मर्‌कस् 11:3 - चेपाङ

³ ओहाङःसै फेन्‌तोक् बेलाहाङः सुलाङःइ नीङ्‌जीकायः च्‍यवःती ‘दोह् हायःतेःतेःनाःजु’ त दाय्‍ह्‌ती रेक्‌ती व्‍हत्‌तेःनाःज त खेःया ‘इपाय् प्रभुकायः चाहनाः। देङीलेः द्यानःती पाय्‍क्‌तेःनाः’ त दाय्‍ह्‌ती त्‍याङ्‌ज दा” त दाय्‍ह्‌ती येसुइ स्‍यान्‌ती तोती ल्‍होक्आथाच।

मर्‌कस् 11:3 ပူးပေါင်းရင်းမြစ်များ

मर्‌कस् 11:2

“लौ नीङ्‌जी उःनोको गाव्‌ताङ् आल्‌ज। आल्‌ती ओहाङः दाह्ओ कुस्‌ब्रक्‌त यात्‌ज्‍योः घोराकोः चोः पेन्‍ह्‌ती मुओ च्‍यवःतेःनाःजु। ओउः घोराकोः चोःहाङः सुमा लन्‍ह्‌ती च्‍युङःधाङ्इली। ओउःकायःपाय् फेन्‌ती इहाङः ताह्‌ती लात्‌ती वानःजु।

मर्‌कस् 11:4

ल्‍होक्आक्‌तीको ओउःनीस् आल्‌ती गाव्‌ताङ् दाह्‌ती मुल्‌ल्‍याम्‌हाङः यात्‌ज्‍योः पेन्‍ह्ओ घोराकोः चोः च्‍यवःती ओउःकायः फेन्‌ती आलःआकाचु।

मर्‌कस् 14:15

एत व्‍हत्‌ती तोआक्‌तीको ओउः कीम्‌कोः आपाइ त्‍यावःअकोः होल्‍ह्ओ कोथा छ्यानःतेःनाःज। ओउः कोथाहाङः सीत्‌लम् तैबल्‌लम् सबै मुनाः। ओहाङः ङीकायः भोस् चन्‌तायःजु दा” त दाय्‍ह्‌ती येसुइ तोती ल्‍होक्आथाच।

खबरदुत 1:24

ओहाङःसैको परमेस्‍वर्‌कोः ल्‍हुङ् चीःसाकायः ओउः हुम्ओ मान्‍तालम्इ परमेस्‍वर्‌कायः तेती तोआथै “अ परमेस्‍वर्‌य नाङ्इ सबै मान्‍ताकोः ल्‍हुङ्‌तुक् योती चीःतेःनौ बा।

खबरदुत 10:36

लौ परमेस्‍वर्‌इ ङी इस्राएली मान्‍तालम्‌कायः तोओ कुरापाय् नीङ्इ चीःतेःनानी यादो। सबै जात्‌कोः प्रभु येसु ख्रीस् त तोओलेः परमेस्‍वर्‌कोः पेओ ल्‍हुङ् धोमाय्‌ताक्ओ नोःराय् थोल्‍ह्‌ती तोलाङ् ल्‍होक्ओ खेःतो।

खबरदुत 17:25

ओउःखेइ ङी मान्‍तालम्‌कायः स्‍याक्‌ताक्‌सा सास्‌लम् दोह्‌लम् बयःनाःतय्‍ही ओउःत झ्‍यान्‍ते ङीखेइ ओउःकायः बयःसा खेःहाङ्‌ल।

२ कोरीन्‍थी 8:9

ङीकोः प्रभु येसु ख्रीस्‌लेः आन योनःओ ल्‍हुङ् खेःतो त चीःतेःनानी। ओउःपाय् ङ्‌हालेः आन नाःतो नाःओ खेःतो। नाःसापाय् नाःओलेः खेःतो नीङ्‌कायः नाःतो नाःताक्‌साकायः येसुपाय् ह्र्यात् स्‍याव्‌ताक्आकास।