मर्‌कस् 15:7 - चेपाङ

⁷ ओहाङःसैको ओउः साल्‌हाङः यात्‌चाक् बरबा त तोओ झ्‍याल्‍खानहाङः थुनओ खेःतो। ओउः बरबा त तोओइ सर्‌कार्‌लम्‌कुस् मीन्‍ह्‌काय्‌तोक्‌हाङः मान्‍ताकायः सात्आकान् ओउःत झ्‍यान्‍ते सर्‌कार्‌कोः मान्‍तालम्इ बरबामा ओउःकोः साथीलम्‌कायःमा चुम्‌ती झ्‍याल्‍खानहाङः काआथास।

मर्‌कस् 15:7 ပူးပေါင်းရင်းမြစ်များ

मत्ती 27:16

ओहाङःसैको ओउः साल्‌हाङः यात्‌चाक् सबैइ तय्‍ह्ओ मान्‍ता बरबा त तोओ झ्‍याल्‍खानहाङः थुनती गम्ओ खेःतो।

मर्‌कस् 15:6

ओहाङःसैको ओउः च्‍योल्ओ दीन्‌कोः छ्यात्‌हाङः साल् साल्‌कायः यात्‌चाक् झ्‍याल्‍खानहाङः थुनओ मान्‍ताकायः अन्‍चलादीस्इ फेन्‌सा खेःतो त जवआकानी। सुकायः “लौ इकायःलेः फेन्‌पाः” त दाय्‍ह्‌ती यहुदीलम्इ तेती तोआकानी ओउः मान्‍ताकायः पीलातस्इ फेताक्ओ खेःतो।

मर्‌कस् 15:8

ओहाङःसैको येसुकोः कुरा सायःतोक्‌हाङः यहुदीकोः मान्‍तालम् हुम्‌ती पीलातस्‌कःताङ् वाङ्‌ती “लौ च्‍योल्ओ दीन्‌कोः जवओ जाङ्‌ह्‌ती द्याह् यात्‌चाक् थुनओ मान्‍ताकायः फेन्उ दै” त दाय्‍ह्‌ती तेआकाय्

लुका 23:25

ओउःतलेः पीलातस्इ ओउः मीन्‍ह्‌काय्‌ती मान्‍ताकायः सात्ओ बरबा त तोओखेकायः “ओउःकायः फेनु” त तोउतो येसुखेकायः “ओउःमयः सात्‌ताक्‌सा झाक्ओ मान्‍ताकायः सात्‌पाःथै” त दाय्‍ह्‌ती लयःकोः सीपाहीलम्‌कायः ताआकान्।