मर्‌कस् 7:34 - चेपाङ

³⁴ ओहाङःसैको द्युरःती ओउः मान्‍ताकोः ले दीन्‍ह्आ “लौ इकोः नो ओङ्‌ह्‌पाः” त दाय्‍ह्‌ती येसु त्‍याव्‌ती योती ल्‍हय्‍ङ्‌ह् सास्‌ती नोःआ।

मर्‌कस् 7:34 ပူးပေါင်းရင်းမြစ်များ

मर्‌कस् 1:41

ओउःत तेतोक्‌हाङः येसुइ ओउःकायः आन ल्‍हुङ् योनःती लयःकोः क्रुत् प्‍योती ओउः कोह्र् चाओ मान्‍ताकायः दीन्‍ह्आथै।

मर्‌कस् 15:34

फेरी योहोरी बेलाहाङःपाय् येसु यहुदी भासा नोःती “एलोय् एलोय् लामा सबक्‌थानी” त दाय्‍ह्‌ती सोतोलेः दाय्‍ह्आ। ओउः कुराकोः माने इलेःआः “अ ङाकोः परमेस्‍वर्‌य अ ङाकोः परमेस्‍वर्‌य दोह् हायःतीतेः ङाकायःतेः फेतेःआची” त दाय्‍ह्ओ लेःआः।

मर्‌कस् 5:41

पोक्‌ती वाङ्आक्‌तीको ओउः मोमःचोःचोःकोः क्रुत् चुम्‌ती “तालीथा कुम्” त दाय्‍ह्‌ती येसुइ तोउतो “तालीथा कुम्” त दाय्‍ह्ओकोः माने “लौ हौय ‘च्‍योक्अ’ त तोनेःनाङ् बा”

मर्‌कस् 6:41

ओउःमयः च्‍युङःआक्‌तीको येसुइ ओउः पोङाकेरः लाङ्‌मा नीस्‌ज्‍योः ङाःमा त्‍याक्‌ती लाङ्‌काताङ् त्‍याव्‌ती योती परमेस्‍वर्‌कायः “च्‍युता” त तोआकान्। एत तोआक्‌तीको येसुइ लाङ् फन्‍ह्‌ती वेःती ओउःकुस् वाह्ओमयःकायः ल्‍हाती दोल्‌कावःसाकायः बयःआकान्। ओउः नीस्‌ज्‍योः ङाःमा ओउःतलेः फन्‍ह्‌ती वेःती ल्‍हाआथास।

मर्‌कस् 7:35

नोःआक्‌तीको ओउः मान्‍तापाय् नोःमा सायःजेःआ लेमा ग्रेम्‍ह्‌जेःआ।

मर्‌कस् 8:12

ओउःत तोओ सायःआक्‌तीको येसु ल्‍हुङ्‌हाङः ल्‍हय्‍ङ्‌ह् सास्‌ती “तेन्‌छ्याङ्‌कोः मान्‍तालम्‌पाय् दोह् हायःतीतेः आन ग्‍याङ्‌ह्‌राय् योसा बोङःतेःनानी। दोङ्‌सी दाय्‍ह्‌भनाङ् नीङ् ग्‍याङ्‌ह्‌राय् योसा बोङःओलम्‌कायः ग्‍याङ्‌ह्‌राय्‌कोः दोह्‌मा छ्यानःतेःइली” त दाय्‍ह्‌ती येसु दाय्‍ह्आ।

लुका 18:42

“लौ उया नाङ्इ इतलेः ङ्‌हाम्‌तेःनाःची नाङ्‌कोः ङ्‌हाम्‌झ्‍याङ्‌कायः मीक् स्‍याक्‌तेःआ बा” त दाय्‍ह्‌ती येसु दाय्‍ह्ओ

लुका 19:41

ओहाङःसैको यरुसालेम् सहर्‌ताङ् दाह्‌ती च्‍यवःआक्‌तीको येसु ल्‍हुङ् लीह्‌तीलेः र्‍याःआ

