मर्‌कस् 13:36 - चेपाङ

³⁶ ओउःत झ्‍यान्‍ते ल्‍युङ्‌ह्‌ती मुन दा। ओउःकोः दाह्‌तोक्‌हाङः नीङ् न्‍हील्‍ह्‌ती एनःती मुचनै यादो।

मर्‌कस् 13:36 ပူးပေါင်းရင်းမြစ်များ

मत्ती 25:5

ओउः दुलहीकायः ज्‍याङःतो ल्‍युङ्‌ह्‌ती मुसा थेङा ओउः दस्‌जन एनःबुस्‌ती एनःआकाय्।

मर्‌कस् 14:37

एत तोआक्‌तीको येसु चीङ्‌ती ओउः सुम्‌चाक्‌कःताङ् द्यान्‍ह्‌ती ओउःमयः एनःओलेः च्‍यवःआकान्। ओउःमयः एनःओ च्‍यवःती “अ सीमोन्‌य एनःतीतेः मुजेःनाः। नाङ्इ यातै घन्‍ताच्‍युक्‌कायः ल्‍युङ्‌ह्‌ती मुसातेः खाय्‌तेःउलु” त दाय्‍ह्‌ती येसुइ पत्रुस्‌कायः तोआथै

मर्‌कस् 14:40

ओहाङःसैको तोआक्‌तीको येसु द्यान्‍ह्‌ती ओउः सुम्‌चाक्‌पाय् आन एनःबुस्‌ती झ्‍यान्‍ते फेरी एनःओलेः च्‍यवःआकान्। ओउःमयः लेआक्‌तीको येसुकायः दोह् त तोसा चीःनीली।

लुका 21:34

लौ पेतो धय्‌ती मुन दा। नीङ् धय्‌ती ल्‍युङ्‌ह्‌ती मुमाःत लुङ्‌ह्‌जेःती हान् तुङ्‌ती लयःकोः काम्‌लम्‌कायः ल्‍हुङ् रुःती मुतेःनै त खेःया नीङ्इ जुगाङ् चीःमालो दीन्‌हाङः ओउः मान्‍ताकोः चोःपाय् याव्‌छीत्‌हाङः ग्रीनःरुसीत दाह्‌ती वाङ्‌लेःनाः।

लुका 22:45

ओहाङःसैको परमेस्‍वर्‌कायः तोती दप्आक्‌तीको उया येसु चीङ्‌ती लयःकुस् वाह्ओमयःकःताङ् द्यान्‍ह्‌ती दाह्‌ती ओउःमयः लीह्ओइ ह्र्याम्‌ती झ्‍यान्‍ते एनःतीलेः मुओ च्‍यवःआकान्।

एफेसस् 5:14

फेरी पेतो च्‍यवःताक्ओपाय् थोङ्ओ लेःआः। एतलेः लेखती मुनाः “अ नाङ् एनःती मुओ चाक्‌य सीओलम्‌सै उह्‌ती च्‍योक्‌तेःपाः ओहाङःसै ख्रीस्इपाय् थोङ्‌तेःताक्‌तेःनाः” त दाय्‍ह्ओ लेखती मुनाः।