मर्‌कस् 7:18 - चेपाङ

¹⁸ “लौ नीङ्इमा चीःतेःनीली यादो। दोह् दोह् जेःगालो मान्‍ताइ जेःनीतो ओउःलेः मान्‍ताकोः दोङ् ल्‍हुङ्‌हाङः पोक्‌माःत तुक्‌पुन्‌हाङःलेः पोक्आक्‌तीको ग्‍ल्‍युङ्‌ह्‌ती ओहाङःसै ओत्‌ती वाय्ओआः।

मर्‌कस् 7:18 ပူးပေါင်းရင်းမြစ်များ

मत्ती 15:11

दोह्‌खेलो थोक्‌लम् मान्‍ताइ जेःआक्‌तीको ओउःकोः तुक्‌हाङः पोक्‌नाः ओउः थोक्इपाय् मान्‍ताकायः रेव्‌ताक्‌सा जुगाङ् खाय्उलु। मान्‍ताकोः ल्‍हुङ्‌तुक्‌सै वाङ्ओ कुराखेपाय् ओउःइलेः मान्‍ताकायः रेव्‌ताक्‌सा खाय्‌लेःनौ बा” त दाय्‍ह्‌ती येसुइ तोआथास।

मत्ती 16:11

मेस्‌लोहाङः फरीसीमा सादुकीकोः लाङ् त्‍याक्‌तेःचानी त दाय्‍ह्‌ती तोतोक्‌हाङः ङाइ दोङ् जेःसा लाङ्‌कोः कुरा तोङल बा दोह् हायःतीतेः चीःतेःधाङ्‌तेःनीली। फरीसीमा सादुकीकोः लाङ् फेताक्‌सा ओखोत् त्‍याक्‌तेःचानी” त दाय्‍ह्‌ती येसुइ तोआथास।

मर्‌कस् 4:13

“लौ ङा मेस्‌खा क्‍लोन्‌कोःदीङ् त नोःओ कुराकोः माने चीःतेःनीलीया ओउःत खेःया सबै अरु गत हायःतीतेः चीःसा खाय्‌तेःचानी।

मर्‌कस् 7:17

ओहाङःसैको एत तोआक्‌तीको येसुइ ओउः हुम्‌ती मुओलम्‌कायः फेती कीम्‌हाङः पोक्आ। कीम्‌हाङः पोक्आक्‌तीको ओउःकुस् वाह्ओमयः येसुकःताङ् वाङ्‌ती “लौ नाङ्इ मेस् नोःओ तुक्‌कोः कुराकोः माने दोह्‌खेलो तोताङी दै” त दाय्‍ह्‌ती व्‍हत्‌थातो

मर्‌कस् 7:19

ओउःत झ्‍यान्‍ते ओउः जेःगालम्‌खेइ मान्‍ताकायः क्रीसीःताक्‌सा खाय्उलु दोह् दोह् रेव्ओ कुराखे मान्‍ताकोः ल्‍हुङ्‌सै वाङ्‌नाः ओउःइलेः क्रीसीःताक्‌सा खाय्‌नौ” त दाय्‍ह्‌ती “लौ सबै जेःगालम् जेःसा पेनाः” त स्‍यान्‌ती तोआथास।

लुका 24:25

ओउःत सायःआक्‌तीको “अ नीङ् चीःमालो मान्‍तातेःआः इ। परमेस्‍वर्‌कोः कुरा छ्यानःओमयःइ ङ्‌हा तोओ कुरापाय् दोह् हायःतीतेः इत पेतो ङ्‌हाम्‌तेःनीली।

युहना 3:10

“नाङ्‌पाय् यहुदीकोः ताङ्‌ह्ओ स्‍यान्ओ मान्‍ता लेःतेःआः बा। दोह् हायःती इ कुरा चीःसा खाय्‌तेःउलु।

१ कोरीन्‍थी 3:2

मीओ हौलम्‌कायःपाय् चाक्ओ जेःगा खेःल दुत् ह बयःनानी। ओउःलो लेखालेः नीङ्इपाय् चाक्ओ कुराखे चीःसा खाय्‌तेःआक्‌तेःनीली त खेःओ ङाइ दुक्‌मालो कुराखे स्‍यान्‌नेःआलाङ्‌स।

हेब्रैनी 5:11

इ कुरापाय् ङाइ नाःतो तोसा खेःतो नीङ्इपाय् पेतो सायःतेःनीली त झ्‍यान्‍ते नीङ्‌कायः स्‍यान्‌सा चाक्‌लेःनाः।