मर्‌कस् 10:45 - चेपाङ

⁴⁵ ओउःलो लेखालेः ओउः मान्‍ताकोः चोःत तोओमा अरुकायः काम् जाङ्‌ह्‌ताक्‌लाङ् वाङ्ओ खेःल अरुकायः लयःइ काम् जाङ्‌ह्‌लाङ् वाङ्‌सामा ओउःमयःकायः ल्‍हाङ्‌ती सीसामा ग्‍याओ खेःतो” त दाय्‍ह्‌ती येसुइ तोआथास।

मर्‌कस् 10:45 ပူးပေါင်းရင်းမြစ်များ

मत्ती 20:28

ओउःलो लेखालेः ओउः मान्‍ताकोः चोः त तोओमा अरुकायः ओउःकोः लयःकोः काम् जाङ्‌ह्‌ताक्‌लाङ् वाङ्ओ खेःल अरुकायः ओउःइलेः काम् जाङ्‌ह्‌लाङ् वाङ्‌ती ओउःमयःकायः रेव्ओसै दल्‌ताक्‌सा थेङा सीसा ग्‍याओ खेःतो” त दाय्‍ह्‌ती येसुइ तोआथास।

युहना 13:14

ङा नीङ्‌कोः प्रभुइलेः नीङ्‌कोः दोम् जेस्‌बत्‌नेःआलाङ्‌स। नीङ्इमा लःलयःकायः दोम् जेस्‌काय्‌सा खेःतेःनै।

२ कोरीन्‍थी 5:21

ख्रीस्इपाय् दोह्‌मा रेव्‌तो जाङ्‌ह्उलु ओउःकोः मीक्‌हाङः ङीकायः ख्रीस्‌कुस् पेतो स्‍याव्‌ताक्‌साकायः परमेस्‍वर्‌इ ख्रीस्‌कायः रेव्‌तो मान्‍ताकोः रेव्‌झ्‍याङ्‌कोः बयःआथै।

२ कोरीन्‍थी 8:9

ङीकोः प्रभु येसु ख्रीस्‌लेः आन योनःओ ल्‍हुङ् खेःतो त चीःतेःनानी। ओउःपाय् ङ्‌हालेः आन नाःतो नाःओ खेःतो। नाःसापाय् नाःओलेः खेःतो नीङ्‌कायः नाःतो नाःताक्‌साकायः येसुपाय् ह्र्यात् स्‍याव्‌ताक्आकास।

गालाती 3:13

ख्रीस्इपाय् ङीकोः ऐन्‌सै दोःओ प्रनःबाङ् लयःलेः ल्‍हाङःती त्‍याक्‌ती झ्‍यान्‍ते ङीकायः ओउः प्रनःबाङ् क्‍युम्‍ह्‌ताक्आतय्‍ही गत हायःती दाय्‍ह्‌सा “सुसुखेकायः सीङःहाङः योकोःती सात्ओ खेःतो ओउःइपाय् प्रनःबाङ् लात्‌नौ” त दाय्‍ह्‌ती आखरःहाङःमा लेखती मुनाः।

तीतस् 2:14

ओउः ख्रीस्इपाय् लयःकोः आङ् ल्‍हाङ्‌ती ङीकायः रेव्ओ काम्‌सै दल्‌ताक्आतय्‍ही छय्‍ङ्‌ताक्‌नाःतय्‍ही। ओहाङःसै ङीपाय् ओउःकोः मान्‍ता ह स्‍याव्‌ती पेओ काम् जाङ्‌ह्‌सा गेतो स्‍याव्‌तय्‍ही।

हेब्रैनी 5:8

ओउःपाय् परमेस्‍वर्‌कोः चोःलेः खेःतो परमेस्‍वर्‌कोः कुरा ग्‍यासाकायः लीह्‌सीःओ लयःलेः धेःती गोरःआकास।