मर्‌कस् 7:6 - चेपाङ

⁶ “लौ नीङ्‌लो लेखा माःती जाङ्‌ह्ओलम्‌कायः तय्‍ह्‌ती एसाया त तोओइ उय्‍ह्‌ले परमेस्‍वर्‌कोः कुरा चीःती लेखआकान् बा ‘लौ मान्‍तालम्इ नोःओकोः नोःओइ ङाकायः लुङ्‌ती तोनीतो दोङ् ल्‍हुङ्‌हाङःखे सायःसा जुगाङ् ग्‍याइली।

मर्‌कस् 7:6 ပူးပေါင်းရင်းမြစ်များ

युहना 15:24

ओउःमयःकायः ङाइ अरुइ जाङ्‌ह्‌सा खाय्‌मालो ग्‍याङ्‌ह्‌राय्‌लम् छ्यानःआलाङःसु ओउः च्‍यवःआक्‌तीको ङाकःमा ङाकोः आपाकःमा अह्र्धै मुधाङ्‌नै ओउःत झ्‍यान्‍ते ओउःमयःकायः गाल्‌तुम्‌ती तोसा स्‍याव्‌नाः। ओउः ग्‍याङ्‌ह्‌राय्‌लम् छ्यानःआक्‌ङुसुलु त खेःया ओउःमयःकायः गाल्‌तुम्‌ती तोसा स्‍याव्‌ल।

युहना 5:42

नीङ्‌कोः ल्‍हुङ्‌पाय् चीःनेःनाङ्‌स बा। नीङ्इ ल्‍हुङ्‌हाङः परमेस्‍वर्‌ आपाकायः पेतोतेः राप्‌तेःनीली” त दाय्‍ह्‌ती येसुइ ओउः यहुदीलम्‌कायः तोआथास।

खबरदुत 28:25

ओउःत झ्‍यान्‍ते लयःमयःकःताङ् आन नोःकाय्‌ती काय्‌काय्‌ती पाय्‍ह्‌सा चीङ्आकाय्। ओउःमयः पाय्‍ह्‌ती चीङ्‌तोक् बेलाहाङः “लौ परमेस्‍वर्‌कोः कुरा छ्यानःओ एसाया त तोओइ नीङ्‌कोः आय्‌कानः तोकानःलम्‌कायः दोङ् परमेस्‍वर्‌कोः ग्‍वालामःइ स्‍यान्ओ कुरा तोआथास बा।

२ तीमोथी 3:5

अरुकोः मीक्‌हाङः परमेस्‍वर्‌कोः काम् जाङ्‌ह्ओलो लेखा मुगार्‌इतो ओउःकोः ग्‍वम्‌लेः जुगाङ् चीःबाय्‌नीली। ओउः खाल्‌कोः मान्‍तालम्‌कुस् ब्राङ्‌तेःचाः क्‍लेत्उसु।

तीतस् 1:16

“ङीइ परमेस्‍वर्‌कायः तय्‍ह्‌नाङःसु” त दाय्‍ह्‌ती ओउःमयःइ नोःनीतो पेमालो काम् जाङ्‌ह्‌नानी त झ्‍यान्‍ते “परमेस्‍वर्‌कायः तय्‍ह्‌नीली” त सबैकायः छ्यानःओ लेःआः। ओउःमयःपाय् अह्र्सीःओमा ल्‍हुङ् चाक्ओमा मुलेःनै पेओ काम् दोह्‌मा जाङ्‌ह्‌सा खाय्‌नीली।