मर्कस् 16:17 - चेपाङ17-18 ङाकोः कुरा ङ्हाम्ओ मान्तालम् पेतो जाङ्ह्सा खाय्नानी। ङाकोः मय्ङ् पेह्ती लान्लम्कायः ल्हेस्मानानी नया भासालम् नोःमानै रु चुम्ओमा बीस् तुङ्ओ त खेःया ओउःमयः सीमाइली। जीक्ओ मान्ताकायः क्रुत्इ दीन्ह्आक्तीको स्याक्ताक्मानानी” त दाय्ह्ती येसुइ थातोक्हाङःपाय् ओउः एघारजनकायः तोआकान्। အခန်းကိုကြည့်ပါ။ |
मर्कस् 16:17
17 ပူးပေါင်းရင်းမြစ်များ
ओउः मोमःचोःपाय् नाःतो दीन्कायः एतलेः दाय्ह्ती ङीकायः गुल्ह्ताङीतो ओहाङःसैको पावुल्पाय् आन ल्हुङ् जीक्ती झ्यान्ते “लौ इ मोमःचोःकायः ‘ल्हेस्ती फेउ’ त ङाइ प्रभु येसु ख्रीस्कोः ग्वम्इ तोतेःनाङ् बा” त दाय्ह्ती ओउः मोमःचोःकायः ङायःओ लान्कायः तोउतो एत तोओ कुस्ब्रक्त ओउः लान् ल्हेस्तीलेः वाय्आ।
ओहाङःसैको द्याह् येसुपाय् परमेस्वर्कोः ङोय्दोहाङः मुओ सबैसै व्हाय्ओ गुल्ह्दाङ् स्याव्नाः। ओउःपाय् एत ताङ्ह्तोलेः स्याव्ओआः ओहाङःसैको परमेस्वर्इ ङ्हा तोओलो लेखा येसुइ परमेस्वर्कोः ग्वालामः दोःती ओउः ग्वालामःपाय् मान्तालम्कायः ल्होक्आकान्। इ मान्तालम्कःताङ् ल्होक्आक्तीको नीङ्इ मेस्खा च्यवःओ मेस्खा सायःओ ग्याङ्ह्सीःओ काम् स्याव्आ।
ङ्हाम्ओलम्कायःपाय् परमेस्वर्इ मान्ता मान्ताकायः लःलयः जोक्कोः काम् बयःआकान्। ङ्हापाय् यात्नीस्चाक् परमेस्वर्इ छ्युङ्ह्ती ल्होक्ओ मान्ता लेःआः। ओहाङःसै अरुखे परमेस्वर्कोः कुरा छ्यानःओमयः लेःआः अरुलम् परमेस्वर्कोः कुरा स्यान्ओमयःलेः इ। ग्याङ्ह्राय् जाङ्ह्ओलम् जीक्ओ मान्ता स्याक्ताक्ओलम् लव्ह्ती बयःओलम् अरुकायः हुकुम् बयःओलम् थेथे भासा नोःओलम् इ सबै मुलेःनै।
ကြော်ငြာတွေ