मर्‌कस् 2:25 - चेपाङ

^25-26 “लौ उय्‍ह्‌लेकोः दावुद् राजाइ दोह् दोह् जाङ्‌ह्ओ नीङ्इ पह्रती चीःतेःनीलीया। अबीआथार्‌ प्रधान् पुरोहीत् खेःतोक्‌हाङः दावुद्‌मा ओउःकोः साथीलम्‌मा योङ्‌क्राय् सीती झ्‍यान्‍ते दावुद्इ परमेस्‍वर्‌कोः मन्‍दीर्‌हाङः पोक्‌ती परमेस्‍वर्‌कायः ल्‍हाती गम्ओ लाङ् रोत्‌ती जेःसाकायः आलःआकान्। ओउः लाङ्‌पाय् सुइमा जेःसा स्‍याव्‌ल ओउः मन्‍दीर्‌कोः पुरोहीत्‌लम्इ ह जेःसा स्‍याव्‌नाः त जवती गम्ओ मुनाः। ओउःत जवओआः दावुद्इमा जेःआकान् ओउःकोः साथीलम्‌कायः जेःसाकायःमा बयःआकान्।

मर्‌कस् 2:25 ပူးပေါင်းရင်းမြစ်များ

मत्ती 19:4

“ल्‍हाव्‍ह्‌दैबाङ्‌कोः तोहा जाङ्‌ह्‌तोक्‌हाङः परमेस्‍वर्‌इ गोय्‌चोःमा मोमःचोःमा नीस् खाल् जाङ्‌ह्‌ती

मत्ती 21:16

“लौ इ हौलम्इ गोःओ कुरा सायःतेःनौया” त दाय्‍ह्‌ती येसुकायः व्‍हत्‌थातो “सायःसापाय् सायःलेःनाङः नीङ्‌खेइ परमेस्‍वर्‌कोः आखरःहाङः लेखओ कुरा पह्रतेःनीली यादो ‘नाङ्इ मीओ हौलम्‌कायः पेतो लुङ्‌ती तोओ नोःतेःताक्‌तेःआकान्’ त दाय्‍ह्‌ती लेखती मुनाः” त दाय्‍ह्‌ती येसुइ तोआथास।

मत्ती 21:42

“लौ परमेस्‍वर्‌इ बयःओ आखरःहाङः इलेः लेखओ माःर ‘कीम् जाङ्‌ह्ओलम्इ ङ्‌हा “इ पेमालो” त दाय्‍ह्‌ती ताती वाय्ओ बाङ्‌पाय् लोने कीम् गाराकोः मुल्‌बाङ् स्‍याव्आनाः। इलेः प्रभु परमेस्‍वर्‌इ जाङ्‌ह्आकान् बा इपाय् गुच्‍युक् पेजेःनाः’ त दाय्‍ह्ओ लेखती मुनाः।

मत्ती 22:31

फेरी उह्‌ती च्‍योक्ओ कुरा परमेस्‍वर्‌कोः आखरःहाङः लेखती मुनाः। ओउः नीङ्‌कायः तोओ कुरा पह्रतेःइली यादो।

मत्ती 4:2

ओहाङःसैको चालीस् दीन्‌च्‍युक्‌कायः येसुइ दोह्‌मा जेःमाःत उपाङ् काःती मुआ। ओःनम् दीन् पुत्आक्‌तीको ओउःपाय् आन योङ्‌क्राय्ओ खेःतो।

मर्‌कस् 12:20

ओउःत खेःओ इ कुरा सायःउ दा। सात् पुःचोङ् खेःइतो। सात् पुःचोङ् खेःतो जेथा पुःइ बुधीलेः वानःउतो लयःकोः चोः दोःमाःत ओउः जेथा सीआ।

मर्‌कस् 12:26

फेरी सीआक्‌तीको उह्‌ती च्‍योक्ओ कुरापाय् परमेस्‍वर्‌कोः आखरःहाङः मुलेःनाः बा। मोसा त तोओ लेखओ कुरा नीङ्इ पह्रती चीःतेःनानी माःर। मोसापाय् झ्‍युर्‌राङ्‌हाङः ल्‍युङ्‌ह्‌ती मुतोक् बेलाहाङः परमेस्‍वर्‌इ ओउःकायः गोत्‌ती ‘लौ आब्राहाम् इसाक् याकुब्‌त तोओलम्‌कोः परमेस्‍वर्‌पाय् ङालेः मुनाङः’ त दाय्‍ह्‌ती तोआकान्। ओउःइ तोकानःलम्‌कोः परमेस्‍वर्‌लेः ‘खेःङोतो’ त तोउलु ओउःमयःकोः परमेस्‍वर्‌ ‘मुलेःनाङः’ त तोआकान्।

मर्‌कस् 2:24

ओउःमयःइ चुय् काव्‍ह्‌ती जेःओ च्‍यवःती फरीसीलम् येसुकःताङ् वाङ्‌ती “योउ दै इ ङीइ जवओ धोओ दीन्‌हाङः नाङ्‌कुस् वाह्ओमयःइ दोह् हायःती इतलेः चुय् काव्‍ह्ओ काम् जाङ्‌ह्‌नानी। धोओ दीन्‌हाङः दोह् काम्‌मा जाङ्‌ह्‌सा स्‍याव्‌ल बा” त दाय्‍ह्‌ती जान्‌ती तोनीतो

लुका 10:26

“लौ नाङ्इ परमेस्‍वर्‌कोः ऐन् पह्रओ बेलाहाङः दोह् दोह् स्‍यान्‌तेःआकास” त येसु दाय्‍ह्‌ती