मर्‌कस् 14:20 - चेपाङ

²⁰ “ओउः मान्‍तापाय् यात्‌चाक् नीङ् बार छ्युङ्‌ह्ओमयःकोः लेःआः बा ओउःइ ङाकुस् झोल्‌हाङः लाङ् न्‍योःती मुनाः।

मर्‌कस् 14:20 ပူးပေါင်းရင်းမြစ်များ

मत्ती 26:23

“ङाकुस् झोल्‌हाङः लाङ् न्‍योःती मुओ मान्‍तापाय् ओउःइलेः ङाकायः दुस्‍मान्‌कःताङ् दाक्‌नाःताङः।

मत्ती 26:47

येसुइ ओउःत तोतोक्‌हाङः यहुदा त तोओ यात्‌चाक् येसुकोः बारजन छ्युङ्‌ह्ओमयःपाय् ओहाङः दाह्‌ती वाङ्आ। ओउःकुस् नाःतो तरवाल्‌मा दङ्‌ग लात्ओ मान्‍तालम् वाङ्आकाय्। ओउःमयःकायः ओउः यहुदीलम्‌कोः ताङ्‌ह्ओ पुरोहीत्‌लम्इमा अरु ताङ्‌ह्ओ मान्‍तालम्इ ल्‍होक्आथास।

मर्‌कस् 14:19

एत तोओ सायःआक्‌तीको ओउः बारजनपाय् ल्‍हुङ्‌हाङः लीह्‌ती “ओउःपाय् ङालेः खेःलया” त दाय्‍ह्‌ती ओउःमयःइ स्‍योताङ् स्‍योताङ् येसुकायः व्‍हत्‌थातो

मर्‌कस् 14:21

लौ ओउः मान्‍ताकोः चोःत तोओपाय् सीलाङ् आल्‌सा खेःतो। ओउःत हायःओ उय्‍ह्‌लेकोः आखरःहाङःलेः रय्‍ह्‌ती मुनाः। ओउःत स्‍याव्‌सा खेःलेःतो ओउः ङाकायः सात्‌सा दाक्ओ मान्‍ताकायःपाय् लोने गुच्‍युक् पेमालो न्‍युम्‍ह्‌नाःथै बा। ओउः मान्‍तापाय् आमाइ ओत्‌मालो पेचाः खेःतो” त दाय्‍ह्‌ती येसुइ तोआथास।

मर्‌कस् 14:43

येसुइ ओउःत तोतोक्‌हाङः यहुदा त तोओपाय् यात्‌चाक् येसुकोः बारजन छ्युङ्‌ह्ओमयःपाय् ओहाङः दाह्‌ती वाङ्आ। ओउःकुस् नाःतो तरवाल्‌मा दङ्‌ग लात्ओ मान्‍तालम् वाङ्आकाय्। ओउःमयःकायः ओउः ताङ्‌ह्ओ पुरोहीत्‌लम्‌मा धर्‌मा स्‍यान्ओमयःमा अरु यहुदीकोः ताङ्‌ह्ओ मान्‍तालम्इ ल्‍होक्आथास।

लुका 22:47

ओउःत तोती मुमाकादे यात्‌चाक् ओउःकोः बारजन छ्युङ्‌ह्ओमयःपाय् यहुदा त तोओइ नाःतो हुम्ओ मान्‍तालम्‌कायः स्‍यालःती दाक्‌माआकान्। ओउःमयःकायः दाक्‌ती वानःआक्‌तीको यहुदाखे येसुकःताङ् वाङ्‌ती ओउःकायः राप्ओलो लेखा ग्रोम्आथै।

युहना 13:26

“लौ सुकायःलेः ङाइ आम्‍ह् न्‍योःती बयःनाङः ओउःपाय् ङाइ मेस् तोओ मान्‍ता लेःआः बा” त दाय्‍ह्‌ती येसु त्‍याङ्‌ती आम्‍ह् न्‍योःती यहुदस्‌कायः ल्‍हाआकान्।

युहना 6:71

ओउःपाय् यात्‌चाक् इस्‍करीयोत्‌कोः सीमोन् त तोओकोः चोः “यहुदस्” त तोओलेः। ओउः यहुदस्‌कायः येसुइ ङ्‌हा छ्युङ्‌ह्‌थातो ती लोने यहुदस्इ येसुकायः यहुदीलम्‌कःताङ् सात्‌साकायः दाक्आकान्।