मर्‌कस् 1:31 - चेपाङ

³¹ ओहाङःसैको ओउः जीक्ओ मोमःचोःकःताङ् वाङ्‌ती येसुइ ओउःकोः क्रुत् चुम्‌ती ओउःकायः च्‍योक्‌ताक्आथै। ओउः मोमःचोः च्‍योक्‌ताक्आक्‌तीको ओउःकोः अय्ओ समःआथै। अय्ओ समःआक्‌तीको सीमोन्‌कोः आय्‌पाय् चीङ्‌ती सबैकायः जेःगालम् दोल्‌कावःती बयःआथास।

मर्‌कस् 1:31 ပူးပေါင်းရင်းမြစ်များ

मत्ती 27:55

फेरी नाःतो येसुकुस् गालीलसै वाङ्ओ मोमःचोःलम्इमा बल लोक्‌तोसै योती मुओ खेःइतो। ओउःकुस् वाङ्‌तोक्‌हाङः ओउःमयःइ येसुकायः सोर्‌तीलेः स्‍यास्आकानी।

मर्‌कस् 1:30

ओहाङः आल्‌ती दाह्‌तोक्‌हाङः सीमोन्‌कोः आय् आन अय्‌ती जीक्‌ती झ्‍यान्‍ते एङ्‌ती मुओ खेःतो। ओउःत झ्‍यान्‍ते येसु दाह्‌ती ओहाङः पोक्‌ती वाङ्‌तोक्‌हाङः कीम्‌कोः मान्‍तालम् येसुकःताङ् काःहाल्‌लाङ् वाङ्आकाय्।

मर्‌कस् 1:32

ओहाङःसैको जेःती भ्‍याआक्‌तीको राम्‍हसैलो न्‍याम् ब्‍लक्‌खेःओ बेलाहाङः सबै जीक्ओलम्‌कायःमा लान्इ ङायःओलम्‌कायःमा येसुकःताङ् वानःआथास।

मर्‌कस् 15:41

ओउः सुम्‌चाक् मोमःचोःलम्इ अनम्‍ह्‌लो येसुकुस् गालील देस्‌हाङः वाह्‌ती ओउःकायः सोर्‌ती स्‍यास्आथै। इ मोमःचोःलम्‌कुस् नाःतो अरु येसुकुस् यरुसालेम्‌ताङ् वाङ्ओ मोमःचोःलम्‌मा ओउःकायः सात्ओ योती मुआकाय्।

मर्‌कस् 5:41

पोक्‌ती वाङ्आक्‌तीको ओउः मोमःचोःचोःकोः क्रुत् चुम्‌ती “तालीथा कुम्” त दाय्‍ह्‌ती येसुइ तोउतो “तालीथा कुम्” त दाय्‍ह्ओकोः माने “लौ हौय ‘च्‍योक्अ’ त तोनेःनाङ् बा”

खबरदुत 9:41

च्‍योक्आक्‌तीको तबीथाकोः क्रुत् चुम्‌ती ओउःकायः पत्रुस्इ चीङ्‌ताक्आथै। ओहाङःसैको ओउः ह्र्यात् मोमःचोःलम्‌कायःमा अरु येसुकायः ङ्‌हाम्ओ मान्‍तालम्‌कायःमा गोत्‌ती “लौ योउ दा इ द्याह् सेलः मुनाः” त दाय्‍ह्‌ती ओउःमयःकायः तबीथा सेलः मुओ छ्यानःआथास।