लुका 7:14

येसु वाङ्‌ती ओउः सीओ मान्‍ताकायः लात्ओ सहसीङः दीन्‍ह्‌ती दीन्‍ह्‌तोक्‌हाङः ओउःकायः लात्ओ मान्‍तालम् न्‍यास्आकाय्। ओउःमयः न्‍यास्आक्‌तीको “लौ हौय ‘च्‍योक्अ दा’ त तोलेःनेःनाङ्” त दाय्‍ह्‌ती येसुइ तोथातो

युहना 11:33

येसुइ मरीयम्‌मा ओउःकोः साथीलम्‌मा र्‍याःओ च्‍यवःती ल्‍हुङ्‌हाङः आन लीह्आकान्।

युहना 11:35

येसुमा र्‍याःओ।

युहना 11:38

ओउः तेस्‌पाय् चेनःबाङ्‌हाङः मुओ धाङ्‌लेः खेःतो यात्‌ज्‍योः अरु बाङ्इ बोमःओ खेःतो।

युहना 11:41

ओउः बोमःती गम्ओ बाङ् ल्‍होक्आकानी। बाङ् ल्‍होक्आक्‌तीको येसु लाङ्‌काताङ् त्‍याव्‌ती “लौ आपाय ङाइ तेती तोओ कुरा नाङ्इ ग्‍याती सायःतेःनाःची ओउःत खेःओ ङाइ ‘च्‍युता’ त तोनेःनाङ्।

युहना 11:43

“अ लाजरुस्‌य ग्‍ल्‍युङ्‌ह्अ दा” त सोतो दाय्‍ह्‌ती येसुइ गोत्उतो

युहना 17:1

ओहाङःसैको ओउःत दाय्‍ह्आक्‌तीको येसु लाङ्‌काताङ् त्‍याव्‌ती “लौ आपाय ओउः बेला दाह्ओआः बा। नाङ्‌कोः चोःकायः ताङ्‌ह्‌ताक्उ दा ओहाङःसै ओउःइ नाङ्‌कायः ताङ्‌ह्‌ताक्‌तेःनाः।

खबरदुत 9:34

ओउःकायः च्‍यवःआक्‌तीको “अ एनीयास् नाङ्‌कायःपाय् येसु ख्रीस् त तोओइ स्‍याक्‌तेः ताक्‌तेःनाः बा। लौ च्‍योक्‌ती नाङ्‌कोः न्‍हाप्‌नाय्‌लम् खुम्‌ती वाह्अ” त दाय्‍ह्‌तीताङः पत्रुस्इ तोआथै। एत तोओ कुस्‌ब्रक्‌त एनीयास् च्‍योक्आ।

खबरदुत 9:40

ओउःमयः सबैकायः बाहीरताङ् ल्‍होक्आक्‌तीको पत्रुस्इ घ्रुस्‌ती परमेस्‍वर्‌कः तेती तोआकान्। तेती तोआक्‌तीको तबीथा त तोओकोः म्‍हाङ्‌ताङ् ल्‍हेःती “लौ तबीथा च्‍योक्अ” त दाय्‍ह्‌ती पत्रुस्इ तोउतो ती तबीथा लेती पत्रुस् च्‍यवःती च्‍योक्आ।

हेब्रैनी 4:15

ङीकोः प्रधान् पुरोहीत् येसुकायःपाय् गतलो ङीकायः ल्‍हुङ्‌तुक् थ्‍योन्‍ह्‌ती योओ खेःतो ओउःतलेः थ्‍योन्‍ह्ओ खेःतो ओउःइपाय् रेव्ओ काम् दोह्‌मा जाङ्‌ह्उलु। ओउःइ ङीकायः लयः धेःती झ्‍यान्‍ते ङीकायः थ्‍योन्‍ह्ओ चीःती आन योनःतीलेः योसा खाय्‌नाःतय्‍ही।