मर्‌कस् 4:11 - चेपाङ

¹¹ “नीङ् परमेस्‍वर्‌कोः कुराकः ग्‍याओलम्‌खेकायः ओउःकोः राजीकोः चीःआक्‌मालो कुरा पेतो चीःसा दोःतेःनै। अरु ग्‍यामालो मान्‍तालम्‌खेइ वीनःराय् झुङ्आले सायःसा खाय्‌नानी ओउःत झ्‍यान्‍ते ओउःमयःइ परमेस्‍वर्‌कोः राजीकोः कुरा चीःसा दोःइली। ओउःमयःइ परमेस्‍वर्‌कोः कुरा च्‍यवःसापाय् च्‍यवःनानी सायःसापाय् सायःनानी पेतो ग्‍याती च्‍यवःमाःत सायःमाःत झ्‍यान्‍ते पेतो चीःसा खाय्‌नीली।

मर्‌कस् 4:11 ပူးပေါင်းရင်းမြစ်များ

मत्ती 11:25

ओहाङःसैको ओउः बेलाहाङः येसुइ परमेस्‍वर्‌ आपाकायः ताङ्‌ह्‌ताक्‌ती तोआकान् “लौ परमेस्‍वर्‌ आपाय नाङ् फेल्‌बाङ् ल्‍हाव्‍ह्‌दैबाङ्‌कोः प्रभुलेः ङाइ तोओ कुरापाय् व्‍हाय्‌तो चीःओ मान्‍तालम्‌कायः छ्यान्‍ह्‌माःत इलो खेःओ मीओलम्‌कायः ह नाङ्इ लयः झाक्‌तीलेः छ्यान्‍ह्‌तेःआकान्।

मत्ती 13:16

नीङ्‌खेकायः परमेस्‍वर्‌इ आन पेतो हायःतेःआकाय् बा दोह् हायःती दाय्‍ह्‌सा नीङ्इ ओउःकोः कुरा च्‍यवःतीमा सायःतीमा चीःसा खाय्‌तेःनानी।

मत्ती 16:17

“लौ योनाह्‌कोः चोः सीमोन् त तोओ नाङ्‌कायः परमेस्‍वर्‌ आन पेतो दोःताक्‌तेःआ बा। नाङ्इ देङी त्‍याङ्ओ कुरा मान्‍तालम्इ स्‍यान्ओ खेःल ङाकोः परमेस्‍वर्‌ आपाइ ह स्‍यान्‌ती बयःओ लेःआः।

मर्‌कस् 3:23

ओहाङःसै ओउःमयःइ तोओ कुरा चीःती येसुइ ओउःमयःकायः गोत्‌ती वीनःराय् ल्‍हाक्‌ती क्‍लोन्‌कोःदीङ् त नोःती “लौ लान्‌कोः सैतान् त तोओ बाल्‌जीबुल् राजाइपाय् अरु लान्‌कायः ल्‍हेस्‌ती वाय्‌सापाय् जुगाङ् खाय्उलु बा।

मर्‌कस् 4:10

ओहाङःसै ओउःत तोआक्‌तीको ओउः हुम्‌ती मुओलम् पाय्‍ह्आकाय्। ओउःमयः पाय्‍ह्आक्‌तीको येसुइ छ्युङ्‌ह्ओ बारजनमा ओउःकुस् मुओलम्‌मा येसुकःताङ् व्‍हत्‌लाङ् वाङ्आकाय् “लौ मेस् कोदीङःती नोःओ कुरा दोह् हायःती तोतेःआताङ्‌स ओउःकोः माने दोह्‌लो” त दाय्‍ह्‌ती व्‍हत्‌थातो ती

मर्‌कस् 4:2

ओहाङःसै ओउःमयः सायःती मुतोक्‌हाङः येसुइ फेरीलेः वीनःराय् ल्‍हाक्‌ती नाःतो कुरा क्‍लोन्‌कोःदीङ् त तोती स्‍यान्आथास।

