मर्‌कस् 4:14 - चेपाङ

¹⁴ ओउःपाय् इलेःआः। परमेस्‍वर्‌कोः कुरा नोःओ मान्‍ताइ पेओ समचार्‌लेः बीया चोयालो लेखा वार्‌नौ।

मर्‌कस् 4:14 ပူးပေါင်းရင်းမြစ်များ

मत्ती 13:19

कोय् बीया चोया ल्‍याम्‌हाङः दीह्आ दीह्आक्‌तीको वाः वाङ्‌ती ओउः बीयाकायः सेक्‌ती जेःनानी इलो लेखा कोय् मान्‍तालम्‌खेइ परमेस्‍वर्‌कोः राजीकोः कुरा सायःनीतो सायःआक्‌तीको ल्‍हुङ्‌हाङः पेतो चीःनीली ओहाङःसैको सैतान् त तोओ वाःलो लेखा वाङ्‌ती ओउः मान्‍ताकोः ल्‍हुङ्‌सै परमेस्‍वर्‌कोः पेओ कुरा सेक्‌ती आलःनौ।

मत्ती 13:3

ओहाङःसैको ओउःमयः सायःती मुतोक्‌हाङः येसुइ वीनःराय् ल्‍हाक्‌ती नाःतो कुरा क्‍लोन्‌कोःदीङ् त नोःती स्‍यान्आथास “लौ सायःती मुन दा। यात्‌चाक् बीया चोया वार्‌साकायः चीङ्‌ती राङ्‌ताङ् आल्आ।

मत्ती 13:37

“लौ ओउः पेओ बीया चोया वार्‌ओचाक्‌पाय् ओउः मान्‍ताकोः चोःत तोओलो लेखा लेःआः। ओउःकोः राङ्‌पाय् ल्‍हाव्‍ह्‌दैबाङ् लेःआः।

मर्‌कस् 2:2

नाःतो मान्‍तालम् ओउःकोः कीम्‌ताङ् हुम्‌लाङ् वाङ्आकाय्। हुम्‌ती वाङ्‌तोक्‌हाङः ओउःच्‍युक् नाःतो हुम्‌ती झ्‍यान्‍ते दय्‍ह्‌लौहाङः यातैचाक् चीङ्‌सा चोःचोङ्‌कोता थाव्‌मा नाःल। ओउः हुम्‌ती वाङ्ओलम्‌कायः येसुइ परमेस्‍वर्‌कोः कुरा स्‍यान्‌ती तोआथास।

मर्‌कस् 4:13

“लौ ङा मेस्‌खा क्‍लोन्‌कोःदीङ् त नोःओ कुराकोः माने चीःतेःनीलीया ओउःत खेःया सबै अरु गत हायःतीतेः चीःसा खाय्‌तेःचानी।

मर्‌कस् 4:15

कोय् मान्‍तालम्‌खेइ इ पेओ समचार्‌ सायःनानी। सायःआक्‌तीको सैतान् त तोओ रेन्‍ह्‌तोलेः वाङ्‌ती ओउः सायःओलम्‌कोः ल्‍हुङ्‌तुक्‌सै परमेस्‍वर्‌कोः पेओ कुरा सेक्‌ती आलःनौ। इलो खेःओ मान्‍तालम्‌खे ल्‍याम्‌कोः साःहाङः दीह्ओ बीया चोयालो लेखा मुनै।

मर्‌कस् 4:3

“लौ सायःती मुन दा। यात्‌चाक् बीया चोया वार्‌साकायः चीङ्‌ती राङ्‌ताङ् आल्आ।

लुका 1:2

इ कुराखेपाय् येसुकोः ओत्‌नम् दीन्‌हाङःसै सबै च्‍यवःओ मान्‍तालम्‌कोः ल्‍हाक्‌राय् सायःती चीःआक्‌तीको ओउःमयःइ लेखआकानी।

लुका 8:11

लौ ओउः वीनःराय्‌कोः माने इलेःआः।

खबरदुत 8:4

ओहाङःसैको ओउः रुनःधती क्रव्ओ ङ्‌हाम्ओमयःइ इःताङ् उःताङ् आल्‌ती येसुकोः पेओ कुरा थोल्‍ह्‌ती तोआकानी।