मर्‌कस् 1:23 - चेपाङ

²³ ओहाङःसैको ओउः स्‍यान्‌तोक्‌हाङः यात्‌चाक् लान्इ ङायःओ मान्‍ता ओउः थनःआ कीम्‌हाङः मुओ खेःतो।

मर्‌कस् 1:23 ပူးပေါင်းရင်းမြစ်များ

मत्ती 12:43

लौ यात्‌ज्‍योः लान्‌पाय् मान्‍ताकायः फेनौ त खेःया फेआक्‌तीको यात्‌ज्‍योः याक्‌गार्‌सीःमालो थाव्‌हाङः ब्‍याह्‌ती न्‍यास्‌सा थाव्‌कायः बोङःलाङ् वाह्‌नाः।

मर्‌कस् 1:22

ओउःत स्‍यान्‌तोक्‌हाङः “लौ इ येसुपाय् आन पेतो व्‍हाय्‌ती नोःसा चीःलेःनौ बा। अरुइ स्‍यान्‌माःत ओउःइ धर्‌मा स्‍यान्ओमयःसै लयः चीःती तोसा खाय्‌लेःनौ” त दाय्‍ह्‌ती ओउः हुम्ओलम् ग्‍याङ्‌ह्‌ती नोःकाय्आकाय्।

मर्‌कस् 1:24

ओउःखेइ गोःती “अ नाङ् नासरेत्‌कोः येसुय। नाङ्इ ङीकायः दोह् हायःलाङ् वाङ्‌तेःआ। ङीकायः ह्र्योङःताक्‌लाङ् वाङ्ओतेःआः यादो। लौ नाङ्‌कायः ङाइ तय्‍ह्‌लेःआनाङः बा। नाङ्‌जा परमेस्‍वर्‌कोः जय्‌कुमःत मुओ चाक् लेःतेःआः बा” त दाय्‍ह्‌ती तोथातो।

मर्‌कस् 1:29

ओहाङःसैको ओउः थनःओ कीम्‌सै ग्‍ल्‍युङ्‌ह्‌ती सीमोन् अन्‍द्रीयस्‌त तोओ नीस् पुःचाःकोः कीम्‌ताङ् आल्आ। येसुकुस् याकुब् युहना नीस्‌पुःचाःमा आल्आकाय्।

मर्‌कस् 1:34

ओहाङःसैको येसुइ नाःतो खाल्‌कोः जीक्ओलम्‌कायःमा स्‍याक्‌ताक्आथास फेरी नाःतो लान्‌लम्‌कायःमा मान्‍ताकःसै ल्‍हेस्‌ती वाय्आकान्। ओउः लान्‌लम्इ येसुकायः तय्‍ह्‌ती झ्‍यान्‍ते येसुइ ओउःमयःकायः नोःसा ताक्उसुलु।

मर्‌कस् 1:39

आल्‌ती गालील अन्‍चल्‌कोः थनःओ कीम् कीम्‌ताङ् वाङ्‌ती पोक्‌ती येसु परमेस्‍वर्‌कोः कुरा तोतीमा स्‍यान्‌तीमा लान्‌लम्‌कायः ल्‍हेस्‌ती वाय्‌तीमा ब्‍याह्‌ती तोमःती वाह्ओ खेःतो।

मर्‌कस् 5:2

ओहाङः दाह्‌ती वाङ्‌ती दोङ्‌गासै ग्‍ल्‍युङ्‌ह्आक्‌ती यात्‌चाक् गालःलान्इ ङायःओ मान्‍ताइ येसुकायः क्रुस्‌लाङ् वाङ्आ।

मर्‌कस् 7:25

यात्‌चाक् एलेनी भासा नोःओ सीरीया फोनीस्‍या देस्‌कोः मोमःचोः येसुकःताङ् काःहाल्‌लाङ् वाङ्आ। येसुकःताङ् वाङ्‌ती “लौ ङाकोः लान्इ ङायःओ चोःद्याङ्‌कायः लान् ल्‍हेस्‌ती वाय्‌बत्‌ची दै” त दाय्‍ह्‌ती तेती तोथातो

मर्‌कस् 9:25

ओहाङःसैको अरु नाःतो मान्‍तालम् द्याङ्‌तो तन्‌ती प्‍लीङ्‌ह्‌ती प्‍लीङ्‌ह्‌ती वाङ्ओ च्‍यवःती “अ नाङ् नोःसा सायःसा ताक्‌मालो लान्‌तेः इकायः फेती जुगाङ्‌मातेः ङायःतेःचौ ओउःत ङाइ गानाक्‌ती तोनेःनाङ्” त दाय्‍ह्‌ती ओउः लान्‌कायः जान्‌ती तोआकान्।