मर्‌कस् 13:37 - चेपाङ

³⁷ लौ इ ङाइ नीङ्‌कायः तोओ कुरा ङाइ सबैकायः तोनाङःसु ‘लौ पेतो ल्‍युङ्‌ह्‌ती मुन दा’ ” त दाय्‍ह्‌ती येसुइ लयःकुस् वाह्ओमयःकायः स्‍यान्‌ती तोआकान्।

मर्‌कस् 13:37 ပူးပေါင်းရင်းမြစ်များ

मत्ती 24:42

ओउःत खेःया पेतो धय्‌ती ल्‍युङ्‌ह्‌ती मुन नीङ्‌कोः प्रभु गलखा वाङ्‌नाः त नीङ्इ चीःतेःनीली।

मर्‌कस् 13:33

लौ उया पेतो ल्‍युङ्‌ह्‌ती मुन दा ओउःनम् दीन् गलखा वाङ्‌नाः त नीङ्इ चीःतेःनीली।

मर्‌कस् 13:35

ओउः कीम्‌कोः मालीक्‌लो लेखा ओउः ल्‍हाव्‍ह्‌दैबाङ्‌कोः मालीक्‌पाय् ओउः मान्‍ताकोः चोःत तोओपाय् ‘गलखा पाय्‍ह्‌लाङ् दाह्‌चाः’ त नीङ्इ चीःतेःनीली ‘राम्‍हसैलो दाह्‌चाःया दोङ् याह्‌दीङ्‌हाङः दाह्‌चाःया वाःगोःहाङःया न्‍हीदीङ्‌हाङःया दाह्‌चाः’ त नीङ्इ चीःतेःनीली।

रोमी 13:11

ओउःत हायःसा खेःतो दोह् हायःती दाय्‍ह्‌सा ओउः वाङ्‌सा खेःओ बेला दाह्‌खेःआ एत नीङ्इ चीःतेःनानी। ओउः बेलाहाङः एनःती मुसा स्‍याव्‌ल म्र्याती मुसा खेःतो दोह् हायःती दाय्‍ह्‌सा ङीइ ङ्‌हा ङ्‌हाम्ओ बेलाहाङःसै ङी ख्रीस्‌कुस् आल्‌सा दीन्‌पाय् द्याङ्‌तो लेःआः।