मर्‌कस् 14:67 - चेपाङ

⁶⁷ पत्रुस्‌पाय् म्‍हेः गारःती मुओ च्‍यवःआकान्। एत च्‍यवःती ओउःकायः त्‍यास्‌ती योती “लौ नाङ्‌मा ओउः नासरेत्‌कोः येसुकुस् वाह्ओतेःआः माःर” त दाय्‍ह्‌ती तोथातो

मर्‌कस् 14:67 ပူးပေါင်းရင်းမြစ်များ

मत्ती 2:23

ओहाङःसैको ओउःकायः फेरीलेः परमेस्‍वर्‌इ माङःखाहाङः गानाक्‌ती तोती झ्‍यान्‍ते युसेफ् गालील देस्‌ताङ् आल्‌ती नासरेत् त तोओ गाव्‌ताङ् याक्आकाय्। ओउःत हायःती येसुकायः “ओउःकायःपाय् ‘नासरेत्‌कोः’ त तोनानी” त दाय्‍ह्‌ती उय्‍ह्‌लेकोः परमेस्‍वर्‌कोः कुरा छ्यानःओमयःइ लेखओ द्याह् ताप्‌तोलेः स्‍याव्आ।

मत्ती 21:11

“लौ इपाय् येसुत तोओलेः। गालील अन्‍चल्‌कोः नासरेत् गाव्‌सै वाङ्ओ परमेस्‍वर्‌कोः कुरा छ्यानःओ मान्‍ता” त दाय्‍ह्‌ती तोआथास।

मर्‌कस् 1:24

ओउःखेइ गोःती “अ नाङ् नासरेत्‌कोः येसुय। नाङ्इ ङीकायः दोह् हायःलाङ् वाङ्‌तेःआ। ङीकायः ह्र्योङःताक्‌लाङ् वाङ्ओतेःआः यादो। लौ नाङ्‌कायः ङाइ तय्‍ह्‌लेःआनाङः बा। नाङ्‌जा परमेस्‍वर्‌कोः जय्‌कुमःत मुओ चाक् लेःतेःआः बा” त दाय्‍ह्‌ती तोथातो।

मर्‌कस् 10:47

ओहाङःसैको ओउः मान्‍ता ल्‍याम्‌कोः छेव्‌सै मुतोक्‌हाङः “लौ नासरेत् गाव्‌कोः येसुलेः वाङ्आनाः” त दाय्‍ह्ओ सायःआक्‌तीको ओउः मीक् लोक्ओ मान्‍ताइ “अ येसुय नाङ् दावुद् राजाकोः प्‍लोमःदानेतेः ङाकायः योनःतीतेः सायःचाक्‌ची दै” त दाय्‍ह्‌ती आन गोःओ खेःतो

मर्‌कस् 14:54

फेरी येसुकायः आलःतोक्‌हाङः पत्रुस्इ लोने लोनेसै ओउःकायः गुल्‍ह्‌ती ओउः प्रधान् पुरोहीत्‌कोः दर्‌बाल्‌ताङ् दाह्आ। ओहाङः दाह्‌ती पत्रुस्‌पाय् दर्‌बाल्‌कोः आङ्‌गन्‌हाङः पोक्‌ती नोकरीलम्‌कुस् म्‍हेः गारःती मुओ खेःतो।

युहना 18:18

फेरी न्‍याम् झ्‍युङ्‌ती झ्‍यान्‍ते यात्‌नीस् सीपाहीलम्‌मा नोकरीलम्‌मा म्‍हेः मुत्आक्‌तीको म्‍हेः गारःती मुओ खेःइतो पत्रुस्‌मा ओउःमयःकःताङ् गारःलाङ् वाङ्आ।

युहना 19:19

येसुकायः योकोःती गम्‌तोक्‌हाङः पीलातस्इ “इ नासरेत्‌कोः येसु यहुदीकोः राजा” त लेखती येसुकोः क्‍ल्‍याय्ओ सीङःहाङः गम्आकान्।

खबरदुत 10:38

ओउः बेलाहाङः नासरेत् गाव्‌सै वाङ्ओ येसु त तोओकायः परमेस्‍वर्‌इ लयःकोः ग्‍वालामःमा ग्‍वम्‌मा दोःताक्आथै। परमेस्‍वर्‌कोः ग्‍वालामः दोःआक्‌तीको येसु आन पेतो हायःती इःताङ् उःताङ् आल्‌ती जीक्ओ मान्‍तालम्‌मा लान्इ ङायःओ मान्‍तालम्‌कायःमा स्‍याक्‌ताक्ओ काम् जाङ्‌ह्ओ खेःतो।