मर्कस् 12:36 - चेपाङ36 दावुद् राजाइपाय् परमेस्वर्कोः ग्वालामः दोःती इतलेः तोआकान् ‘ “लौ नाङ्कोः दुस्मान्कायः क्लीमःधाङ्माःच्युक्हाङः ङाकोः गुल्ह्दाङ् स्याव्ती ङाकोः ङोय्दोसै च्युङःती मुअ” त दाय्ह्ती परमेस्वर्इ ङाकोः प्रभुकायः तोआकान्’ त दाय्ह्ती दाय्ह्ओ दावुद्इ लेखआकान्। အခန်းကိုကြည့်ပါ။ |
मर्कस् 12:36
16 ပူးပေါင်းရင်းမြစ်များ
“लौ पुःचोङ् हौचोङ्य परमेस्वर्कोः ग्वालामःइ दावुद् राजाकायः ङ्हा छ्यानःओ कुरा ङीकोः आखरःहाङः लेखती मुनाः। ओउः आखरःहाङःपाय् येसुकायः दुस्मान्कःताङ् दाक्ओ यहुदस्कोः कुरालेः दावुद्इ आन ज्याङःतोहाङः लेखउतो द्याह् ओउः कुरा ताप्सा खेःतो। ‘लौ ओउःकोः याक्ओ बेलाङ् याक्गार्सीःमालो स्याव्पाः। ओहाङः मान्तालम् सुमा याक्लाम्’ त दाय्ह्ती दावुद्कोः कुरा लेखती मुनाः। ओउः यहुदस् त तोओलेः ङीलो लेखा येसुइ छ्युङ्ह्थातो ओउःकुस् काम् जाङ्ह्उतो लोन्ते ओउःइ येसुकायः दुस्मान्कःताङ् पानःताक्साकायः दाक्आथै। येसुकायः दाक्आक्तीको ओउःकोः दाक्झ्याङ्कोः पैसा बयःआकानी। एत पेमालो हायःझ्याङ्कोः पैसा त्याक्ती यहुदस्इ राङ् लेःआकान्। राङ् लेःआक्तीको यहुदस्पाय् ओहाङः आल्ती तोन्ती तुक् पक्ती सीआ। सीआक्तीको ‘ओउः राङ्हाङः येसु सात्लाङ् दाक्ओ मान्तापाय् तोन्ती सीओआः’ त सबै यरुसालेम् सहर्कोः मान्तालम्इ चीःती ओउः राङ्कायः ‘आकेल्दामा’ त मय्ङ्आकानी। आकेल्दामा त तोओकोः माने ‘वयःराङ्लेः’ ओउःलो लेखा राङ्कायः दावुद् राजाइ तोओ याक्गार्सीःमालो राङ् लेःआः बा। फेरी ‘ओउःकोः काम् अरुइ भेःत्याक्ती जाङ्ह्पौ’ तमा दावुद्इ लेखमाआकान्
“तेन्पाय् मान्तालम् ङाकःताङ् वाङ्पै” त दाय्ह्ती परमेस्वर्इ अरु वाङ्सा खेःओ दीन्लम् गम्आकान् ओउः दीन्लम्पाय् तेन्छ्याङ्कोः दीन्लम् लेःआः बा। ओउः दीन्लम्कायः लोनेः दावुद् राजाइ परमेस्वर्कोः कुरा दाय्ह्ती तोआकान् “लौ तेन्पाय् परमेस्वर्कोः नोःओ नीङ्इ सायःतेःनानी त खेःया ओउःकोः कुरा ग्यामाःत ल्हुङ् चाक्तो मुलाम्” त दाय्ह्ती दाय्ह्ओ आखरःहाङः लेखती मुनाः। एतलेः ङ्हा तोओ खेःतो।
ओउःमयः येसु ख्रीस्कोः ग्वालामः दोःती “ओउः लोने वाङ्सा खेःओ चाक्पाय् लीह्सीःओ गोरःआक्तीको लोने आन पेतोमा तोङ्ह्तोलेः स्याव्लेःनाः” त दाय्ह्ती ङ्हासै येसु ख्रीस्कोः कुरा छ्यानःआकानी। ओउःच्युक्पाय् छ्यानःसापाय् छ्यानःनीतो ओउः बेलाहाङः गतलो दाङ्नाः गलखा वाङ्नाः त चीःसाकायः आन बोङःआकानी।
ကြော်ငြာတွေ