मर्‌कस् 8:2 - चेपाङ

² “लौ इ मान्‍तालम्‌पाय् ङाकुस् सुम् दीन्‌च्‍युक् मुआक्‌ती द्याह्‌पाय् ओउःमयःकोः जेःगा नाःल। ओउःमयःकोः योङ्‌क्राय्ओ योती ङाकायः आन योनःआताङः।

मर्‌कस् 8:2 ပူးပေါင်းရင်းမြစ်များ

मत्ती 14:14

ओहाङःसैको ओउः थाव्‌सै वाङ्‌ती नोःतो मान्‍तालम् हुम्‌ती वाङ्ओ येसुइ च्‍यवःती ओउःमयःकायः योनःती योती झ्‍यान्‍ते जीक्ओलम्‌कायः स्‍याक्‌ताक्आकान्।

मत्ती 20:34

ओउःनीस् ओउःत त्‍याङ्आक्‌तीको येसुइ ल्‍हुङ् योनःती ओउःनीस्‌कोः मीक् दीन्‍ह्आकान् मीक् दीन्‍ह्ओ कुस्‌ब्रक्‌त ओउःनीस्इ पेतो च्‍यवःआकाचु। च्‍यवःआक्‌तीको येसुकायः गुल्‍ह्आकाचु।

मत्ती 9:36

ओहाङःसैको नाःतो हुम्‌लाङ् वाङ्ओलम् च्‍यवःती “लौ इमयःपाय् ह्रामःओ मान्‍ता नाःमालो मेत्‌छ्याःलो लेखा ब्रःतीमा ल्‍हुङ् र्‍याङःतीमा मुनै” त म्‍हर्‌ती येसुइ योनःती योआथास।

मर्‌कस् 1:41

ओउःत तेतोक्‌हाङः येसुइ ओउःकायः आन ल्‍हुङ् योनःती लयःकोः क्रुत् प्‍योती ओउः कोह्र् चाओ मान्‍ताकायः दीन्‍ह्आथै।

मर्‌कस् 5:19

“खेःल नाङ् लयःकोः मान्‍तालम्‌कःताङ् पाय्‍ह्‌ती ओउःमयःकायः ‘लौ ङीकोः प्रभुइ इत इत हायःतीलेः ङाकायः आन योनःती योती स्‍याक्‌ताक्आताङः बा’ त दाय्‍ह्‌ती ल्‍हाक्‌ती छ्यानःउसु दा” त दाय्‍ह्‌ती येसुइ तोआथै।

मर्‌कस् 6:32

ओउःमयः दोङ्‌गाहाङः लन्‍ह्‌ती गालील त तोओ ताङ्‌ह्ओ दुम्‌हान्‌कोः उःसै आल्‌ती मान्‍ता याक्‌मालो थाव्‌हाङः आल्आकाय्।

मर्‌कस् 6:34

ओहाङःसैको येसु ग्‍ल्‍युङ्‌ह्‌ती वाङ्‌ती नाःतो हुम्ओ मान्‍तालम् च्‍यवःती “इमयःपाय् ह्रामःओ मान्‍ता नाःमालो भेदामेत्‌छ्याःलो लेखा ‘गाःहाङः आल्‌सा दोह् हायःसा खेःतो’ त चीःनीली” त म्‍हर्‌ती ओउःमयःकायः योनःती योती येसुइ नाःतो कुरा स्‍यान्आथास।

मर्‌कस् 8:3

लःलयःमयःकोः कीम्‌ताङ् जेःगा बयःमाःत ल्‍होक्‌नाङःसु त खेःया ल्‍याम्‌हाङः योङ्‌क्राय्इ तोय्‍ङ्‌ती तोन्‌चै कोय् कोय् आन लोक्‌तोसै वाङ्आकाय्” त दाय्‍ह्‌ती येसुइ तोथासतो

मर्‌कस् 9:22

बेला बेलाहाङः ओउः लान्इ म्‍हेःहाङःमा तोस्‌नाःथै बेला बेलाहाङः ज्‍युम्‍ह्‌तो तीःहाङः तोस्‌नाःथै ङाकोः चोःकायः सात्‌ती वाय्‌सा बोङःती ओउःतलेः हायःनाःथै। नाङ्इ खाय्‌तेःनौ त खेःया नीची नीस् आपाचाःकायः योनःती योती इकायः स्‍याक्‌ताक्‌ताङःच दा” त दाय्‍ह्‌ती ओउः चोःकोः आपा तेआ।

लुका 15:20

ओहाङःसैको पाय्‍ह्‌ती आल्‌तोक्‌हाङः बल लोक्‌तोसै ओउःकोः आपाइ च्‍यवःआथै। लयःकोः चोःकायः च्‍यवःआक्‌तीको ओउः आपाइ तय्‍ह्‌ती योनःती चोःकःताङ् तन्‌ती वाङ्‌ती ओउःकायः ग्रोम्‌तीलेः पेतो रोम्आथै।

लुका 7:13

ओहाङःसैको ओउः सीओ चोःकोः आमाकायः येसुइ च्‍यवःती योनःआथै। “ताः र्‍याःल” त दाय्‍ह्‌ती येसुपाय् ओउः सीओ मान्‍ताकोः म्‍हाङ्‌कःताङ् वाङ्आ।

हेब्रैनी 2:17

ओउःत झ्‍यान्‍ते येसुपाय् लयःकोः हौलम्‌लो लेखालेः यातैज्‍याङ्‌लेः घार्‌तोलेः स्‍याव्‌सा खेःओ खेःतो। ओहाङःसैको परमेस्‍वर्‌कायः ताङ्‌ह्ओ पुरोहीत्‌कोः काम् पेतो जाङ्‌ह्‌ती येसुइ मान्‍तालम्‌कायः योनःती योती “लौ इमयःकोः रेव्ओ काम् जाङ्‌ह्‌झ्‍याङ्‌कोः क्‍युम्‍ह्‌ती वाय्‌पाःथास” त परमेस्‍वर्‌कः तेती तोसा खाय्‌नौ।

हेब्रैनी 4:15

ङीकोः प्रधान् पुरोहीत् येसुकायःपाय् गतलो ङीकायः ल्‍हुङ्‌तुक् थ्‍योन्‍ह्‌ती योओ खेःतो ओउःतलेः थ्‍योन्‍ह्ओ खेःतो ओउःइपाय् रेव्ओ काम् दोह्‌मा जाङ्‌ह्उलु। ओउःइ ङीकायः लयः धेःती झ्‍यान्‍ते ङीकायः थ्‍योन्‍ह्ओ चीःती आन योनःतीलेः योसा खाय्‌नाःतय्‍ही।

हेब्रैनी 5:2

प्रधान् पुरोहीत्‌पाय् अरु मान्‍तालो लेखालेः जुगाङ् नीङ्‌तो खेःबाय्‌ल ओउःत झ्‍यान्‍ते ओउःइ व्‍हक्‌मालो रेव्‌तो जाङ्‌ह्ओलम्‌कायः काङ्‌तोलेः नोःसा खाय्‌नौ।