मर्कस् 16:19 - चेपाङ19 एतलेः येसुइ तोआकान् ओहाङःसैको लोने प्रभु येसुकायः लाङ्काताङ् लनःओ खेःतो ओहाङः परमेस्वर्कोः गुल्ह्दाङ् स्याव्ती परमेस्वर्कोः ङोय्सै च्युङःतीलेः मुआ। အခန်းကိုကြည့်ပါ။ |
मर्कस् 16:19
37 ပူးပေါင်းရင်းမြစ်များ
ओहाङःसैको जेःआक्तीको “लौ यहोनास्कोः चोः सीमोन्य इमयःसै नाङ्इ ङाकायः न्हाङ्तोलेः राप्तेःनाःचीया राप्तेःचीलीया” त दाय्ह्ती येसुइ व्हत्थातो “माः प्रभुय ङाइ नाङ्कायः राप्ओ त नाङ्इ चीःतेःनौ बा” त दाय्ह्ती पत्रुस् त्याङ्ती “लौ उया ङाकोः हौलम्कायः मीओ भेदाकोः चोःलो लेखालेः स्यास्उ दा” त दाय्ह्ती येसुइ तोआथै।
ओहाङःसैको द्याह् येसुपाय् परमेस्वर्कोः ङोय्दोहाङः मुओ सबैसै व्हाय्ओ गुल्ह्दाङ् स्याव्नाः। ओउःपाय् एत ताङ्ह्तोलेः स्याव्ओआः ओहाङःसैको परमेस्वर्इ ङ्हा तोओलो लेखा येसुइ परमेस्वर्कोः ग्वालामः दोःती ओउः ग्वालामःपाय् मान्तालम्कायः ल्होक्आकान्। इ मान्तालम्कःताङ् ल्होक्आक्तीको नीङ्इ मेस्खा च्यवःओ मेस्खा सायःओ ग्याङ्ह्सीःओ काम् स्याव्आ।
तेन्छ्याङ् इ येसु ख्रीस् लाङ्काताङ् आल्ती द्याह् मुधाङ्सा खेःतो। येसु लाङ्काहाङः मुती गल खेःयाकायःमा इ ल्हाव्ह्दैबाङ्कोः ह्र्योङःसा खेःओ दीन् पुत्चाः ओउःनम् दीन्हाङःलेः येसु सबै ल्हाव्ह्दैबाङ् फेरी पेतो जाङ्ह्साकायः द्यान्ह्तीलेः वाङ्आनाः। इ लोन्दोहाङः स्याव्सा कुरा परमेस्वर्कोः कुरा छ्यानःओमयःइ उय्ह्लेहाङःसै तोलेःआकानी।
दोङ्सीलेः ङीकोः ङ्हा चीःआक्मालो ङ्हाम्ओ कुरापाय् आन ताङ्ह्जेःनाः बा। ओउः कुरा इलेःआः। “येसु ख्रीस्पाय् मान्ताकोः आङ्हाङः थाती वाङ्ओआः। ओउःकायः ‘परमेस्वर्कोः ग्वालामःइ जुगाङ् छय्ङ्तो लेःआः’ त छ्यानःआकान् ओउःकायःमा परमेस्वर्कोः लाङ्कासै ल्होक्ओमयःइ च्यवःआथै ओउःकोः कुरापाय् देस् देस्ताङ् थोल्ह्ती तोओआः। थोल्ह्ती तोआक्तीको ल्हाव्ह्दैबाङ्कोः मान्तालम्इ ओउःकायः ङ्हाम्आकानी ओहाङःसै ओउःकायः ताङ्ह्ताक्साकायः त्यावःताङ् लनःआथै” त दाय्ह्ओ मुनाः।
ओउः चोःपाय् परमेस्वर्सै दोःती न्याम्कोः रोलो लेखालेः अङ्गाय् थङ्गाय् त आन पेतोलेः थोङ्नाः। ओहाङःसै गतलो परमेस्वर्लेः मुनाः चोःपाय् ओउःतलेः घार्तोलेः मुनाः। ओउःकोः ग्वम् नाःओ नोःराय्इ सबै थोक्लम् स्यास्तीलेः मुनाः। सबैकायः रेव्ओ काम्सै छय्ङ्ताक्आक्तीको ओउःपाय् सबैसै ताङ्ह्ओ परमेस्वर्कायः गुल्ह्दाङ् स्याव्ती ओउःकोः ङोय्दोहाङः मुलेःनाः।
ङीकायः स्यालःओ येसुकायः जुःतीलेः योनी। ङीइ ङ्हाम्ओकायः येसुइ स्यालःमानाःतय्ही ताप्माताक्नाःतय्ही। ओउःपाय् “लोने पेओ चोङाय्ओ बेला वाङ्नाः” त म्हर्ती ओउः क्ल्याय्ओ सीङःहाङः आन लीह्सीःओ गोरःती लयःकायः दोह्तमा म्हर्माःत अरुकोः मीक्हाङः “मीतो स्याव्पाङः” त म्हर्ती सीलेःआ। द्याह् ओउःपाय् परमेस्वर्कोः गुल्ह्दाङ् स्याव्ती ओउःकोः ङोय्दोसै राजा च्युङःसा थाव्हाङः मुलेःनाः।
ကြော်ငြာတွေ