मर्‌कस् 14:42 - चेपाङ

⁴² लौ च्‍योक्‌ती आल्इ। ङाकायः दाक्‌लाङ् आलःसा बोङःओ मान्‍तापाय् दाह्‌ती वाङ्ओआः बा” त दाय्‍ह्‌ती येसुइ तोआथास।

मर्‌कस् 14:42 ပူးပေါင်းရင်းမြစ်များ

मत्ती 26:46

लौ च्‍योक्‌ती आल्इ। ङाकायः दाक्‌सा बोङःओ मान्‍तापाय् दाह्‌ती वाङ्ओआः बा” त दाय्‍ह्‌ती येसुइ तोथासतो।

मर्‌कस् 14:41

ओहाङःसैको येसु फेरी आल्‌ती परमेस्‍वर्‌कायः तोती द्यान्‍ह्आक्‌तीको ओउः सुम्‌चाक् फेरीलेः एनःती मुओआः। एत च्‍यवःती “नीङ् एनःतीलेःतेः मुझुङ्‌तेःनै लौ छ्यो द्याह् ओउः बेला दाह्ओआः। द्याह्‌पाय् ओउः मान्‍ताकोः चोः त तोओकायः रेव्ओलम्‌कःताङ् दाक्‌ती आलःनाःथै।

मर्‌कस् 14:43

येसुइ ओउःत तोतोक्‌हाङः यहुदा त तोओपाय् यात्‌चाक् येसुकोः बारजन छ्युङ्‌ह्ओमयःपाय् ओहाङः दाह्‌ती वाङ्आ। ओउःकुस् नाःतो तरवाल्‌मा दङ्‌ग लात्ओ मान्‍तालम् वाङ्आकाय्। ओउःमयःकायः ओउः ताङ्‌ह्ओ पुरोहीत्‌लम्‌मा धर्‌मा स्‍यान्ओमयःमा अरु यहुदीकोः ताङ्‌ह्ओ मान्‍तालम्इ ल्‍होक्आथास।