लुका 8:10

“नीङ् परमेस्‍वर्‌कोः कुरा ग्‍याओलम्‌खेकायः ओउःकोः राजीकोः चीःआक्‌मालो कुरा पेतो चीःसा दोःतेःनै। अरु मान्‍तालम्‌खे वीनःराय् झुङ्आले सायःसा खाय्‌नानी माने चीःसा दोःइली। इतलेः ओउःमयःइ परमेस्‍वर्‌कोः राजीकोः कुरापाय् योतीमा च्‍यवःसा खाय्‌नीली सायःतीमा चीःसा खाय्‌नीली।

१ कोरीन्‍थी 4:7

नीङ्‌पाय् अरुसै ताङ्‌ह्ओलेः सुइलो जाङ्‌ह्‌तेःआकाय् र। नीङ्‌कोः नाःओ कुरापाय् परमेस्‍वर्‌इ सबै बयःतेःआकाय् माःर। ओउःइ बयःओ त खेःया दोह् हायःतीतेः लयःकोः नेह्‌रो ओर्‌तेःताक्‌तेःनानी। लयः क्रुत्इ दोःओलो लेखा नीङ्‌पाय् ताङ्‌ह्‌ताक्‌तेःनाःइसी ओउःत हायःसा स्‍याव्‌ल बा।

२ कोरीन्‍थी 4:6

परमेस्‍वर्‌इलेः “लौ च्‍याक्ओहाङः थोङ्‌तो स्‍याव्‌पाः” त दाय्‍ह्‌ती तोओआः बा ओउः परमेस्‍वर्‌इपाय् ङीकोः ल्‍हुङ्‌मा थोङ्‌ताक्आताङी। ओहाङःसैको ओउः थोङ्ओपाय् येसु ख्रीस्‌कोः खेन्‌सै वाङ्‌ती परमेस्‍वर्‌ गुच्‍युक् पेओमा ताङ्‌ह्ओमा त चीःताक्‌नाःताङी।

एफेसस् 1:9

ओउःइ ङ्‌हा झाक्ओ ख्रीस्इ जाङ्‌ह्‌ताक्‌सा कुरालेः रय्‍ह्‌तीलेः गम्आकान्. ओउः कुरापाय् ङ्‌हापाय् अरुकायः चीःताक्‌मालो खेःतो लोनेः ङीकायःलेः छ्यानःआतय्‍ही।

कोलसी 4:5

ङ्‌हाम्‌मालो मान्‍तालम्‌कायः तोतोक्‌हाङः आह्रे नोःमाःत व्‍हाय्‌तोलेः तोउसु।

१ थेसलोनिकि 4:12

ओउःत हायःतीलेः नीङ्‌कायः योती “दोङ्‌सीलेः ओउःमयः पेओ मान्‍तालम् लेःआः इ” त दाय्‍ह्‌ती अरु ङ्‌हाम्‌मालो मान्‍तालम् म्‍हर्‌नै। फेरी लयःकोः काम् जाङ्‌ह्‌ती झ्‍यान्‍ते नीङ् दोह्‌कायःमा अरुकः तेसा परतेःइली।

१ तीमोथी 3:7

ओउःकायःपाय् ङ्‌हाम्ओलम्‌कुस्इ झुङ्आले खेःल ङ्‌हाम्‌मालोलम्‌मा “ओउःपाय् पेओ मान्‍ता लेःआः” त नोःसा खेःतो। ओहाङःसैको ओउःकायः अरुइ गाल्‌तुम्‌ती नोःसा खाय्‌नीली ओउःकायः सैतान्इ थ्‍योन्‍ह्‌ती होम्‌सा खाय्‌थाल।

१ युहना 5:20

फेरी परमेस्‍वर्‌कोः चोः वाङ्‌ती ङीकायः व्‍हाय्‌ताक्आतय्‍ही ओहाङःसै ङीइ दोङ् परमेस्‍वर्‌कायः तय्‍ह्‌सा खाय्‌नाःतय्‍ह्‌नी। ओउःतलेः चीःनाःतय्‍ह्‌नी फेरी ङीपाय् ओउः दोङ् परमेस्‍वर्‌कुस्‌लेः ओउःकोः चोः येसु ख्रीस्‌कुस् मुनाःतय्‍ही। ओउःपाय् दोङ् परमेस्‍वर्‌ लेःआः ओउःइ गलमा द्युम्‌मालो रौ जीङः बयःनौ बा।