मर्‌कस् 10:19 - चेपाङ

¹⁹ लौ परमेस्‍वर्‌इ उय्‍ह्‌लेहाङः गानाक्‌ती बयःओ ऐन्‌कोः कुरा नाङ्इ चीःतेःनौ। मान्‍ताकायः सात्‌लाम् अरुकोः बुधीकुस् जार्‌ जाङ्‌ह्‌लाम्। अरुकोः माल्‌ताल्‌लम् कुःलाम्। अरुकायः माःती गाल्‌तुम्‌ती तोओ कुरा नोःलाम्। अरुकोः पैसा जेःलाम्। लयःकोः आमा आपाइ तोओ कुरापाय् पेतो वाय्‍क्‌तीलेः जाङ्‌ह्उ। इ सबैलेः जाङ्‌ह्‌सा खेःतो” त दाय्‍ह्‌ती येसु त्‍याङ्आ।

मर्‌कस् 10:19 ပူးပေါင်းရင်းမြစ်များ

मर्‌कस् 10:18

“ङाकायःपाय् दोह् हायःतीतेः ‘जय्‌कुमःओ’ त तोतेःनाःची। परमेस्‍वर्‌ झुङ्आले जय्‌कुमःओलेः खेःनाः बा।

लुका 18:20

लौ परमेस्‍वर्‌इ उय्‍ह्‌लेहाङः गानाक्‌ती बयःओ ऐन्‌कोः कुरा नाङ्इ चीःतेःनौ। अरुकोः बुधीकुस् जार्‌ जाङ्‌ह्‌लाम्। मान्‍ताकायः सात्‌लाम्। अरु मान्‍ताकोः थोक्‌लम् कुःलाम्। माःती गाल्‌तुम्‌ती नोःलाम्। लयःकोः आमा आपाइ तोओ कुरापाय् पेतो वाय्‍क्‌तीलेः जाङ्‌ह्उ। इ सबै जाङ्‌ह्‌ती गम्‌सा खेःतो” त दाय्‍ह्‌ती येसुइ तोआथै।

रोमी 13:9

ओउः ऐन्‌कोः हुकुम्‌पाय् इलेःआः। अरुकोः बुधीकुस् एनःलाम् अरुकायः सात्‌लाम् अरुकोः थोक्‌लम् कुःलाम् मीक् ल्‍हह्‌लाम्। इ हुकुम्‌मा सबै अरु हुकुम्‌लम्‌मा यातैज्‍योः हुकुम्‌हाङः तोसा खाय्ओलेः “लयःकुस् ब्राङ्‌काय्‌ती याक्ओ मान्‍ताकायः लयःकायःच्‍युक् राप्‌ती स्‍यास्उ” त दाय्‍ह्ओ ओउः हुकुम्‌लेः मुनाः।

रोमी 3:20

ऐन्‌कोः कुरा जाङ्‌ह्‌ती ह सुमा परमेस्‍वर्‌कोः मीक्‌हाङः पेतो नीङ्‌तो स्‍याव्इली। ओउः त झ्‍यान्‍ते ऐन् चीःसाकायः दोह् काम् लोनाः दाय्‍ह्‌सा “लौ इत इत हायःसा पेल” त मान्‍ताकायः व्‍हक्‌ताक्‌नाःथास ओउःत हायःसाकायः ओउः ऐन्‌पाय् बयःओ लेःआः।

गालाती 4:21

लौ नीङ् ऐन्‌कोः कुरा जाङ्‌ह्‌सा झाक्ओलम्‌य ऐन्‌कोः कुरा व्‍हक्‌तोलेः सायःसापाय् सायःतेःनीलीया।

गालाती 5:14

दोह् हायःती दाय्‍ह्‌सा ओउः ऐन्‌कोः कुरापाय् सबैलेः याःआःज्‍याङ् कुराहाङः तोसा खाय्‌नौ। ओउः कुरापाय् इलेःआः “नाङ्‌कुस् ब्रेङःकाय्‌ती याक्ओ मान्‍तालम् लयःकायःलो धेःती राप्‌ती स्‍यास्उसु दा”

१ थेसलोनिकि 4:6

एत हायःती सुइमा अरु ङ्‌हाम्ओ हौकायः तोपाल्‌ती ओउःकोः बुधी आलःतेःचानी उया परमेस्‍वर्‌इ न्‍युम्‍ह्‌ताक्‌तेःनै ओउःत ङीइ ङ्‌हालेः गानाक्‌ती तोनेःआलाङ्‌स बा।

याकुब् 2:11

दोह् हायःती दाय्‍ह्‌सा “अरुकोः बुधीकुस् एनःतेःचनै” त दाय्‍ह्‌ती तोओ परमेस्‍वर्‌इ “लौ मान्‍ताकायः सात्‌तेःचानी” तमा दाय्‍ह्‌तीलेः तोआकान्। ओउःत खेःओ नीङ्इ अरुकोः बुधीकुस् एनःमाःत अरुकायः सात्‌तेःचानी त खेःया नीङ्इ परमेस्‍वर्‌कोः ऐन्‌पाय् जुदालेः क्‍लेत्‌ती चाप्‌ती वाय्‌तेःनानी।