मर्‌कस् 12:31 - चेपाङ

³¹ ओहाङःसैको यात्‌ज्‍योः अरु ताङ्‌ह्ओ कुरापाय् इलेःआः ‘नाङ्‌कुस् ब्रेङःकाय्‌ती याक्ओ मान्‍तालम् लयःकायःलेः राप्‌ती स्‍यास्उ’ इ नीस् कुरासै अरु दोह्‌मा ताङ्‌ह्‌तो मुइली” त दाय्‍ह्‌ती येसु त्‍याङ्आ।

मर्‌कस् 12:31 ပူးပေါင်းရင်းမြစ်များ

मत्ती 22:39

ओहाङःसै यात्‌ज्‍योः अरु हुकुम् ङ्‌हाकोःलो लेखालेः ताङ्‌ह्‌लेःनाः। नाङ्‌कुस् ब्रेङःकाय्‌ती याक्ओ मान्‍तालम्‌कायः लयःकायःलो धेःती राप्‌ती स्‍यास्उ।

मत्ती 7:12

फेरी दोह् दोह्‌लो अरुखेइ नीङ्‌कायः जाङ्‌ह्‌सा झाक्‌तेःचै ओउःलेः नीङ्‌खेइ अरुकायः जाङ्‌ह्‌नु दा। ओउःत हायःओ उय्‍ह्‌लेकोः आखरःहाङःमा परमेस्‍वर्‌कोः कुरा छ्यानःओमयःमा दाय्‍ह्‌ती स्‍यान्ओ खेःतो।

मर्‌कस् 12:32

“माः रैस गुरुय नाङ्इ तोओ कुरा दोङ्‌सी लेःआः बा। परमेस्‍वर्‌ झुङ्‌खेआले अरु इस्‍वर्‌पाय् सुमा नाःबाय्‌ल।

लुका 10:27

“ ‘नाङ्‌कोः प्रभु परमेस्‍वर्‌कायः नाङ्इ दोङ् झाह्ओ क्रोङ्ओ ग्‍याओ ल्‍हुङ्इ वाय्‍क्‌तोलेः राप्‌नु दा’ त दाय्‍ह्ओमा ऐन्‌हाङः मुनाः फेरी ‘नाङ्‌कोः ब्रेङःकाय्‌ती याक्ओ मान्‍तालम्‌कायः लयःकायःलो धेःती राप्‌ती स्‍यास्उ’ त दाय्‍ह्ओमा मुलेःनाः” त दाय्‍ह्‌ती ओउः मान्‍ता त्‍याङ्आ।

गालाती 5:14

दोह् हायःती दाय्‍ह्‌सा ओउः ऐन्‌कोः कुरापाय् सबैलेः याःआःज्‍याङ् कुराहाङः तोसा खाय्‌नौ। ओउः कुरापाय् इलेःआः “नाङ्‌कुस् ब्रेङःकाय्‌ती याक्ओ मान्‍तालम् लयःकायःलो धेःती राप्‌ती स्‍यास्उसु दा”

१ युहना 4:21

इतलेः परमेस्‍वर्‌इ तोआतय्‍ही “सुसुइ परमेस्‍वर्‌कायः राप्‌सा बोङःचनौ ओउःइलेः लयःकोः पुःचोङ् हौचोङ्‌कायः राप्‌पाःथास” त दाय्‍ह्‌ती तोओआः।