मर्‌कस् 8:17 - चेपाङ

¹⁷ ओउःमयः नोःकाय्ओ कुरा येसुइ चीःती “दोह् हायःतीतेः ‘लौ ङीइ लाङ् वानःतय्‍हीली त झ्‍यान्‍ते ओउःत तोआताङी’ त दाय्‍ह्‌ती नोःकाय्‌तेःनै। ओउःपाय् खेःल बा। नीङ्इ ङाकोः कुरा पेतो चीःतेःधाङ्‌तेःनीलीया चीःसापाय् चीःसालेः खाय्‌तेःनानी नीङ्‌कोः ल्‍हुङ् ग्‍यामालो यादो।

मर्‌कस् 8:17 ပူးပေါင်းရင်းမြစ်များ

मत्ती 12:15

“लौ ओउःकायः सात्‌नी” त दाय्‍ह्ओ येसुइ चीःती ओउः देस्‌सै ज्‍याल्आ ओउःकुस् नाःतो मान्‍तालम् वाङ्आकाय्।

मत्ती 15:17

दोह् दोह् जेःगालम् मान्‍ताइ जेःनीतो ओउःलेः मान्‍ताकोः दोङ् ल्‍हुङ्‌खेहाङः पोक्‌माःत तुक्‌पुन्‌खेहाङः पोक्‌लेःनाः पोक्आक्‌तीको ग्‍ल्‍युङ्‌ह्‌ती ओत्‌ती वाय्ओआः बा।

मत्ती 16:7

“लौ ङीइ लाङ्‌पाय् वानःतय्‍ह्‌नीली त खेःओ ओउःइ ओउःतलेः तोआताङी” त दाय्‍ह्‌ती येसुकुस् वाह्ओमयः लयःमयःकुस् नोःकाय्आकाय्।

मर्‌कस् 16:14

फेरी लोन्‍तेसै येसु ओउः एघारजन लयः छ्युङ्‌ह्ओमयःकःताङ् आम्‍ह् जेःओ बेलाहाङः थाआ। थातोक्‌हाङः ओउःमयः ङ्‌हाम्‌मालो चाक्ओ ल्‍हुङ् स्‍याव्‌ती झ्‍यान्‍ते ओउःइ जान्आथास।

मर्‌कस् 2:8

येसुइ ओउःमयःकोः ल्‍हुङ्‌तुक्‌कोः कुरा चीःती झ्‍यान्‍ते “लौ दोह् हायःतीतेः इतलेः पेमालो ल्‍हुङ्‌हाङः म्‍हर्‌तेःनै।

मर्‌कस् 3:5

ओउःमयः नोःमाःत ल्‍हुङ् कलःतो मुती झ्‍यान्‍ते येसु लीह्‌तीमा ओउःमयःकायः ल्‍हुङ् मल्‍ह्‌तीमा त्‍यास्‌ती योआथास। फेरी ओउः क्रुत् स्रीत्‌ती जीक्ओकायः “लौ क्रुत् प्‍योस दा” त दाय्‍ह्‌ती येसुइ तोथातो ती ओउः मान्‍ता क्रुत् प्‍योआक्‌तीको जुगाङ् सेलः स्‍याव्आ।

मर्‌कस् 6:52

ओउःमयः “गतलाङःकोः सायःआतय्‍ही” त म्‍हर्‌ती मेस्‌लो लाङ् वेःओ ग्‍याङ्‌ह्‌राय् सुलोइ जाङ्‌ह्ओ त पेतो चीःआक्‌नीली ओउःमयःकोः ल्‍हुङ् व्‍हक्‌मालो त खेःओ चीःसा खाय्‌नीली।

मर्‌कस् 8:16

“लौ ङीइ लाङ्‌पाय् वानःतय्‍हीली त झ्‍यान्‍ते ओउःतलेः तोआताङी” त दाय्‍ह्‌ती येसुकुस् वाह्ओमयः लयःमयःकुस् नोःकाय्आकाय्

लुका 24:25

ओउःत सायःआक्‌तीको “अ नीङ् चीःमालो मान्‍तातेःआः इ। परमेस्‍वर्‌कोः कुरा छ्यानःओमयःइ ङ्‌हा तोओ कुरापाय् दोह् हायःतीतेः इत पेतो ङ्‌हाम्‌तेःनीली।

युहना 16:30

‘नाङ्इ मान्‍ताकोः ल्‍हुङ्‌कोः कुरामा सबै कुरामा चीःती झ्‍यान्‍ते सुइमा नाङ्‌कायः व्‍हत्‌सा परइली’ त ङीइ द्याह् चीःनाङःसु ओउःत हायःती नाङ्‌पाय् ‘दोङ्‌सीलेः परमेस्‍वर्‌कःसै वाङ्ओतेःआः’ त ङीइ ङ्‌हाम्‌नाङःसु” त दाय्‍ह्‌ती येसुकुस् वाह्ओमयःइ तोआथै।

युहना 21:17

ओहाङःसै फेरीलेः “लौ सीमोन्‌य यहोनास्‌कोः चोः ङाकायःतेः राप्‌तेःनाःचीया राप्‌तेःचीलीया” त दाय्‍ह्‌ती व्‍हत्‌माथातो “ङाकायःपाय् सुम् पेन्‍ह् व्‍हत्आताङः” त म्‍हर्‌ती पत्रुस् ल्‍हुङ् घ्‍युम्‌ती “अ प्रभुय नाङ्इ सबै कुरा चीःतेःनौ नाङ्‌कायः ङाइ राप्ओआः ङ त चीःतेःनौ” त दाय्‍ह्‌ती त्‍याङ्‌ती “लौ उया ङाकोःमयः भेदालो लेखालेः स्‍यास्‌ती योनु दा।

प्रकाश 2:23

ओउःकोः कुरा ग्‍याती सायःओलम्‌कायःमा सात्‌लेःनाङःसु। ओहाङःसै ङाइ सबै मान्‍ताकोः ल्‍हुङ्‌तुक् योती चीःलेःनाङः त सबै ङ्‌हाम्ओलम्‌कायः छ्यानःलेःनाङःसु। सबैकायः लःलयः जोक्‌कायः ओउःमयःकोः काम् जाङ्‌ह्‌झ्‍याङ्‌कायः बयःलेःनाङः बा। पेओकायः पेओ रेव्ओकायः रेव्ओ बयःलेःनाङःसु।