मर्‌कस् 11:9 - चेपाङ

⁹ येसुकोः ङ्‌हासैमा लोनेसैमा वाह्ओ मान्‍तालम्इ येसुकायः स्‍यवती “होसाना भालातेः वाङ्‌तेःआ नाङ् प्रभु परमेस्‍वर्‌कोः मय्‍ङ् लात्ओ चाक्‌तेःआः।

मर्‌कस् 11:9 ပူးပေါင်းရင်းမြစ်များ

मत्ती 21:9

येसुकोः ङ्‌हासैमा लोनेसैमा वाह्ओ मान्‍तालम्इ येसुकायः स्‍यवती “होसाना भालातेः वाङ्‌तेःआ नाङ् परमेस्‍वर्‌इ ल्‍होक्ओ दावुद् राजाकोः प्‍लोमःदानेतेः। परमेस्‍वर्‌कायःपाय् ल्‍हाव्‍ह्‌दैबाङ्‌हाङः लाङ्‌काहाङः ताङ्‌ह्‌ताक्‌तो स्‍याव्‌पाः” त दाय्‍ह्‌ती गोःआकानी।

मत्ती 23:39

लौ द्याह्‌हाङःसै ङाकायःतेः च्‍यवःतेःनानाङ्‌सल। परमेस्‍वर्‌इ ल्‍होक्ओ मान्‍ताकायः ‘लौ भालातेः वाङ्‌तेःआ नाङ् परमेस्‍वर्‌कःसै वाङ्ओ चाक्‌तेःआः’ त नीङ् दाय्‍ह्‌ती नोःआक्‌तीको ह ङाकायः फेरी च्‍यवःसा दोःतेःनै” त येसु दाय्‍ह्‌ती दाय्‍ह्आ।

मर्‌कस् 11:8

घोराहाङः लन्‍ह्‌ती वाह्‌तोक्‌हाङः नाःतो मान्‍तालम्इ येसुकायः म्रोताक्‌सा थेङा लःलयःकोः क्रमःनाय्‌लम् ओउःकोः ङ्‌हासै ल्‍याम्‌हाङः न्‍हाप्‌ती गम्आकानी। अरुलम्इ राङ्‌सै ह्राह्‌ती वानःओ झाङ्‌मा ल्‍याम्‌हाङः न्‍हाप्‌ती गम्आकानी।

युहना 12:13

सायःआक्‌तीको ल्‍ह्यय्ओ सीङःकोः मात् लात्‌ती येसुकायः रोम्‌ती क्रुस्‌लाङ् वाङ्आकाय्। वाङ्‌तोक् बेलाहाङः ओउःमयः आन गोःती “होसाना भालातेः वाङ्‌तेःआ नाङ् प्रभुकोः मय्‍ङ् लात्ओ चाक्‌तेःआः। प्रभु परमेस्‍वर्‌इ ल्‍होक्ओ यहुदीकोः राजामा ताङ्‌ह्‌तो स्‍याव्‌पाः” त दाय्‍ह्‌ती दाय्‍ह्आकाय्।

युहना 19:15

“ओउःकायः सात्‌लाङ् आलःउ ओउःकायः क्‍ल्‍याय्ओ सीङःहाङः सात्‌लाङ् आलःउ” त दाय्‍ह्‌ती आन गोःआकाय्। “नाङ्‌कोः राजाकायः सीङःहाङः सात्‌सा झाक्‌तेःनैया” त दाय्‍ह्‌ती पीलातस्इ व्‍हत्‌थासतो “ङीकोः राजापाय् यातैज्‍याङ् रोमी माहाराजा ह खेःनाः” त दाय्‍ह्‌ती ओउः ताङ्‌ह्ओ पुरोहीत्‌लम् त्‍याङ्आकाय्।