मर्‌कस् 8:6 - चेपाङ

⁶ ओहाङःसैको येसुइ ओउः हुम्‌ती मुओलम्‌कायः लाङ्‌गनःहाङः च्‍युङःताक्‌ती ओउः सात्‌केरः लाङ्‌पाय् त्‍याक्‌ती परमेस्‍वर्‌कायः “च्‍युता” त दाय्‍ह्‌ती तोआकान्। एत “च्‍युता” त तोआक्‌तीको ओउः लाङ् फन्‍ह्‌ती लयःकुस् वाह्ओमयःकायः ल्‍हाती सबैकायः दोल्‌कावःताक्आकान्।

मर्‌कस् 8:6 ပူးပေါင်းရင်းမြစ်များ

मत्ती 26:26

ओहाङःसैको जेःतोक्‌हाङः येसुइ लाङ् रोत्‌ती परमेस्‍वर्‌कायः “च्‍युता” त तोआकान्। “च्‍युता” त तोआक्‌तीको येसुइ लाङ् फन्‍ह्‌ती ओउःकुस् वाह्ओमयःकायः वेःती दोल्‌कावःआकान् “लौ इ जेःसाकायः नोह्‌न इपाय् ङाकोः आङ् लेःआः” त दाय्‍ह्‌ती फन्‍ह्ओ लाङ् बयःआथास।

मर्‌कस् 8:20

“फेरी अरु बेलाहाङः ङाइ सात्‌केरः लाङ् चार्‌ हजार्‌कायः सोर्‌आक्‌तीको ओउः बेलाहाङःलेः गुच्‍युक् धाकर्‌कायः ब्‍लीङ्‌तो कातेःआकानी” त दाय्‍ह्‌ती फेरी व्‍हत्‌माआथास।

मर्‌कस् 8:5

“नीङ्‌कःहाङः गुच्‍युक्‌केरः लाङ् मुनाः ती” त दाय्‍ह्‌ती येसुइ व्‍हत्‌थासतो “सात्‌केरःलेः” त ओउःमयः दाय्‍ह्‌ती त्‍याङ्आकाय्।

मर्‌कस् 8:7

फेरी यात्‌नीस् र्‍युम्‍ह्‌ङाःमा येसुइ ओउःतलेः त्‍याक्‌ती परमेस्‍वर्‌कायः तोआक्‌तीको सबैकायः दोल्‌कावःताक्आकान्।

लुका 12:37

सुसु मान्‍तालम् प्रभु वाङ्‌तोक्‌हाङःपाय् चीङ्‌ती र्‍ययःती मुलेःनै ओउःमयःलेः चोङाय्‌तो स्‍याव्‌लेःनै। दोङ्‌सी दाय्‍ह्‌भनाङ् ओउः मान्‍तालम्‌कायः ओउः प्रभुइ लयःलेः चीङ्‌ती जेःगा जेःसाकायः दोल्‌कावःआथास।

लुका 24:30

ओहाङःसैको पाय्‍ह्आक्‌तीको ओउःमयः कीम्‌हाङः दाह्‌ती पोक्‌ती जेःती मुओ खेःतो। जेःती मुतोक्‌हाङः येसुइ लाङ् रोत्‌ती परमेस्‍वर्‌कायः “च्‍युता” त दाय्‍ह्‌ती लुङ्‌ती तोआकान्। तोआक्‌तीको ओउःइ लाङ् फन्‍ह्‌ती ओउः नीस्‌चाक्‌कायः वेःती बयःआथाच।

युहना 2:5

एत त्‍याङ्ओ सायःती येसुकोः आमाइ कीम्‌कोः नोकरीकःताङ् ल्‍हेःती “लौ उया ओउःइ गतलोतेः तोतेःचै ओउःतलेः जाङ्‌ह्‌नु दा” त दाय्‍ह्‌ती तोआकान्।

युहना 6:23

ओउःत नोःकाय्‌तोक्‌हाङः तीबेरीयस् त तोओ सहर्‌सै अरु दोङ्‌गालम् वाङ्‌ती दाह्आ। ओउः दोङ्‌गालम् दाह्‌ती वाङ्ओ थाव्‌पाय् येसुइ ङ्‌हासै “च्‍युता” त तोती सबैकायः जेःगा बयःओहाङः द्याङ्‌तोलेः खेःतो।

रोमी 14:6

सुसुखे “लौ इ दीन्‌पाय् क्रोःओ दीन् लेःआः” त म्‍हर्‌नै ओउःलेः परमेस्‍वर्‌कायः माननानी। सुसुखेइ सबै थोक् जेःनानी ओउःइमा परमेस्‍वर्‌कायः माननानी दोह् हायःती दाय्‍ह्‌सा जेःतोक्‌हाङः ओउःइ परमेस्‍वर्‌कायः “च्‍युता” त तोनानी। ओउःतलेः ओउः मायःलम् जेःमालो मान्‍ताइमा परमेस्‍वर्‌कायः “च्‍युता” त तोती ओउःकायः माननानी।

कोलसी 3:17

दोह् खेःयामा दाय्‍ह्‌तेःनै दोह् खेःयामा जाङ्‌ह्‌तेःनानी सबै कुरा “इ प्रभु येसुकायः लेःआः” त दाय्‍ह्‌ती ख्रीस्‌कोः मान्‍तालो लेखा जाङ्‌ह्‌मानु। “इ कुरा प्रभु येसुइ दोःताक्आताङः” दाय्‍ह्‌ती परमेस्‍वर्‌ आपाकायः “च्‍युता” त तोमानु।