“खेःल तेन्छ्याङ्कोः आन पेमालो ङ्हाम्सा ग्यामालो मान्तालम्पाय् ग्याङ्ह्राय् च्यवःआक्तीको ह ङाकायः ङ्हाम्सा ग्यानै। लौ ङा परमेस्वर्कःसै वाङ्ओ लेःआः त छ्यानःसाकायः ओउःमयःइ ग्याङ्ह्राय् बोङःनीतो इत छ्यानःसा ग्याङ्ह्राय्लेः ओउःमयः दोह्मा दोःइली इ याज्याङ् ग्याङ्ह्राय् ह च्यवःसालेः दोःनै।
मर्कस् 8:38 - चेपाङ38 सुसुलो तेन्छ्याङ्कोः रेव्तो जाङ्ह्ओ मान्तालम्कःहाङः ङाकःमा ङाइ तोओ कुराकःमा ब्लाय्क्चनै ओउःकः ङा मान्ताकोः चोः त तोओपाय् लोनेः वाङ्सा दीन्हाङः ब्लाय्क्लेःनाः। ओउः दीन्हाङःपाय् ओउः मान्ताकोः चोः आपालो लेखा अङ्ग थङ्गत ताङ्ह्तो स्याव्ती ल्होक्ओमयःकुस् वाङ्नै” त दाय्ह्ती येसुइ स्यान्ती तोआथास। အခန်းကိုကြည့်ပါ။ |
मर्कस् 8:38
44 ပူးပေါင်းရင်းမြစ်များ
नीङ्लो लेखा रेव्ओमा ङ्हाम्मालो मान्तालम्इ परमेस्वर्कःसै ग्याङ्ह्राय् बोङःतेःनानी दोङ्सीलेः ओउःमयःकायः ग्याङ्ह्राय्पाय् दोह्मा छ्यानःथासल ओउः उय्ह्ले परमेस्वर्कोः कुरा छ्यानःओ योनाह्कोः ग्याङ्ह्राय्लो ओउः ह च्यवःसा दोःतेःनै” त दाय्ह्ती येसु दाय्ह्आ। ओउःत दाय्ह्आक्तीको येसु फरीसीलम्मा सादुकीलम्कायःमा फेती आल्आ।
“यात्चाक् सीपाहीकोः कप्दन् कर्नीलीयस् त तोओइ ल्होक्आताङी। ओउःपाय् आन पेओ परमेस्वर्कायः झाक्ती तोओ मान्ता लेःआः। इतलेः सबै सीजारीयाकोः यहुदीलम्इ चीःती कर्नीलीयस्कायः लुङ्ती तोनानी। ओहाङःसै ओउःकःताङ् यात्चाक् परमेस्वर्कोः ल्होक्ओमयः थाती ‘लौ नाङ्इ जोपाहाङः मुओ सीमोन् पत्रुस्कायः गोत्लाङ् ल्होक्उ दा। गोत्ती वानःआक्तीको ओउःकोः कुरा पेतोलेः सायःनु’ त दाय्ह्ती ओउः ल्होक्ओमयःइ तोताङःआथै। ओउःत झ्यान्ते ङीइ नाङ्कायः गोत्लाङ् दाह्आलाङी” त दाय्ह्ती ओउः सुम्चाक्इ पत्रुस्कायः छ्यानःआथै।
ओउः पेओ नोःराय्पाय् थोल्ह्ती तोतोक्हाङः ङाइ गत खेःयाकायःमा रास्माःत ङाःतोलेः तोनाङः। ओउः नोःराय्पाय् परमेस्वर्कोः ग्वम् दोःताक्ओ नोःराय् लेःआः दोह् हायःती दाय्ह्सा ङ्हाम्आक्तीको सबै मान्तालम् दल्तो स्याव्नै। ङ्हापाय् यहुदीलम्इ लोने यहुदी खेःमालोलम्इ ङ्हाम्ती दल्तो स्याव्सा खाय्नानी।
ओउःमयःखेइ ओउःतलेः लयःकायः ताङ्ह्ताक्सा बोङःनीतो ङाखे “ङीकोः प्रभु येसु ख्रीस्लेः ङीकायः दल्ताक्सा थेङा क्ल्याय्ओ सीङःहाङः सीओआः” त दाय्ह्ओ कुरा ह ताङ्ह्ताक्तीलेः तोसा झाक्नाङः। ओउः ख्रीस्पाय् सीआ त दाय्ह्ओ कुराखे चीःती ल्हाव्ह्दैबाङ्कोः कुराखे ङा द्याह् दोह्तमा म्हर्ङल ओउः कुरासै पेङ्कलःती वेङःआलाङःस।
ओउःत हायःती झ्यान्ते ङा द्याह् लीह्सीःओ गोरःतीलेः मुनाङः। लीह्सीःओ गोरःसापाय् गोरःलेःङोतो बुरु ङा ल्हुङ् घ्युम्तो स्याव्ङल दोह् हायःती दाय्ह्सा ङाइ ङ्हाम्ओचाक्पाय् “सुलो” त ङाइ पेतोलेः तय्ह्नाङः। दोह् दोह् ङाइ ओउःकुस् गम्आलाङः ओउःलेः ओउः लोनेः वाङ्नम् दीन्च्युक्कायः ओउःइ लयःकुस् पेतोलेः ओम्पायःती गम्बत्नाःताङः ओउःत ङाइ पेतो चीःती र्याङःमामाःत मुनाङः।
ओउःमयःखेइ फेताङःतो ओनेसीफोरस्खेइ ङाकःताङ् आन वाङ्ती झ्यान्ते ङाकायः आन ल्हुङ् धोमाय्ताक्आताङः। रोम् सहर्ताङ् दाह्ती वाङ्तोक्हाङः ङा झ्याल्खानहाङः मुओहाङः ओउःइ दोह्मा रैमाःत ङाकायः साक्साक्त बोङःती लोने क्रुस्आताङः। ओउःत झ्यान्ते ओउः लोनेः वाङ्सा खेःओ दीन्हाङः ओउःकायःमा ओउःकोः कीम्कोः मान्तालम्कायःमा प्रभुइ योनःती योपाःथास। ओउःतलेः प्रभुपाय् योनःती योसाकायः झाक्चाक्पाः ती। ङा एफेसस्हाङः मुओ बेलाहाङः ओउःइ ङाकायः आन लव्ह्आताङः ओउःतमा नाङ्इ चीःनौ।
ओउःमयः ओउः ङ्हाहाङः फेओ देस्खेताङ् पाय्ह्इली ओउःसै पेओ लाङ्का देस्खेताङ् द्याह् आल्सा झाक्इतो ती ओउःत झ्यान्ते ओउःमयःइ परमेस्वर्कायः “लौ ङीकोः परमेस्वर् लेःआः” त दाय्ह्ती तोतोक्हाङः ओउःमयःकः परमेस्वर् अह्र्ल। ओउःपाय् अह्र्ल ओउः एत ङ्हाम्ओ लयःकोः मान्तालम्कायः याक्सा सहर्लेः जाङ्ह्आथास।
ကြော်ငြာတွေ