मर्‌कस् 16:6 - चेपाङ

⁶ “लौ ताः ग्रीनःइली। ओउः ङ्‌हासै क्‍ल्‍याय्ओ सीङःहाङः सात्ओ नासरेत् गाव्‌कोः येसुकायः बोङःतेःनीतो ओउःपाय् इहाङःलेः मुल उह्‌ती च्‍योक्ओ लेःआः बा। लौ ओउःकायः एनःती गम्ओ थाव्‌पाय् द्याह् सोह् मुनाः त योनु दै” त दाय्‍ह्‌ती ओउः मान्‍ता तोती

मर्‌कस् 16:6 ပူးပေါင်းရင်းမြစ်များ

मत्ती 12:40

उय्‍ह्‌लेकोः योनाह् त तोओ सुम् याह्‌दीङ् न्‍हीदीङ्‌कायः ताङ्‌ह्ओ ङाःकोः तुक्‌हाङःलेः मुआक्‌तीको सेलः मुओ खेःतो। ओउःलो लेखा ओउः मान्‍ताकोः चोः त तोओपाय् सुम् याह्‌दीङ् सुम् न्‍हीदीङ्‌कायः ह साःहाङः पाम्‍ह्आक्‌तीको उह्‌ती च्‍योक्‌लेःनाः। इ ग्‍याङ्‌ह्‌राय् ह ङ्‌हाम्‌ताक्‌साकायः बयःलेःनाः।

मर्‌कस् 1:24

ओउःखेइ गोःती “अ नाङ् नासरेत्‌कोः येसुय। नाङ्इ ङीकायः दोह् हायःलाङ् वाङ्‌तेःआ। ङीकायः ह्र्योङःताक्‌लाङ् वाङ्ओतेःआः यादो। लौ नाङ्‌कायः ङाइ तय्‍ह्‌लेःआनाङः बा। नाङ्‌जा परमेस्‍वर्‌कोः जय्‌कुमःत मुओ चाक् लेःतेःआः बा” त दाय्‍ह्‌ती तोथातो।

मर्‌कस् 1:27

इत हायःओ च्‍यवःआक्‌तीको सबै हुम्ओलम् ग्‍याङ्‌ह्‌ती “लौ इपाय् दोह् दोह् कुरालो ती। जुगाङ् नया कुरा लेःआः रैस। इलो लेखा ताङ्‌ह्ओ ग्‍वम् दोःती ओउःइ गानाक्‌ती तोओपाय् लान्‌लम्इमा सायःनानी रैस बा” त दाय्‍ह्‌ती नोःकाय्आकाय्।

मर्‌कस् 10:34

ओउः यहुदी खेःमालोलम्‌कःताङ् दाक्आक्‌तीको ओउःकायः रेव्‌तो हायःती हेला क्‍लाःती द्युर्‌ द्युरःतीमा लाइ स्राप्आक्‌तीकोमा सात्‌लेःनानी। सात्‌सापाय् सात्‌नानी सुम् दीन् पुत्आक्‌तीको ओउःपाय् उह्‌ती च्‍योक्आनाः” त दाय्‍ह्‌ती येसुइ लयःकायः स्‍याव्‌सा खेःओ कुरा छ्यान्‍ह्आथास।

मर्‌कस् 14:33

एत तोआक्‌तीको पत्रुस्‌मा याकुब् युहना नीस्‌पुःचाःमा ओउः सुम्‌चाक्‌कायः लयःकुस् आलःआकान्। आलःआक्‌तीको येसु ल्‍हुङ्‌हाङः आन र्‍याङःतीमा लीह्‌तीमा स्‍याव्आ।

मर्‌कस् 9:15

ओउः हुम्‌ती मुओलम्इ येसुकायः च्‍यवःओ कुस्‌ब्रक्‌त ग्‍याङ्‌ह्‌ती ओउःकःताङ् तन्‌ती स्‍यवलाङ् वाङ्आकाय्।

लुका 24:46

“परमेस्‍वर्‌इ तोती गम्ओ ख्रीस्‌त तोओलेः ‘लीह्‌सीःओ गोरःती सीसा खेःतो। सीआक्‌तीको सुम् दीन् पुत्आक्‌तीको ओउः उह्‌ती च्‍योक्‌लेःनाः’ त दाय्‍ह्ओ लेखती मुनाः।

खबरदुत 2:24

ओहाङःसैको सात्आक्‌तीको सीती वाय्ओहाङःसै परमेस्‍वर्‌इ येसुकायः उह्‌ती च्‍योक्‌ताक्आथै दोह् हायःती दाय्‍ह्‌सा येसुपाय् सीती मुसा त्‍याक्आक्‌थाल।

खबरदुत 4:10

ओउःत खेःया इ कुरा पेतो चीःती सायःनु दा। नीङ् इस्राएल्‌कोः मान्‍तालम्इ क्‍ल्‍याय्ओ सीङःहाङः सात्ओ नासरेत् गाव्‌सै वाङ्ओ येसुपाय् ओउःकायःलेः परमेस्‍वर्‌इ च्‍योक्‌ताक्आथै। ओउः येसु ख्रीस्‌कोः मय्‍ङ् पेह्‌ती झ्‍यान्‍ते इ ङ्‌हा क्‍ल्‍योय्‌बाङ् खेःओ मान्‍तापाय् द्याह् नीङ्‌कःहाङः पेतो सेलःलेः चीङ्‌ती मुनाः।