मर्‌कस् 9:39 - चेपाङ

^39-40 “ओउःकायः त्‍याःलाम्। सुसुइ ङाकोः मय्‍ङ् पेह्‌ती ग्‍याङ्‌ह्‌राय् जाङ्‌ह्‌नानी ओउःलो खेःओ मान्‍तापाय् रेन्‍ह्‌तोलेः ङाकायः रेव्‌तो नोःसा खाय्‌नीली। सुसुलो ङीकोः बीरोत् खेःइली ओउःलेः ङीकुस् भीङ्‌तेःनै” त दाय्‍ह्‌ती येसु त्‍याङ्आ।

मर्‌कस् 9:39 ပူးပေါင်းရင်းမြစ်များ

मर्‌कस् 9:38

ओउःत तोतोक्‌हाङः “अ गुरुय यात्‌चाक्इ नाङ्‌कोः मय्‍ङ् पेह्‌ती लान्‌लम्‌कायः ल्‍हेस्‌ती वाय्ओ च्‍यवःङुसुतो। ओउः मान्‍तापाय् ङीकुस् वाह्‌मालो त झ्‍यान्‍ते ओउःकायः ‘इत हायःलाम्’ त दाय्‍ह्‌ती त्‍याःती तोआलाङःसु” त दाय्‍ह्‌ती युहनाइ ल्‍हाक्‌ती तोथातो

१ कोरीन्‍थी 12:3

परमेस्‍वर्‌कोः ग्‍वालामः दोःआक्‌तीको सु खेःयामा परमेस्‍वर्‌कोः ग्‍वालामः दोःओ बेलाहाङः येसुकायः प्रनःती नोःसा खाय्‌नीली एत ङाइ तोती चीःताक्‌नेःनाङ्‌स। फेरी परमेस्‍वर्‌कोः ग्‍वालामः दोःमाःत सु खेःयामा येसुकायः “प्रभु” त मय्‍ङ्‌सा खाय्‌नीली।

फीलीपी 1:18

ओउःतलेः हायःनानी ओउःत हायःओपाय् दोह्‌मा दयःल। ओउः पेमालो ल्‍हुङ्इ तोओलम्‌खेइमा ओउः दोङ् तोओलम्‌खेइमा नीस्‌ज्‍योःमा ख्रीस्‌कोः पेओ कुरा थोल्‍ह्‌ती तोनानी ओउःत झ्‍यान्‍ते ङा चोङाय्‌तीलेः मुनाङः। माः रैस चोङाय्‌धै मुनाङः बा