आल्आक्तीको लोनेकोः धोओ दीन्हाङः येसु यहुदीकोः थनःओ कीम्हाङः पोक्ती वाङ्आ। कीम् पोक्ती वाङ्तोक्हाङः ओहाङः हुम्ती मुओलम्कुस् यात्चाक् क्रुत् स्रीत्ती जीक्ओ मान्ता मुओ खेःतो। ओहाङःसैको यात्नीस् फरीसीलम् मुती “लौ धोओ दीन्हाङः मान्ताकायः स्याक्ताक्सा काम् जाङ्ह्सा स्याव्नाःया स्याव्लया” त दाय्ह्ती येसुकायः व्हत्आथै। “येसु ‘माः स्याव्लेःनाः’ त त्याङ्नाः त खेःया ङीइ ओउःकायः गाल्तुम्ती तोसा खाय्नाङःसु” त दाय्ह्ती फरीसीलम् म्हर्आकाय्।
मर्कस् 3:2 - चेपाङ2 ओउःत चीःती ओउः फरीसी त तोओलम्इ येसुकायः योती मुओ खेःइतो “लौ इ धोओ दीन्हाङःपाय् जाङ्ह्सा स्याव्मालो त जवती तोओ काम्पाय् जाङ्ह्ती येसुइ ओउः जीक्ओ मान्ताकायः स्याक्ताक्नौया स्याक्ताक्उलुया त योनी। स्याक्ताक्नौ त खेःया ङीइ ओउःकायः गाल्तुम्ती तोसा खाय्नाःतय्ह्नी” त दाय्ह्ती लयःमयःकुस् नोःकाय्ती येसुकायः ल्हुङ् तुक् कुःती योसा बोङःआकानी। အခန်းကိုကြည့်ပါ။ |
मर्कस् 3:2
12 ပူးပေါင်းရင်းမြစ်များ
ओउःत हायःती झ्यान्ते “लौ इ येसुकायः गाल्तुम्ती चुम्सा गत हायःतीलो दोःनाःतय्ही” त दाय्ह्ती ओउःमयःइ येसुकायः ल्युङ्ह्ती सायःती मुओ खेःतो। ओहाङःसैको ओउःमयःइ येसुकायः गाल्तुम्सा बोङःओ मान्तालम् ओउःकःताङ् ल्होक्आकानी “नीङ्इ व्हत्ओ कुरापाय् ओउःइ पेतो त्याङ्सा खाय्उलु त खेःया ङीइ ओउःकायः गाल्तुम्ती चुम्ती रोमी सर्कार्कायः ल्हासा खाय्नाःतय्ह्नी” त दाय्ह्ती ओउः मान्तालम्कायः ल्होक्आकानी। इत ल्होक्ओ मान्तालम्पाय् येसुकःताङ् दोङ् कुराकायः बोङःओ मान्तालो लेखा वाङ्ती
ओहाङःसैको फरीसीलम्मा धर्मा स्यान्ओमयःमा मुती “लौ इ धोओ दीन्हाङःपाय् जाङ्ह्सा स्याव्मालो त जवती तोओ काम् जाङ्ह्ती येसुइ इ जीक्ओकायः स्याक्ताक्नौया स्याक्ताक्उलुया। स्याक्ताक्नौ त खेःया ओउःकायः गाल्तुम्ती तोसा खाय्नाःतय्ह्नी” त दाय्ह्ती लयःमयःकुस् नोःकाय्ती येसुकायः ल्हुङ्तुक् कुःती योसा बोङःनीतो।
एत सायःआक्तीको “लौ ओउः मान्तापाय् परमेस्वर्कोः धोओ दीन् जवउलु ओउःपाय् परमेस्वर्कःसै खेःल बा” त यात्नीस् फरीसीलम्खे दाय्ह्आकाय् “ओउःत खेःया गत हायःती ओउःलो लेखा रेव्तो जाङ्ह्ओ मान्तापाय् इत ग्याङ्ह्सीःओ काम् जाङ्ह्सा खाय्चौ” त अरु दाय्ह्ती ओउः फरीसीलम् ब्राङ्काय्ती नोःकाय्सा खाय्नीली।
ကြော်ငြာတွေ