मर्‌कस् 6:30 - चेपाङ

³⁰ ओहाङःसैको येसुइ ल्‍होक्ओ बारजन ओउःकःताङ् द्यान्‍ह्‌ती वाङ्‌ती “लौ ङीइ इत इतलेः हायःआलाङःसु इतलेः स्‍यान्आलाङःसु” त दाय्‍ह्‌ती ओउःमयःइ सबै जाङ्‌ह्ओ काम्‌लम् येसुकायः ल्‍हाक्‌ती छ्यानःआकानी।

मर्‌कस् 6:30 ပူးပေါင်းရင်းမြစ်များ

मत्ती 10:2

ओउः बारजन चल्ओमयः इतलेः मय्‍ङ्ओ खेःइतो। ङ्‌हापाय् सीमोन् त तोओलेः ओउःकोः अरु मय्‍ङ् पत्रुस् त खेःतो। फेरी पत्रुस्‌कोः पुः अन्‍द्रीयस्‌मा खेःतो। अरुपाय् याकुब् युहना त तोओ नीस्‌पुःचाः ओउःनीस्‌पाय् जबदी त तोओकोः चोःनीस्‌लेः खेःचतो।

मर्‌कस् 3:14

ओउःमयःकःसै येसुइ बारजनकायः दोक्‌ती छ्युङ्‌ह्आकान् “लौ नीङ्‌पाय् ङाकुस् गलमा वाह्‌न। ङाकुस् वाह्‌तोक्‌हाङः बेला बेलाहाङः

मर्‌कस् 6:29

ओहाङःसैको “युहनाकायः सात्आकानी” त दाय्‍ह्ओ सायःती युहनाकुस् वाह्ओमयःइ वाङ्‌ती ओउःकोः म्‍हाङ् लात्‌ती आलःती बाङ्‌कोः य्‍होङःहाङः पाम्‍ह्‌ती गम्आकान्। ओउःत झ्‍यान्‍ते इ कुरा गीलती “लौ ङाइ अनम्‍ह् सात्ओ युहनापाय् द्याह् उह्‌ती च्‍योक्ओआः रैस” त हेरोद् दाय्‍ह्‌ती दाय्‍ह्ओ खेःतो।

लुका 10:17

ओहाङःसैको ओउः बहत्तर्‌जन ल्‍होक्आक्‌तीको ओउःमयः आल्‌ती लोनेः आन चोङाय्‌ती चोङाय्‌तीलेः येसुकःताङ् द्यान्‍ह्‌ती वाङ्आकाय् “लौ प्रभुय नाङ्‌कोः मय्‍ङ् पेह्‌ती ङीइ लान्‌लम्‌कायःमा तोती ल्‍हेस्‌ती वाय्‌सा खाय्आलाङःसु” त दाय्‍ह्‌ती येसुकायः तोआथै

लुका 17:5

ओउःत सायःआक्‌तीको “लौ ङीकायः न्‍हाङ्‌तोलेः पेतो ङ्‌हाम्‌ताक्‌ताङी दा” त दाय्‍ह्‌ती प्रभु येसुकोः ल्‍होक्ओमयः ओउःकः तेआकाय्।

लुका 22:14

एत चन्‌तायःती खाय्आक्‌तीको ओउः भोस् जेःसा बेलाहाङः येसु ओउःकोः लयःइ छ्युङ्‌ह्ओमयःकुस् ओउः कोथाहाङः भोस् जेःलाङ् दाह्‌ती वाङ्आकाय्।

लुका 24:10

ओउः मोमःचोःलम्‌पाय् मरीयम् माग्‍दालामा योआनामा याकुब्‌कोः आमा मरीयम् त तोओमा खेःइतो। ओहाङःसैको ओउःमयः पाय्‍ह्‌ती वाङ्आक्‌तीको ओउः मोमःचोःनीस्इमा ओउःनीस्‌कुस् मुओ मोमःचोःलम्इमा सबै कुरापाय् येसुकुस् वाह्ओमयःकायः सबै ल्‍हाक्‌ती छ्यानःनीतो

लुका 6:13

ओहाङःसैको न्‍याम् दाह्आक्‌तीको ओउःकोः लयःकुस् वाह्ओमयःकायः गोत्‌ती ओउःमयःकःसै येसुइ बारजन छ्युङ्‌ह्‌ती “लौ नीङ् बारजनपाय् ङाकोः पेओ समचार्‌ थोल्‍ह्‌ती तोसा ल्‍होक्ओमयःलेःतेः स्‍याव्‌तेःपै” त दाय्‍ह्‌ती तोआथास।

लुका 9:10

ओहाङःसैको ओउः बारजन छ्युङ्‌ह्‌ती ल्‍होक्ओमयःपाय् येसुकःताङ् द्यान्‍ह्‌ती वाङ्आक्‌तीको ओउःमयः ब्‍याह्‌ती वाह्‌तोक्‌हाङः जाङ्‌ह्ओ कुरालेः सबै ल्‍हाक्‌ती तोआथै। ल्‍हाक्‌ती तोआक्‌तीको ओउः बारजनकायः येसुइ बेथ्‌सैदा त तोओ सहर्‌ द्याङ्‌तो मुओ चीङःचाङःत खेःओहाङः आलःआथास।

खबरदुत 1:26

परमेस्‍वर्‌कायः तोआक्‌तीको ओउःमयःइ कागत् कागत्‌हाङः ओउः नीस्‌चाक्‌कोः मय्‍ङ् लेखआकानी। लेखआक्‌तीको ओउः नीस् कागत् ल्‍यय्‌ती काआक्‌तीको यातैज्‍योः चल्‌ती योआकानी ती ओउःपाय् मथीयस् त तोओकोः कागत् खेःतो। ओउःत खेःओ मथीयस्‌कायः “यात्‌चाक् येसुकोः छ्युङ्‌ह्ओमयःलेः” त तोओ खेःतो।