मर्‌कस् 14:68 - चेपाङ

⁶⁸ “खेःल बा नाङ् दाय्‍ह्ओ कुरापाय् ङाइ दोह्‌मा चीःङल” त दाय्‍ह्‌ती पत्रुस् माःती त्‍याङ्आ एत त्‍याङ्आक्‌तीको ओउः आङ्‌गन्‌कोः दय्‍ह्‌लौताङ् ज्‍याल्आ। ओहाङःसैको यात्‌ज्‍योः वाः गोःआ।

मर्‌कस् 14:68 ပူးပေါင်းရင်းမြစ်များ

मर्‌कस् 14:54

फेरी येसुकायः आलःतोक्‌हाङः पत्रुस्इ लोने लोनेसै ओउःकायः गुल्‍ह्‌ती ओउः प्रधान् पुरोहीत्‌कोः दर्‌बाल्‌ताङ् दाह्आ। ओहाङः दाह्‌ती पत्रुस्‌पाय् दर्‌बाल्‌कोः आङ्‌गन्‌हाङः पोक्‌ती नोकरीलम्‌कुस् म्‍हेः गारःती मुओ खेःतो।

मर्‌कस् 14:69

दय्‍ह्‌लौहाङः मुतोक्‌हाङः यात्‌चाक् नोकरी मोमःचोःइ फेरीलेः ओउःकायः च्‍यवःती “लौ इपाय् यात्‌चाक् येसुकुस् वाह्ओमयः लेःआः” त दाय्‍ह्‌ती ओहाङः मुओलम्‌कायः छ्यानःआकान्

मर्‌कस् 14:70

“खेःबाय्‌ङल ओउःकायः ङाइ तय्‍ह्‌ङल जुगु” त दाय्‍ह्‌ती पत्रुस्इ फेरीलेः माःती त्‍याङ्आ। ओहाङःसैको देङीलोहाङः “दोङ्‌सीलेः नाङ्‌पाय् यात्‌चाक् ओउःकुस् वाह्ओमयःतेः खेःतेःनाः बा। ओउःमयःलो लेखा नाङ् गालील अन्‍चल्‌सै वाङ्ओ लेःतेःआः” त दाय्‍ह्‌ती ओहाङः मुओलम्इ तोथातो

मर्‌कस् 14:72

ओउःत त्‍याङ्‌तोक्‌हाङः वाः फेरीलेः गोःआ। ओहाङःसैको ओउः वाः गोःओ सायःती “लौ माय्‍ह्‌ला वाः गोःमाधाङ्‌च्‍युक्‌हाङः नाङ्इ सुम् पेन्‍ह्‌कायः ङाकायः ‘तय्‍ह्‌ङल बा’ त दाय्‍ह्‌ती मान्‍तालम्‌कायः तोतेःनौ” त येसु ङ्‌हा दाय्‍ह्ओ कुरा पत्रुस्इ गीलआकान्। गीलआक्‌तीको ओउःपाय् आन लीह्‌तीलेः र्‍याःआ।