मर्‌कस् 14:14 - चेपाङ

¹⁴ ओहाङःसैको गाव्‌खेलो कीम्‌हाङः ओउः मान्‍ता पोक्‌नाः ओउः कीम्‌कोः आपाकायः ‘ “लौ ङाइमा ङाकुस् वाह्ओमयःइमा गाव्‌खे कोथाहाङः तेन्‌कोः च्‍योल्ओ दीन्‌कोः भोस् जेःसा दोःनाङी” त दाय्‍ह्‌ती व्‍हत्‌साकायः गुरुइ नीची नीस्‌चाक्‌कायः ल्‍होक्आताङःच’ त दाय्‍ह्‌ती तोजु दा।

मर्‌कस् 14:14 ပူးပေါင်းရင်းမြစ်များ

मर्‌कस् 10:17

ओउःत हायःआक्‌तीको येसु चीङ्‌ती आल्आ। आल्‌ती वाह्‌तोक्‌हाङः यात्‌चाक् तन्‌ती येसुकायः स्‍यवलाङ् वाङ्आ। येसुकायः बाःती स्‍यवती “अ जय्‌कुमःओ गुरुय ङापाय् सीआक्‌तीको गलमा द्योक्‌मालो रौ जीङः दोःसाकायः ङाइ द्याह् दोह् हायःसा खेःनाङः ती” त दाय्‍ह्‌ती व्‍हत्‌थातो

मर्‌कस् 11:3

ओहाङःसै फेन्‌तोक् बेलाहाङः सुलाङःइ नीङ्‌जीकायः च्‍यवःती ‘दोह् हायःतेःतेःनाःजु’ त दाय्‍ह्‌ती रेक्‌ती व्‍हत्‌तेःनाःज त खेःया ‘इपाय् प्रभुकायः चाहनाः। देङीलेः द्यानःती पाय्‍क्‌तेःनाः’ त दाय्‍ह्‌ती त्‍याङ्‌ज दा” त दाय्‍ह्‌ती येसुइ स्‍यान्‌ती तोती ल्‍होक्आथाच।

मर्‌कस् 14:13

येसुइ नीस्‌चाक्‌कायः दोक्‌ती ल्‍होक्आथाच “लौ नीङ्‌जी ओउः सहर्‌ताङ् पोक्‌लाङ् आल्आक्‌ज। ओहाङः पोक्‌ती दाह्आक्‌तीको यात्‌चाक् पोम्‌हाङः तीः लात्ओ मान्‍ताइ नीङ्‌जीकायः क्रुस्‌तेःनाःज ओउःकायः गुल्‍ह्‌जु दा।

मर्‌कस् 14:15

एत व्‍हत्‌ती तोआक्‌तीको ओउः कीम्‌कोः आपाइ त्‍यावःअकोः होल्‍ह्ओ कोथा छ्यानःतेःनाःज। ओउः कोथाहाङः सीत्‌लम् तैबल्‌लम् सबै मुनाः। ओहाङः ङीकायः भोस् चन्‌तायःजु दा” त दाय्‍ह्‌ती येसुइ तोती ल्‍होक्आथाच।

लुका 22:11

‘ “लौ ङाइमा ङाकुस् वाह्ओमयःइमा गाव्‌खे कोथाहाङः तेन्‌कोः च्‍योल्ओ दीन्‌कोः भोस् जेःसा दोःनाङी” त दाय्‍ह्‌ती व्‍हत्‌साकायः गुरुइ ङीची नीस्‌चाक्‌कायः ल्‍होक्आताङःच’ त दाय्‍ह्‌ती तोजु दा।

युहना 11:28

त्‍याङ्आक्‌तीको कीम्‌ताङ् पाय्‍ह्‌ती ओउःकोः मरीयम् हौद्याङ्‌कायः अरुइ चीःमाःत गोत्आकान्। “लौ हौय नीचीकोः गुरु इहाङः दाह्‌ती नाङ्‌कायः गोत्‌तेःनाः” त दाय्‍ह्‌ती तोआथै।

युहना 13:13

ङाकायःपाय् गुरु तमा तोतेःनानाङ्‌स प्रभु तमा तोतेःनानाङ्‌स ओउःत तोसापाय् स्‍याव्‌लेःनाः नीङ्‌कोः गुरुमा प्रभुमा खेःलेःआनाङः।

प्रकाश 3:20

लौ ओउः धोकाकोः दय्‍ह्‌लौहाङः ङा चीङ्‌ती धाङ्‌तीलेः मुलेःनाङः। यात्‌चाक्इ ङाकोः हाव्‌नयः सायःआक्‌तीको ओउः धोका फोल्‌नौ त खेःया ङा पोक्‌ती ओउःकुस् भोस् जेःनाङःचु ओउःइ ङाकुस्‌मा भोस् जेःनौ।