‘लौ सुसु लयःकोः मान्ताकःताङ् ल्हुङ् ह जीक्ती मुचनै ओउःमा न्युम्ह्तोलेः स्याव्नाः’ त दाय्ह्ती ङाखेइ तोनेःनाङ्स बा। फेरी सुसुइ लयःकोः मान्ताकायः ‘वाःतकलङ्’ त दाय्ह्ती तोचानी ओउःकायःलेः सभाकोः मान्तालम्इ न्युम्ह्ताक्सा स्याव्नाः। सुसुइ लयःकोः मान्ताकायः ‘लौ नाङ्कायः परमेस्वर्इ स्राप्तेःनाः’ त दाय्ह्ती तोचानी ओउःलेः नरककोः म्हेःहाङः सीलाङ् आल्खेःनै।
मर्कस् 13:9 - चेपाङ9 लौ नीङ् लःलयःकायः धय्ती मुन लोनेः अरुइ ताङ्ह्ओ मान्तालम्कःहाङः लात्ती दाक्तेःनै ‘लौ इपाय् ख्रीस्कोः मान्ता लेःआः’ त दाय्ह्ती नीङ्कायः गाल्तुम्ती नोःनाः। फेरी थनःओ कीम्हाङः नीङ्कायः घान्तेःनै। नीङ्कायः राजाकःताङ्मा दाक्ती वानःतेःनै ओउःमयःकायःमा ङाकोः पेओ कुरा नीङ्इ छ्यानःती तोसा दोःतेःनै। အခန်းကိုကြည့်ပါ။ |
मर्कस् 13:9
37 ပူးပေါင်းရင်းမြစ်များ
अरुकायः छ्यानःलाम् मन्दीर्कोः पुरोहीत्कःताङ् न्यास्माःत आल्ती ओउःकायःलेः ह ‘लौ ङाकोः आङ् सेलः मुनाः’ त दाय्ह्ती लयःकोः आङ् छ्यानःउ दा। ओहाङःसैको आङ् छ्यानःआक्तीको मोसाइ गानाक्ती तोओ जवसाकायः मन्दीर्हाङः परमेस्वर्कायः वाः मेत्छ्याःकायः सात्ती ओउःकायः ल्हाउ दा। ओउःत हायःआक्तीको सबैइ नाङ्कायः सेलः मुनाः त चीःतेःनाः” त दाय्ह्ती येसुइ ओउः सेलः स्याव्ओ मान्ताकायः गानाक्ती तोआथै।
ओहाङःसैको गाव्खेलोकोः मान्तालम्इ रोम्तेःइली ओहाङः फेतोक्हाङः ‘लौ इमयःइपाय् पेतो हायःनीली’ त छ्यानःसाकायः ओहाङःकोः फुत्साःपाय् नीङ्कोः दोम्सै काह्ती वाय्नु दा। दोङ्सी दाय्ह्भनाङ् ओउः वाङ्सा खेःओ तय्छनःती योसा दीन्हाङः ओउः थाव्कोः मान्तालम्पाय् सोदोम् गोमोरा त तोओ नीस् रेव्ओ सहर्कोः मान्तालम्सै न्हाङ्तोलेः न्युम्ह्ताक्नाःथास बा” त दाय्ह्ती येसुइ स्यान्ती तोआथास।
ङीकःताङ् दाह्ती वाङ्आक्तीको आगाबस् त तोओइ पावुल्कोः तोङःनाय् त्याक्ती ओउःकोः लयःकोः दोम् क्रुत् पानःती “लौ इ तोङःनाय् मुह्ती मुओ मान्ताकायः इतलेः ‘यरुसालेम्कोः यहुदीलम्इ पानःती गम्आक्तीको ओउःकायः अरु जात्कोः मान्तालम्कायः दाक्नाःथै’ त दाय्ह्ती ङाकायः परमेस्वर्कोः ग्वालामःइ तोआताङः” त दाय्ह्ती आगाबस्इ तोआताङी।
ङापाय् युहना त तोओलेः नीङ्कोः पुः स्याव्ती ङाइ नीङ्कुस् येसुकायः लीह्सीःओ गोरःमानाङः नीङ्कुस्लेः ओउःकोः राजीहाङः मुमानाङः ओउः वाङ्साकायः ल्युङ्ह्तीलेः मुमानाङः। परमेस्वर्कोः नोःराय्मा येसुइ छ्यानःओ कुरामा थोल्ह्ती तोती झ्यान्ते ङापाय् पात्मोस् त तोओ तीःइ तोङःती गम्ओ देस्हाङः थुनतीलेः मुनाङः।
फेरी देङी वाङ्सा लीह्सीःओ बेलाहाङःपाय् रैलाम्। नाङ्कायः गुच्युक् पेतो ङ्हाम्तेःनाः त ल्हुङ्तुक् वेलःती योसाकायः सैतान्इ यात्नीस्चाक् नाङ्कोः मान्तालम्कायः झ्याल्खानहाङः थुनताक्तेःनै। दस्दीन्कायः लीह्सीःओ च्यवःताक्तेःनानी इत ङाइ तोनेःनाङ्स। ओउः बेलाहाङःमा सात्खेःओ बेलाहाङःमा वाङ्नाः त खेःया ल्हुङ् ग्रमःतलेः मुती ङ्हाम्उ दा। ओहाङःसैको नाङ्कोः ङ्हाम्झ्याङ्कायः ङाइ पेओ रौ जीङः दोःताक्नेःनाङ्’
नाङ्पाय् गाःहाङःलो याक्तेःनाः ओउःलेः चीःलेःनाङः। सैतान्पाय् राजालो लेखा याक्ओ थाव्हाङःलेः नाङ्मा याक्तेःनाः एत ङाइ चीःलेःनेःनाङ्। ओहाङःलेः याक्तीमा मुतेःनाः बुरु ङाकायः ङ्हाम्तीमा मुलेःतेःनाः। ङाकोः कुरा पेतो छ्यानःओ अन्तीपास् त तोओकायः नाङ्कोः सैतान् मुओ सहर्हाङः सात्तोक्हाङः नाङ्इमा ङाकायः ङ्हाम्ओकायः फेतेःउलु।
ကြော်ငြာတွေ