मर्‌कस् 1:7 - चेपाङ

⁷ ओहाङःसैको मान्‍तालम् सायःलाङ् हुम्‌ती वाङ्‌तोक्‌हाङः “लौ लोन्‍तेसै ङासै आन ताङ्‌ह्ओ मान्‍ता चाक्आः वाङ्‌नाः बा। ओउःकायःपाय् ङाच्‍युक् मीओ मान्‍तापाय् ओउःकोः जुत्तामा फास्‌सा स्‍याव्‌ङल।

मर्‌कस् 1:7 ပူးပေါင်းရင်းမြစ်များ

मत्ती 3:11

“लौ नीङ्इ रेव्ओ काम् फेतोक्‌हाङः ङाखेइ तीःइ बाप्‍तीस्‍मा बयःनाङ्‌सतो लोन्‍तेसै ङासै आन ताङ्‌ह्ओ मान्‍ता चाक्आः वाङ्‌नाः बा। ओउःकायःपाय् ङाच्‍युक् मीओ मान्‍ता ओउःकोः जुत्ता लात्‌सा स्‍याव्‌ङल। ओउःखेइ नीङ्‌कायः परमेस्‍वर्‌कोः ग्‍वालामःइमा म्‍हेःइमा बाप्‍तीस्‍मा त तोओ बयःतेःनै।

मत्ती 3:14

वाङ्आक्‌तीको “लौ ङाकायः बाप्‍तीस्‍मा बयःची दा” त दाय्‍ह्‌ती येसु युहनाकः तेतो “खेःल दा ङाखेकायः नाङ्‌खेइ बाप्‍तीस्‍मा बयःसा खेःतेःतो बा। नाङ् ङाकःहाङः तेसा खेःतेःआक्‌ल” त दाय्‍ह्‌ती युहना त्‍याङ्आ

मर्‌कस् 1:6

ओउः बेलाहाङः युहना त तोओ उत्‌स्‍याःकोः मेनःइ क्‍याह्ओ क्रमःनाय्‌मा पाम्‌हाङः छालाकोः पेतीमा तोङःसतो जेःसाकायः बन्‌कोः तुमः खुदुमा राय्‍क्‌न्‍यामःमा जेःओ खेःतो।

मर्‌कस् 1:8

ङाखेइ तीःइ बाप्‍तीस्‍मा बयःनेःनाङ्‌सतो ओउःखेइ परमेस्‍वर्‌कोः ग्‍वालामःइ बाप्‍तीस्‍मा त तोओ बयःतेःनै” त दाय्‍ह्‌ती युहनाइ स्‍यान्‌ती तोआथास।

लुका 3:16

ओउःमयः म्‍हर्‌ओ युहनाइ चीःती “लौ ङाखेइ तीःइलेः बाप्‍तीस्‍मा बयःनेःनाङ्‌सतो लोन्‍तेसै यात्‌चाक् ङासै आन ताङ्‌ह्ओ चाक्आः वाङ्‌लेःनाः बा। ओउःकायःपाय् ङाच्‍युक् मीओ मान्‍तापाय् ओउःकोः जुत्ता फास्‌सामा स्‍याव्‌ङल। ओउःखेइ परमेस्‍वर्‌कोः ग्‍वालामःइमा म्‍हेःइमा बाप्‍तीस्‍मा त तोओ बयःतेःनै।

युहना 1:27

ओउःखेइलेः ङाकायः गुल्‍ह्‌ताङःतो ओउःपाय् ङासै आन ताङ्‌ह्‌लेःनाः रैस बा। ङाच्‍युक् मीओ मान्‍तापाय् ओउःकोः जुत्ता फास्‌सामा स्‍याव्‌ल बा” त दाय्‍ह्‌ती युहना दाय्‍ह्आ।

खबरदुत 13:25

ओहाङःसैको युहनाकोः काम् पुत्‌खेःओ बेलाहाङः ‘ङाकायःपाय् “नीङ् ख्रीस् लेःतेःआः” ततेः ताःतेःनानी यादो खेःल ङापाय् ख्रीस्‌लेः खेःङल। ङाकोः काम् जाङ्‌ह्ओ लोनेसै वाङ्ओ मान्‍ताखे ओउःलेः ख्रीस् त तोसा स्‍याव्‌नाः। ओउःसै ङा आन मीतोलेः खेःनाङः बा ओउःकोः जुत्तामा फास्‌सा स्‍याव्‌ङल’ त दाय्‍ह्‌ती युहना तोआथास।

खबरदुत 19:4

“युहना वाङ्‌तोक्‌हाङःपाय् ‘रेव्ओ काम् फेती परमेस्‍वर्‌कः द्यान्‍ह्‌सा’ कुरा तोती ओउःइ बाप्‍तीस्‍मा बयःआथास। युहनाइमा ‘ङाकोः लोने यात्‌चाक् ङासै ताङ्‌ह्‌तो येसु त तोओ वाङ्आनाः। ओउः येसुइ तोओ कुरा ङ्‌हाम्‌ती सायःनु दा’ त दाय्‍ह्‌तीमा युहनाइ स्‍यान्ओ खेःतो” त दाय्‍ह्‌ती पावुल्इ तोआथास।