मर्‌कस् 5:15 - चेपाङ

¹⁵ वाङ्आक्‌तीको ओउः लान्‌लम्इ ङ्‌हा ङायःओ मान्‍ता द्याह् येसुकोः दोम्‌हाङः च्‍युङःती सोह्‌पाय् खेःमाःत नाय् लावती सेलः मुओ च्‍यवःआकानी। एत च्‍यवःतीलेः ओउः वाङ्ओ मान्‍तालम्‌पाय् रैआकाय्।

मर्‌कस् 5:15 ပူးပေါင်းရင်းမြစ်များ

मत्ती 12:29

छुर्‌ओ मान्‍ताकायः आःताः क्‍लीमःती पानःमाःत सुइमा ओउः मान्‍ताकोः माल्‌ताल्‌लम् लाती आलःसा खाय्‌नीली। ओउःतलेः सैतान्‌कोः लान्‌लम् ल्‍हेस्‌ताक्‌साकायः ङाइ ङ्‌हासै सैतान्‌कायः क्‍लीमःसा खाय्ओ खेःङोतो।

मत्ती 26:53

ङा परमेस्‍वर्‌ आपाकः तेचाङः त खेःया ओउःइ बार हजार्‌ ल्‍होक्ओमयःकोः पल्‍तन्‌लम् ङाकायः दल्‌ताक्‌साकायः ल्‍होक्‌नाःताङः ङाइ इत हायःसा खाय्‌नाङः त नीङ्इ चीःतेःनीली यादो।

मत्ती 4:24

ओउःत वाह्‌तोक्‌हाङः येसुकोः कुरा सीरीया देस्‌हाङःमा सबै मान्‍तालम्इ ल्‍हाक्‌ती नोःकाय्‌ती झ्‍यान्‍ते ओउःकःताङ् नाःतो जीक्ओलम् वाह्‌सा खाय्‌मालोलम् लान्इ ङायःओलम्‌कायःमा वानःआकानी।

मत्ती 9:33

वानःआक्‌तीको येसुइ ओउः लान्‌कायः ल्‍हेस्‌ती वाय्आकान्। ओहाङःसैको ओउः मान्‍ता नोःसा खाय्ओ खेःतो। एत हायःओ च्‍यवःती ओउः हुम्‌ती मुओलम्‌खे “लौ इलो हायःओजा ङीकोः इस्राएल् देस्‌हाङः गलमा च्‍यवःआक्‌ल बा” त दाय्‍ह्‌ती नोःकाय्इतो

मर्‌कस् 5:14

ओहाङःसैको प्‍याक्‌लम्‌पाय् तीःहाङः ज्‍युप्‌ती सीओ च्‍यवःती ओउः प्‍याक् ह्रामःओ मान्‍तालम्‌मा क्रव्आकाय्। ओउःमयः क्रव्‌तोक्‌हाङः सहर्‌हाङःमा गाव् गाव्‌हाङःमा मेस्‌लो च्‍यवःओ कुरा सबै मान्‍ताकायः ल्‍हाक्‌ती छ्यानःआकानी। ओउःमयःइ छ्यानःओ कुरा सायःती ओहाङःकोः मान्‍तालम् येसुकःताङ् योलाङ् वाङ्आकाय्।

मर्‌कस् 5:16

ओहाङःसैको येसुइ स्‍याक्‌ताक्ओ काम् च्‍यवःओ मान्‍तालम्इ ओउः लान्‌लम्‌कायः ल्‍हेस्ओ कुरामा प्‍याक्‌कायः ङायःताक्ओ कुरामा ओउः योलाङ् वाङ्ओ मान्‍तालम्‌कायः सबै ल्‍हाक्‌ती छ्यानःआकानी।

मर्‌कस् 5:18

ओउःमयःइ “लौ आल्अ” त दाय्‍ह्‌ती तोती झ्‍यान्‍ते येसु दोङ्‌गा लन्‍ह्‌ती वाङ्आ। लन्‍ह्‌ती वाङ्ओ बेलाहाङः ओउः ङ्‌हा लान्इ ङायःओ मान्‍तामा दोङ्‌गाताङ् वाङ्‌ती “लौ ङामा नाङ्‌कुस् वाह्‌पाङः” त दाय्‍ह्‌ती तोथातो

मर्‌कस् 5:4

ओउःकोः दोम् क्रुत्‌पाय् आन साङ्‌लाइ पानःझुङ्‌नीतो गलमा ओउःइ क्रुत्‌कोः साङ्‌ला तेत्‌ती वाय्‌ती दोम्‌कोः साङ्‌ला बाङ्‌हाङः थोःती क्‍लय्‍ह्आकान्। ओउःकायः सुइमा क्‍लीमःसा खाय्‌नीली।

मर्‌कस् 5:9

तोआक्‌तीको “लौ नाङ् गतलोतेः मय्‍ङ्‌तेःनाः” त दाय्‍ह्‌ती येसुइ व्‍हत्‌थातो ती “ङाकायः पल्‍तन् त मय्‍ङ्आताङः” त दाय्‍ह्‌ती ओउःपाय् त्‍याङ्आ “ङी लान्‌लम्‌पाय् नाःतो लेःआः ङी त झ्‍यान्‍ते ओउःतलेः मय्‍ङ्ओआः”

लुका 10:39

कीम्‌हाङः रोम्‌ती गम्आक्‌तीको कीम् पोक्आक्‌तीको येसुइ कीम्‌कोः मान्‍तालम्‌कायः स्‍यान्‌ती मुओ खेःतो। स्‍यान्‌ती मुतोक्‌हाङः मार्‌थाकोः हौद्याङ् मरीयम् त तोओ प्रभु येसु द्याङ्‌तो च्‍युङःती ओउःइ स्‍यान्ओ कुरापाय् सायःती मुओ खेःतो।

लुका 8:27

ओउःहाङः दाह्‌ती वाङ्‌ती दोङ्‌गासै ग्‍ल्‍युङ्‌ह्आक्‌तीको यात्‌चाक् लान्इ ङायःओ सहर्‌कोः मान्‍ताइ येसुकायः क्रुस्‌लाङ् वाङ्आ। लान्इ ङायःआक्‌तीको ओउः मान्‍तापाय् लयःकोः सहर्‌कायः फेती ज्‍याङःतोहाङःसै कीम्‌हाङः एनःमाःत तेस्‌राङ्‌हाङः सोह्‌लेः ब्‍याह्‌तीमा एनःतीमा वाह्ओ खेःतो।

कोलसी 1:13

ङीकायःपाय् परमेस्‍वर्‌इ पेमालो च्‍याक्ओ राजीहाङःसै दल्‌ताक्‌ती लयःकोः ल्‍हुङ् गोरे चोःकोः राजीहाङः वानःती पोक्‌ताक्आतय्‍ही।

२ तीमोथी 1:7

परमेस्‍वर्‌कोः ग्‍वालामःइ बयःओ ल्‍हुङ्‌पाय् रैओ ल्‍हुङ्‌खे खेःबाय्‌ल ओउःइ ग्‍वम् नाःओ राप्ओ खह्र्मालो ल्‍हुङ्‌खे बयःमातय्‍ही।