मर्‌कस् 1:9 - चेपाङ

⁹ ओहाङःसैको युहनाइ योर्‌दन् खोलाहाङः बाप्‍तीस्‍मा बयःतोक्‌हाङः येसुलेः गालीलकोः नासरेत् गाव्‌सै युहनाकःताङ् वाङ्आ। वाङ्आक्‌तीको येसुकायः युहनाइ योर्‌दन् खोलाहाङः बाप्‍तीस्‍मा बयःआथै।

मर्‌कस् 1:9 ပူးပေါင်းရင်းမြစ်များ

मत्ती 2:23

ओहाङःसैको ओउःकायः फेरीलेः परमेस्‍वर्‌इ माङःखाहाङः गानाक्‌ती तोती झ्‍यान्‍ते युसेफ् गालील देस्‌ताङ् आल्‌ती नासरेत् त तोओ गाव्‌ताङ् याक्आकाय्। ओउःत हायःती येसुकायः “ओउःकायःपाय् ‘नासरेत्‌कोः’ त तोनानी” त दाय्‍ह्‌ती उय्‍ह्‌लेकोः परमेस्‍वर्‌कोः कुरा छ्यानःओमयःइ लेखओ द्याह् ताप्‌तोलेः स्‍याव्आ।

मर्‌कस् 1:10

बयःआक्‌तीको तीःसै ग्‍ल्‍युङ्‌ह्‌तोक्‌हाङः येसुइ फेल्‌बाङ् वाक्‌ती फोल्ओ च्‍यवःआकान् फेरी परमेस्‍वर्‌कोः ग्‍वालामः धुकुर्‌वाःकोः रुप्‌लो थाङ्‌ती ओउःकोः अलवःहाङः ग्‍ल्‍युङ्‌ह्‌ती वाङ्आ।

मर्‌कस् 1:8

ङाखेइ तीःइ बाप्‍तीस्‍मा बयःनेःनाङ्‌सतो ओउःखेइ परमेस्‍वर्‌कोः ग्‍वालामःइ बाप्‍तीस्‍मा त तोओ बयःतेःनै” त दाय्‍ह्‌ती युहनाइ स्‍यान्‌ती तोआथास।

लुका 2:51

ओहाङःसैको येसु आमा आपाकुस् नासरेत् सहर्‌ताङ् द्यान्‍ह्‌ती पाय्‍ह्आकाय्। ओउःहाङः पाय्‍ह्आक्‌तीको येसुइ लयःकोः आमा आपाइ तोओ कुरा पेतो सायःती जाङ्‌ह्आकान्। ओहाङःसैको ओउः चोःकायः स्‍याव्ओ कुरापाय् ओउःकोः मरीयम् आमाइ लयःकोः ल्‍हुङ्‌हाङः सेती गम्आकान्।