मर्‌कस् 1:39 - चेपाङ

³⁹ आल्‌ती गालील अन्‍चल्‌कोः थनःओ कीम् कीम्‌ताङ् वाङ्‌ती पोक्‌ती येसु परमेस्‍वर्‌कोः कुरा तोतीमा स्‍यान्‌तीमा लान्‌लम्‌कायः ल्‍हेस्‌ती वाय्‌तीमा ब्‍याह्‌ती तोमःती वाह्ओ खेःतो।

मर्‌कस् 1:39 ပူးပေါင်းရင်းမြစ်များ

मत्ती 4:23

ओहाङःसैको येसु गालील अन्‍चल्‌ताङ् तोमःती यहुदी मान्‍तालम्‌कोः थनःओ कीम् कीम्‌हाङः तोमःती दाह्‌ती पोक्‌ती परमेस्‍वर्‌कोः राजीकोः पेओ समचार्‌ थोल्‍ह्‌ती तोतीमा नाःतो खाल्‌कोः जीक्ओ मान्‍तालम्‌कायः स्‍याक्‌ताक्‌तीमा वाह्ओ खेःतो।

मत्ती 9:35

ओहाङःसैको येसु आल्‌ती वाह्‌दा वाह्‌दा सबै सहर्‌ गाव्‌गन तोमःती आल्‌धै थनःओ कीम् कीम्‌हाङः स्‍यान्‌ती परमेस्‍वर्‌कोः पेओ समचार्‌ थोल्‍ह्‌ती तोओमा नाःतो जीक्ओकायः स्‍याक्‌ताक्ओमा खेःतो।

मर्‌कस् 1:21

ओहाङःसैको वाह्‌ती आल्‌ती कफर्‌नाहुम् सहर्‌ताङ् दाह्आकाय्। कफर्‌नाहुम् सहर्‌ताङ् दाह्‌ती वाङ्‌ती येसु सन्‍चर्‌बार्‌कोः धोती न्‍यास्ओ दीन्‌हाङः यहुदी मान्‍तालम्‌कोः थनःओ कीम्‌ताङ् पोक्‌ती ओहाङः हुम्ओ मान्‍तालम्‌कायः स्‍यान्आथास।

मर्‌कस् 1:23

ओहाङःसैको ओउः स्‍यान्‌तोक्‌हाङः यात्‌चाक् लान्इ ङायःओ मान्‍ता ओउः थनःआ कीम्‌हाङः मुओ खेःतो।

मर्‌कस् 1:38

“लौ उया अरु द्याङ्‌तो गाव्‌लम्‌ताङ् आल्इ उया। ओहाङःकोः मान्‍तालम्‌कायःमा परमेस्‍वर्‌कोः कुरा तोसा खेःनाङः दोह् हायःती दाय्‍ह्‌सा ओउःकोः कुरा स्‍यान्‌ती तोसाकायः ङा वाङ्ओआः ङ बा” त दाय्‍ह्‌ती येसु त्‍याङ्आ। ओहाङःसैको त्‍याङ्आक्‌तीको आल्आकाय्।

मर्‌कस् 3:1

ओहाङःसैको लोनेकोः धोओ दीन्‌हाङः येसु थनःओ कीम्‌ताङ् द्यान्‍ह्‌ती आल्‌ती पोक्‌लाङ् वाङ्आ। वाङ्‌ती थनःओ कीम्‌हाङः पोक्आक्‌तीको ओहाङः हुम्ओ मान्‍तालम्‌कुस् यात्‌चाक् क्रुत् स्रीत्‌तो जीक्ओ मान्‍ता मुओ खेःतो।

मर्‌कस् 7:30

ल्‍होक्आक्‌तीको ओउः आमा पाय्‍ह्‌ती कीम्‌हाङः दाह्‌ती वाङ्‌तोक्‌हाङः लयःकोः चोःद्याङ् सेलः स्‍याव्आक्‌तीको एनःती मुओ च्‍यवःआकान्।

लुका 4:41

ओउः बेलाहाङःमा नाःतो मान्‍तालम्‌कायः लान्इ ल्‍हेस्‌ती फेआथास। फेतोक्‌हाङः लान्‌लम्इ “नाङ्‌जा परमेस्‍वर्‌कोः चोः लेःतेःआः बा” त सोतोलेः दाय्‍ह्‌ती फेनीतो ओउःकायःपाय् “ख्रीस् लेःआः” त तय्‍ह्‌ती झ्‍यान्‍ते येसुइ लान्‌लम्‌कायः इ कुरा छ्यानःती नोःसा ताक्उसुलु।