मर्‌कस् 3:16 - चेपाङ

^16-18 ओउः बारजनकोः यात्‌चाक् सीमोन् त तोओ खेःतो सीमोन्‌कायः लोने येसुइ पत्रुस् त तोओ हाल् मय्‍ङ् बयःआकान्। फेरी अरुपाय् जबदीकोः नीस् गोय्‌चोःचोः याकुब् युहना नीस्‌पुःचाः खेःचतो। ओउःनीस् पुःचाःकायः येसुइ लोने “लौ इनीस्‌पाय् मुस् मुक्ओ चोःनीस्‌लेः रैस बा” त दाय्‍ह्‌ती “बोआनर्‌गेस्” त हाल् मय्‍ङ् बयःआथाच। फेरी अन्‍द्रीयस् फीलीप् बर्‌थोलोमा मत्ती थोमामा खेःइतो आल्‍फीयस्‌कोः चोः याकुब्‌मा थादीयस्‌मा जेलोत् त हाल् मय्‍ङ्ओ सीमोन्‌मा खेःइतो।

मर्‌कस् 3:16 ပူးပေါင်းရင်းမြစ်များ

मर्‌कस् 1:16

ओहाङःसैको येसु गालील त तोओ ताङ्‌ह्ओ दुम्‌हान्‌कोः छेव्‌हाङः वाह्‌ती नीस्‌चाक् काम् धुःती जाङ्‌ह्ओ ङाः सात्ओ पुःचाःनीस् च्‍यवःआकान्। ओउःनीस्‌पाय् सीमोन् अन्‍द्रीयस् त मय्‍ङ्‌चतो। येसु वाङ्‌तोक्‌हाङः ओउःनीस् पुःचाःपाय् तीःहाङः लाङः वार्‌ओ खेःचतो।

मर्‌कस् 3:15

ङाकोः कुरा थोल्‍ह्‌ती तोसा थेङा ल्‍होक्‌नेःनाङ्‌स फेरी लान्‌कायः ल्‍हेस्‌सा ग्‍वम् बयःनेःनाङ्‌स” त दाय्‍ह्‌ती येसुइ तोती छ्युङ्‌ह्आथास।

लुका 6:13

ओहाङःसैको न्‍याम् दाह्आक्‌तीको ओउःकोः लयःकुस् वाह्ओमयःकायः गोत्‌ती ओउःमयःकःसै येसुइ बारजन छ्युङ्‌ह्‌ती “लौ नीङ् बारजनपाय् ङाकोः पेओ समचार्‌ थोल्‍ह्‌ती तोसा ल्‍होक्ओमयःलेःतेः स्‍याव्‌तेःपै” त दाय्‍ह्‌ती तोआथास।

युहना 1:42

वानःआक्‌तीको येसुइ ओउःकायः योती “लौ नाङ्‌पाय् सीमोन् त मय्‍ङ्ओतेःआः युहना त तोओकोः चोःपाय्। द्याह्‌हाङःसै नाङ्‌कायः ‘केफास्’ त मय्‍ङ्‌तेःपाः” त दाय्‍ह्‌ती येसुइ तोआकान्। “केफास्” त तोओकोः माने “बाङ् लेःआः” एलेनीकोः भासाहाङः “पत्रुस्” त तोओ मुनाः।

खबरदुत 1:13

ओहाङःसैको यरुसालेम्‌ताङ् दाह्‌ती वाङ्आक्‌तीको लयः याक्ओ कीम्‌कोः त्‍यावःअ कोथाहाङः पाय्‍ह्‌ती पोक्आकाय्। ओहाङः पत्रुस् युहना याकुब् अन्‍द्रीयस् त तोओलम्‌मा याक्‌ती मुओ खेःतो। ओहाङःमा फीलीप् थोमा बर्‌थोलोमा मत्ती आल्‍फीयस्‌कोः गोय्‌चोः याकुब् “जेलोत्” त हाल् मय्‍ङ्ओ सीमोन्‌मा याकुब्‌कोः गोय्‌चोः यहुदा त तोओलम्‌मा सबै ओहाङः याक्ओ खेःतो।

१ कोरीन्‍थी 1:12

नीङ्‌कःहाङः यात्‌नीस्‌चाक्‌खे “ङापाय् पावुल्‌कोः मान्‍ता लेःआः ङ” त नोःताङःतेःनै अरुखे “ङापाय् आपोलस्‌कोः मान्‍तालेः” अरुखे “ङापाय् पत्रुस्‌कोःलेः” अरुखे “ङापाय् ख्रीस्‌कोः लेःआः ङ” त दाय्‍ह्‌ती नोःताङःकाय्‌तेःनै।

१ कोरीन्‍थी 3:22

ङा पावुल्‌मा नीङ्‌कोः लेःआः आपोलस्‌मा पत्रुस्‌मा ल्‍हाव्‍ह्‌दैबाङ्‌मा नीङ्‌कोःलेः स्‍याक्ओमा सीओमा तेन्‌छ्याङ्‌कोः कुरामा लोन्‍तेकोः कुरामा सबै नीङ्‌कोः लेःआः।

१ कोरीन्‍थी 9:5

ङाइ अरु ख्रीस्इ छ्युङ्‌ह्‌ती ल्‍होक्ओमयःलो लेखा ङ्‌हाम्ओ मोमःचोः वानःसा दोःनाङः माःर। प्रभु येसुकोः हौचोङ्इमा पत्रुस्इमा ओउःत हायःनानी बा।

२ पत्रुस् 1:1

ङा सीमोन् पत्रुस् त तोओ येसु ख्रीस्इ छ्युङ्‌ह्‌ती ल्‍होक्ओ नोकरीइपाय् इ चेती सबै ङीलो लेखा पेतो ङ्‌हाम्ओलम्‌कायः लेखती ल्‍होक्‌नेःनाङ्‌स। एत अरुसै जुगाङ् दोःमालो ङ्‌हाम्ओ ल्‍हुङ्‌पाय् ङीकोः ओजायः जय्‌कुमःओ परमेस्‍वर्‌इमा ङीकायः दल्‌ताक्ओ येसु ख्रीस्इमा आन पेतो हायःती दोःताक्आतय्‍ही