मर्‌कस् 14:9 - चेपाङ

⁹ दोङ्‌सी दाय्‍ह्‌भनाङ् ल्‍हाव्‍ह्‌दैबाङ्‌हाङः गाःहाङःमा ङाकोः पेओ समचार्‌ थोल्‍ह्‌ती तोचानाः ओहाङःलेः इ मोमःचोःकोः एत पेतो जाङ्‌ह्ओमा सबै चीःताक्‌साकायः ल्‍हाक्‌नानी बा” त दाय्‍ह्‌ती येसुइ तोआथास।

मर्‌कस् 14:9 ပူးပေါင်းရင်းမြစ်များ

मत्ती 24:14

ओहाङःसैको ओउः द्युम्ओ दीन्‌कोः ङ्‌हासै परमेस्‍वर्‌कोः राजीकोः पेओ कुरा ल्‍हाव्‍ह्‌दैबाङ्‌हाङः सबै मान्‍तालम्‌कायः चीःताक्‌सा थेङालेः थोल्‍ह्‌ती तोसा खेःतो। थोल्‍ह्‌ती तोआक्‌तीको ओउः द्युम्ओ दीन् वाङ्‌लेःनाः।

मत्ती 24:28

लौ गाःहाङःलो सीओ मायः मुनाः ओहाङःलेः गीधलम् हुम्‌ती वाङ्‌नै ओउःतलेः ङा वाङ्‌तोक्‌हाङः सबै ङाकःताङ् हुम्‌लाङ् वाङ्‌लेःनै।

मर्‌कस् 16:15

“लौ द्याह्‌पाय् सबै ल्‍हाव्‍ह्‌दैबाङ्‌हाङः थोयःती ङाकोः पेओ समचार्‌ सबै मान्‍तालम्‌कायः थोल्‍ह्‌ती तोनु दा।