मर्‌कस् 10:47 - चेपाङ

⁴⁷ ओहाङःसैको ओउः मान्‍ता ल्‍याम्‌कोः छेव्‌सै मुतोक्‌हाङः “लौ नासरेत् गाव्‌कोः येसुलेः वाङ्आनाः” त दाय्‍ह्ओ सायःआक्‌तीको ओउः मीक् लोक्ओ मान्‍ताइ “अ येसुय नाङ् दावुद् राजाकोः प्‍लोमःदानेतेः ङाकायः योनःतीतेः सायःचाक्‌ची दै” त दाय्‍ह्‌ती आन गोःओ खेःतो

मर्‌कस् 10:47 ပူးပေါင်းရင်းမြစ်များ

मत्ती 1:1

येसु ख्रीस् त तोओ आब्राहाम्‌कोः प्‍लोमःदानेमा खेःतो दावुद् राजाकोः प्‍लोमःदानेमा खेःतो। इहाङः येसुकोः होह्र् थेङ्ओ लेखती मुनाः।

मत्ती 12:23

ओउः मान्‍ता जुगाङ् सेलः स्‍याव्ओ च्‍यवःती सबै ओहाङः हुम्ओ मान्‍तालम् आन ग्‍याङ्‌ह्आकाय् “लौ इपाय् ओउः वाङ्‌सा खेःओ दावुद् राजाकोः प्‍लोमःदाने लेःआः बा” त दाय्‍ह्‌तो नोःकाय्इतो

मत्ती 15:22

ओहाङः दाह्आक्‌तीको यात्‌चाक् कनानी जात्‌कोः मोमःचोः ओउः देस्‌सै वाङ्‌ती “अ प्रभुय नाङ् दावुद् राजाकोः प्‍लोमःदाने लेःतेःआः। ङाकायः योनःती योउ दै। ङाकोः चोःद्याङ्‌कायः लान्इ आन जोक्‌तो ङायःआबत्‌ताङः” त दाय्‍ह्‌ती गोःती येसुकायः काःहाल्‌लाङ् गुल्‍ह्उतो येसुखे दोह् तमा दाय्‍ह्‌ल।

मत्ती 2:23

ओहाङःसैको ओउःकायः फेरीलेः परमेस्‍वर्‌इ माङःखाहाङः गानाक्‌ती तोती झ्‍यान्‍ते युसेफ् गालील देस्‌ताङ् आल्‌ती नासरेत् त तोओ गाव्‌ताङ् याक्आकाय्। ओउःत हायःती येसुकायः “ओउःकायःपाय् ‘नासरेत्‌कोः’ त तोनानी” त दाय्‍ह्‌ती उय्‍ह्‌लेकोः परमेस्‍वर्‌कोः कुरा छ्यानःओमयःइ लेखओ द्याह् ताप्‌तोलेः स्‍याव्आ।

मत्ती 20:30

ओहाङःसैको हुम्‌ती वाह्‌तोक्‌हाङः नीस्‌चाक् मीक् लोक्ओ पैसा युङ्‌ती तेओ मान्‍ता ल्‍याम्‌कोः चीनःहाङः तेधै मुओ खेःचतो। ओउःनीस्इपाय् “लौ येसु वाङ्‌नाः” त दाय्‍ह्ओ सायःआक्‌तीको “अ प्रभुय नाङ् दावुद् राजाकोः प्‍लोमःदानेतेःआः बा। नीचीकायः योनःतीतेः सायःचाक्‌ताङःच दै। नीचीकायः योनःती सायःचाक्‌ताङःच दै” त दाय्‍ह्‌ती आन गोःचुतो

मत्ती 21:11

“लौ इपाय् येसुत तोओलेः। गालील अन्‍चल्‌कोः नासरेत् गाव्‌सै वाङ्ओ परमेस्‍वर्‌कोः कुरा छ्यानःओ मान्‍ता” त दाय्‍ह्‌ती तोआथास।

मत्ती 21:9

येसुकोः ङ्‌हासैमा लोनेसैमा वाह्ओ मान्‍तालम्इ येसुकायः स्‍यवती “होसाना भालातेः वाङ्‌तेःआ नाङ् परमेस्‍वर्‌इ ल्‍होक्ओ दावुद् राजाकोः प्‍लोमःदानेतेः। परमेस्‍वर्‌कायःपाय् ल्‍हाव्‍ह्‌दैबाङ्‌हाङः लाङ्‌काहाङः ताङ्‌ह्‌ताक्‌तो स्‍याव्‌पाः” त दाय्‍ह्‌ती गोःआकानी।

