मर्‌कस् 4:7 - चेपाङ

⁷ फेरी अरु बीया चोयाखे चुःराङ् बन्‌राङ्‌हाङः दीह्आल्आ। ओउःखे बन्‌कुस् ब्रक्‌त लन्‍ह्‌ती यार्‌ती सायः नाःमाःत वाय्आ।

मर्‌कस् 4:7 ပူးပေါင်းရင်းမြစ်များ

मत्ती 13:22

ओहाङःसै अरु मान्‍तालम्‌खेइमा परमेस्‍वर्‌कोः कुरा सायःती ओउःकोः काम् जाङ्‌ह्आक्‌नीतो लोने लयः झाक्ओ काम्‌कायः रुःओ ल्‍हुङ् वाङ्‌नाः पैसा क्‍युसा बोङःओ ल्‍हुङ्‌मा लीङ्‌हायःओ ल्‍हुङ्‌मा वाङ्‌नाः त खेःयाकायः परमेस्‍वर्‌कोः काम् जाङ्‌ह्‌सा लोने ग्‍याइली। इलो खेःओ मान्‍तालम्‌खे चुःराङ्‌हाङः दीह्ओ यार्‌ती वाय्ओ सायःसा खाय्‌मालो बीयालो लेखा मुनै।

मत्ती 13:7

फेरी अरु बीया चोयाखे चुःराङ् बन्‌राङ्‌हाङः दीह्आल्आ। ओउःखे बन्‌कुस् ब्रक्‌त लन्‍ह्‌ती यार्‌ती सीआ।

मत्ती 13:8

अरुखे पेओ साःहाङः दीह्‌ती न्‍ह्योरःती न्‍ह्योरःती लन्‍ह्आक्‌तीको आन सायःनाः कोय् बोत्‌सै यात् घोगा वाङ्आ कोय्‌सै नीस् घोगा अरुसै तीन् घोगा वाङ्आ।

मर्‌कस् 4:6

ओउःकोः रुत् पेओ साःहाङः जोय्‌ती पोक्‌सा खाय्‌माःत न्‍याम् रावःतोक्‌हाङः मात् झ्‍योम्‍ह्‌ती सीजेःआ।

मर्‌कस् 4:8

अरुखे पेओ साःहाङः दीह्‌ती न्‍ह्योरःती न्‍ह्योरःती लन्‍ह्आक्‌तीको आनलेः सायःनाः। कोय् बोत्‌सै यात् घोगा वाङ्आ कोय्‌सै नीस् घोगा अरुसै तीन् घोगा वाङ्आ।

लुका 12:15

ओहाङःसैको येसुइ सबैकायः स्‍यान्‌ती “लौ धय्‌ती मुन दा। अरुकोः थोक्‌लम्‌कायः ल्‍हुङ्‌हाङः लतेःचनै। पैसालम् माल्‌ताल्‌लम् राङ्‌लम् नाःतो क्‍युधार्‌नालेः दोङ् पेओ जीङःपाय् दोःताक्उलु” त दाय्‍ह्‌ती येसुइ तोआथास।

लुका 21:34

लौ पेतो धय्‌ती मुन दा। नीङ् धय्‌ती ल्‍युङ्‌ह्‌ती मुमाःत लुङ्‌ह्‌जेःती हान् तुङ्‌ती लयःकोः काम्‌लम्‌कायः ल्‍हुङ् रुःती मुतेःनै त खेःया नीङ्इ जुगाङ् चीःमालो दीन्‌हाङः ओउः मान्‍ताकोः चोःपाय् याव्‌छीत्‌हाङः ग्रीनःरुसीत दाह्‌ती वाङ्‌लेःनाः।

लुका 8:14

ओहाङःसैको अरु मान्‍तालम्‌खेइ परमेस्‍वर्‌कोः कुरा सायःती ओउःकोः काम् जाङ्‌ह्आक्‌नीतो लोने लयः झाक्ओ काम्‌कायः रुःओ ल्‍हुङ् वाङ्‌नाः पैसा क्‍युसा बोङःओ ल्‍हुङ् वाङ्‌नाः लीङ्‌हायःओ ल्‍हुङ् वाङ्‌नाः त खेःयाकायः परमेस्‍वर्‌कोः काम् जाङ्‌ह्‌सा लोने ग्‍याइली। इ मान्‍तालम्‌पाय् यार्‌ती वाय्ओ सायःसा खाय्‌मालो चुःकुस् दुङ्ओ बीयालो लेखा मुलेःनै।

लुका 8:7

फेरी अरु बीया चोयाखे चुःराङ् बन्‌राङ्‌हाङः दीह्आल्आ। ओउःखे बन्‌कुस् ब्रक्‌त लन्‍ह्‌ती यार्‌ती सीआ।