मर्‌कस् 7:17 - चेपाङ

¹⁷ ओहाङःसैको एत तोआक्‌तीको येसुइ ओउः हुम्‌ती मुओलम्‌कायः फेती कीम्‌हाङः पोक्आ। कीम्‌हाङः पोक्आक्‌तीको ओउःकुस् वाह्ओमयः येसुकःताङ् वाङ्‌ती “लौ नाङ्इ मेस् नोःओ तुक्‌कोः कुराकोः माने दोह्‌खेलो तोताङी दै” त दाय्‍ह्‌ती व्‍हत्‌थातो

मर्‌कस् 7:17 ပူးပေါင်းရင်းမြစ်များ

मत्ती 13:10

ओहाङःसैको एत तोआक्‌तीको येसुकुस् वाह्ओमयः ओउःकःताङ् वाङ्‌ती “लौ मेस् नाङ्इ स्‍यान्ओ कुरा दोह् हायःतीतेः हुम्ओलम्‌कायः वीनःराय्‌हाङः ताती तोतेःआकान्” त दाय्‍ह्‌ती येसुकायः व्‍हत्‌थातो

मत्ती 13:36

ओहाङःसैको येसुइ हुम्ओलम्‌कायः फेती कीम्‌ताङ् पोक्आकाय्। ओहाङः पोक्‌ती मुतोक्‌हाङः ओउःकुस् वाह्ओमयः वाङ्‌ती “लौ ओउः मेस् तोओ गहुङ्‌कुस् बन् ल्‍याव्‍ह्ओ राङ्‌कोः वीनःराय् चीःताक्‌ताङी दा” त दाय्‍ह्‌ती तोआथै।

मत्ती 15:15

ओउःत दाय्‍ह्आक्‌तीको “लौ नाङ्इ मेस् तोओ तुक्‌कोः कुराकोः माने दोह्‌लो त तोताङी दै” त दाय्‍ह्‌ती पत्रुस्इ तोथातो

मर्‌कस् 2:1

ओहाङःसैको दस् पन्र दीन् पुत्आक्‌तीको येसु कफर्‌नाहुम्‌ताङ् पाय्‍ह्‌ती वाङ्आकाय्। कफर्‌नाहुम्‌ताङ् पाय्‍ह्‌ती वाङ्आक्‌तीको “लौ येसु कीम्‌ताङ् पाय्‍ह्‌ती वाङ्ओआः” त दाय्‍ह्‌ती नोःकाय्‌ती

मर्‌कस् 3:20

ओहाङःसैको ओउः बारजनकायः छ्युङ्‌ह्आक्‌तीको येसु स्‍यालुङ्‌सै ग्‍ल्‍युङ्‌ह्‌ती कीम्‌ताङ् आल्‌ती याक्आकाय्। ओउः कीम् पोक्‌ती मुतोक्‌हाङः फेरीलेः नाःतो मान्‍तालम् हुम्‌लाङ् वाङ्आकाय्। हुम्‌लाङ् वाङ्आक्‌तीको येसुमा ओउःकुस् वाह्ओमयःकायःमा आन कोन्‌ती झ्‍यान्‍ते आम्‍ह् जेःसा कोरःनीली।

मर्‌कस् 4:10

ओहाङःसै ओउःत तोआक्‌तीको ओउः हुम्‌ती मुओलम् पाय्‍ह्आकाय्। ओउःमयः पाय्‍ह्आक्‌तीको येसुइ छ्युङ्‌ह्ओ बारजनमा ओउःकुस् मुओलम्‌मा येसुकःताङ् व्‍हत्‌लाङ् वाङ्आकाय् “लौ मेस् कोदीङःती नोःओ कुरा दोह् हायःती तोतेःआताङ्‌स ओउःकोः माने दोह्‌लो” त दाय्‍ह्‌ती व्‍हत्‌थातो ती

मर्‌कस् 4:34

वीनःराय् आःताः तामाःत ओउःइ दोह्‌मा स्‍यान्‌थासल ओउःकुस् वाह्ओमयःकायः ह लोने ओउः क्‍लोन्‌कोःदीङ् त तोओ कुराकोः माने सबै छ्यान्‍ह्आथास अरु मान्‍ता मुमाःतोक्‌हाङः।

मर्‌कस् 7:16

इ कुरा पेतो सायःनु दा” त दाय्‍ह्‌ती येसुइ तोआथास।

मर्‌कस् 7:18

“लौ नीङ्इमा चीःतेःनीली यादो। दोह् दोह् जेःगालो मान्‍ताइ जेःनीतो ओउःलेः मान्‍ताकोः दोङ् ल्‍हुङ्‌हाङः पोक्‌माःत तुक्‌पुन्‌हाङःलेः पोक्आक्‌तीको ग्‍ल्‍युङ्‌ह्‌ती ओहाङःसै ओत्‌ती वाय्ओआः।

मर्‌कस् 9:28

ओहाङःसैको ओउः गोय्‌चोः चीङ्‌ती आल्आक्‌तीको येसुमा ओउःकुस् वाह्ओमयःमा कीम्‌हाङः पोक्‌ती वाङ्आकाय्। कीम्‌हाङः पोक्आक्‌तीको अरु मान्‍ता मुमालो बेलाहाङः येसुकुस् वाह्ओमयःइ येसुकःताङ् वाङ्‌ती “ङीइपाय् गत हायःती ओउः लान्‌कायः ल्‍हेस्‌सा खाय्‌ङुसुलु” त दाय्‍ह्‌ती व्‍हत्आकानी।