मत्ती 26:71

त्‍याङ्आक्‌तीको पत्रुस् आङ्‌गन्‌कोः दय्‍ह्‌लौताङ् ज्‍याल्आ। ओहाङः ज्‍याल्‌ती मुतोक्‌हाङः अरु नोकरी मोमःचोः वाङ्‌ती ओउःकायः च्‍यवःती “लौ इपाय् नासरेत्‌कोः येसुकुस्‌लेः वाह्ओआः” त दाय्‍ह्‌ती ओहाङः मुओलम्‌कायः छ्यानःआकान्

मत्ती 9:27

ओहाङःसैको येसु ओउः कीम्‌सै ग्‍ल्‍युङ्‌ह्‌ती आल्‌ती वाह्‌तोक्‌हाङः नीस्‌चाक् मीक् लोक्ओइ ओउःकायः गुल्‍ह्‌ती “अ नाङ् दावुद्‌कोः प्‍लोमःदानेय नीचीकायः योनःती योताङःच दा” त दाय्‍ह्‌ती गोःआकाचु। ओउःत येसुकायः गोःती गुल्‍ह्आकाचु।

मर्‌कस् 1:24

ओउःखेइ गोःती “अ नाङ् नासरेत्‌कोः येसुय। नाङ्इ ङीकायः दोह् हायःलाङ् वाङ्‌तेःआ। ङीकायः ह्र्योङःताक्‌लाङ् वाङ्ओतेःआः यादो। लौ नाङ्‌कायः ङाइ तय्‍ह्‌लेःआनाङः बा। नाङ्‌जा परमेस्‍वर्‌कोः जय्‌कुमःत मुओ चाक् लेःतेःआः बा” त दाय्‍ह्‌ती तोथातो।

लुका 4:16

ओहाङःसैको येसु लयःकोः नासरेत् सहर्‌ताङ् पाय्‍ह्आ। ओउःहाङः पाय्‍ह्आक्‌तीको लयः जवओ जाङ्‌ह्‌ती यहुदीलम्‌कोः सन्‍चर्‌बार्‌ दीन्‌हाङः येसु थनःओ कीम्‌ताङ् आल्‌ती पोक्आ। पोक्आक्‌तीको येसुपाय् परमेस्‍वर्‌कोः आखरः पह्रसाकायः चीङ्आ।

युहना 1:46

एत तोआक्‌तीको “नासरेत् गाव्‌सै दोह् पेओ वाङ्‌चाः” त दाय्‍ह्‌ती नथानएल् दाय्‍ह्‌तो “योलाङ् वाङ्अ दै” त दाय्‍ह्‌ती फीलीप् त्‍याङ्आ।

युहना 19:19

येसुकायः योकोःती गम्‌तोक्‌हाङः पीलातस्इ “इ नासरेत्‌कोः येसु यहुदीकोः राजा” त लेखती येसुकोः क्‍ल्‍याय्ओ सीङःहाङः गम्आकान्।

युहना 7:41

अरुखेइ “ओउःपाय् ओउः वाङ्‌सा खेःओ ख्रीस् लेःआः” त दाय्‍ह्‌ती तोनीतो

युहना 7:52

ओउःकोः कुरा सायःआक्‌तीको “लौ नाङ्‌मा गालीलकोः मान्‍ता खेःतेःचाः र। ङीकोः आखरःहाङः पह्रउ दा। ओहाङःपाय् परमेस्‍वर्‌कोः कुरा छ्यानःओ मान्‍तापाय् गालीलसै वाङ्‌नाः त लेखओ खेःबाय्‌ल” त ओउःमयः दाय्‍ह्‌ती तोआथै।

खबरदुत 6:14

इ मन्‍दीर्‌कायः ‘नासरेत् गाव्‌कोः येसु त तोओइ लोन्‍ह्‌ते ह्र्योङःती वाय्‌नौ’ त ओउःइ तोओमा सायःआलाङःसु ‘मोसाइ ङीकोः तोकानःलम्‌कायः बयःओ हुकुम्‌लम्‌कायः येसुइ “इ वाय्‌पाः” त दाय्‍ह्‌ती नया ऐन् बयःनौ’ त स्‍यान्‌ती तोओमा ङीइ सायःआलाङःसु” त दाय्‍ह्‌ती ओउःमयःइ स्‍याक्‌गाल् तुम्‌ती तोआकानी।

प्रकाश 22:16

“लौ इ कुरा सबै ङ्‌हाम्ओलम् छ्यानःती तोसा थेङा ङा येसुइ ङाकोः ल्‍होक्ओमयःकायः नीङ्‌कःताङ् ल्‍होक्आलाङः। ङापाय् दावुद्‌कोः होह्र्कोः तुङःलेः ओउः बीहान प्रीमा च्‍योक्‌ती थाओ थोङ्ओ कार्‌ लेःआः ङ” त दाय्‍ह्‌ती ओउःपाय् दाय्‍ह्आ।