मर्‌कस् 4:35 - चेपाङ

³⁵ ओहाङःसैको स्‍यान्आक्‌तीको ओउःनम्‌कोः राम्‍हसै वाङ्‌ती “लौ इ दुम्‌हान्‌कोः उःसै त्‍यात्‌लाङ् आल्इ” त दाय्‍ह्‌ती ओउःकुस् वाह्ओमयःकायः तोआथास।

मर्‌कस् 4:35 ပူးပေါင်းရင်းမြစ်များ

मत्ती 14:22

ओहाङःसैको मान्‍तालम्इ जेःती खाय्आक्‌तीको ओउःकोः ङ्‌हासै येसुइ लयःकुस् वाह्ओमयःकायः दुम्‌हान्‌कोः उःसै दोङ्‌गाहाङः ल्‍होक्आथास। ओउःमयःखे दोङ्‌गाहाङः लन्‍ह्‌ती आल्‌तोक्‌हाङः येसुखेइ हुम्ओ मान्‍तालम्‌कायः पाय्‍ह्‌लाङ् ल्‍होक्आथास।

मत्ती 8:18

ओहाङःसैको येसुकःताङ् नाःतो मान्‍तालम् हुम्‌लाङ् वाङ्आकाय्। नाःतो हुम्‌लाङ् वाङ्‌ती झ्‍यान्‍ते “लौ दुम्‌हान्‌कोः तीः उःसै त्‍यात्‌लाङ् आल्इ” त दाय्‍ह्‌ती येसुइ लयःकुस् वाह्ओमयःकायः तोआकान्।

मर्‌कस् 5:21

ओहाङःसै एत हायःआक्‌तीको येसुमा ओउःकुस् वाह्ओमयःमा फेरी दोङ्‌गाहाङः लन्‍ह्‌ती ओउः दुम्‌हान् त्‍यात्‌ती द्यान्‍ह्आकाय्। द्यान्‍ह्‌ती वाङ्आक्‌तीको येसु तीःकोः चीनःसै मुतोक्‌हाङः नाःतो मान्‍तालम् ओउःकःताङ् हुम्‌लाङ् वाङ्आकाय्।

मर्‌कस् 6:45

ओहाङःसैको मान्‍तालम्इ जेःती खाय्आक्‌तीको येसुइ लयःकुस् वाह्ओमयःकायः दुम्‌हान्‌कोः उःसै दोङ्‌गाहाङः ओउःकोः ङ्‌हासै ल्‍होक्आथास। ओउःमयःखे दोङ्‌गाहाङः लन्‍ह्‌ती आल्‌तोक्‌हाङः येसुखेइ हुम्ओ मान्‍तालम्‌कायः दाम्‌ती ल्‍होक्आथास।

मर्‌कस् 8:13

एत दाय्‍ह्आक्‌तीको येसु आल्‌ती फेरी दोङ्‌गाहाङः लन्‍ह्‌ती ताङ्‌ह्ओ दुम्‌हान्‌कोः उःसै आल्आकाय्।

लुका 8:22

ओहाङःसैको यात् दीन्‌हाङः येसुमा ओउःकुस् वाह्ओमयःमा गालील त तोओ ताङ्‌ह्ओ दुम्‌हान्‌ताङ् आल्‌ती दोङ्‌गाहाङः लन्‍ह्आकाय्। दोङ्‌गाहाङः लन्‍ह्आक्‌तीको “लौ तीःकोः उःसै त्‍यात्‌लाङ् आल्इ” त दाय्‍ह्‌ती येसुइ ओउःकुस् वाह्ओमयःकायः तोआथास।

लुका 8:25

दुम्‌हान्‌पाय् जुगाङ् एवेङ्‌त स्‍याव्आक्‌तीको “दोह् हायःतीतेः ङाकायः ङ्‌हाम्‌तेःनाङ्‌सल” त दाय्‍ह्‌ती येसुइ दोङ्‌गाहाङः मुओलम्‌कायः तोआथास ओउःमयः ग्‍याङ्‌ह्‌ती रैती मुइतो “लौ इजा गत खेःओ मान्‍तालो ती। दोङ्‌सीलेः ओउःइ गानाक्‌ती तोओ कुरालेः मारुःलम्‌कायःमा तीःलम्‌कायःमा ग्‍याताक्‌नौ बा” त दाय्‍ह्‌ती येसुकुस् वाह्ओमयः नोःकाय्आकाय्।

युहना 6:1

ओहाङःसैको एत नोःआक्‌तीको लोने येसु गालीलकोः तीःपाय् दोङ्‌गाहाङः त्‍यात्‌ती आल्आकाय्। ओउः तीःकोः अरु मय्‍ङ् “तीबेरीयस्” त तोओलेः।

युहना 6:17

ओहाङः आल्‌ती यात्‌ज्‍योः दोङ्‌गाहाङः पोक्‌ती कफर्‌नाहुम्‌ताङ् त्‍यात्‌सा बोङःआकानी। त्‍यात्‌सा बोङःतोक्‌हाङः न्‍याम् याह्ओ खेःतो येसुपाय् ओउःमयःकःताङ् द्यान्‍ह्‌ती वाङ्‌धाङ्इली।

युहना 6:25

ओहाङःसैको तीःकोः उःसै येसुकायः च्‍यवःती “लौ गुरुय इखा नाङ् गल दाह्‌तेःआ” त दाय्‍ह्‌ती व्‍हत्‌थातो