःसै वाङ्ओ एपाफ्रास्इमा नमस्‍ते ल्‍होक्‌तेःनै। ओउःइ ख्रीस्‌कोः काम् आन जाङ्‌ह्‌नौ नीङ्‌कायः परमेस्‍वर्‌कः आन ग्‍याती तेती तोभनाङ् मुलेःनाः। “ओउःमयःइ नाङ् झाक्ओ काम् जाङ्‌ह्‌ती जुगाङ् पेतो ङ्‌हाम्‌ती ल्‍हुङ् चोक्‌तो ग्रमःत मुपनै” त नीङ्‌कायः दाय्‍ह्‌ती परमेस्‍वर्‌कः तेती तोझुङ्‌नौ।

फीलेमोन् 1:1

लौ ङीकुस् काम् जाङ्‌ह्ओ आन राप्ओ साथी फीलेमोन्‌य नाङ्‌कायःमा ङीकोः ख्रीस्‌कायः ङ्‌हाम्ओ हौद्याङ् अफीयामा ङीकुस् काम् जाङ्‌ह्ओ आर्‌खीपस्‌मा नाङ्‌कोः कीम्‌हाङः थनःती वाङ्ओ ङ्‌हाम्ओलम्‌कायःमा इ चेती ङा पावुल्इ येसु ख्रीस्‌कोः काम् जाङ्‌ह्‌साकायः थुनती मुओहाङः लेखती ल्‍होक्‌नेःनाङ्‌स। इ चेती ङीकोः ख्रीस्‌कायः ङ्‌हाम्ओ हौ तीमोथीइमा लेखती ल्‍होक्‌तेःनाः।

फीलेमोन् 1:9

बुरु नाङ् ल्‍हुङ् राप्‌ती योनःती मुतेःनाः त झ्‍यान्‍ते नाङ्‌कायः ङाइ द्याह् तेओ ह मुलेःनाङः। लौ ङा पावुल्‌पाय् थालवःपा स्‍याव्‌ती झ्‍याल्‍खानहाङः थुनती मुतोक्‌हाङः इतलेः तेनेःनाङ्।