मर्‌कस् 1:1 - चेपाङ

¹ येसु ख्रीस् त तोओकोः पेओ समचार्‌कोः तुङः इलेःआः। ओउः येसु ख्रीस् त तोओपाय् परमेस्‍वर्‌कोः गोय्‌चोःचोःलेः खेःनाः बा।

मर्‌कस् 1:1 ပူးပေါင်းရင်းမြစ်များ

मत्ती 14:33

एत च्‍यवःती ओउः दोङ्‌गाहाङः मुओलम् येसुकायः लुङ्‌ती ताङ्‌ह्‌ताक्आकानी “दोङ्‌सीलेः नाङ्‌पाय् परमेस्‍वर्‌कोः चोः लेःतेःआः” त दाय्‍ह्‌ती दाय्‍ह्आकाय्।

मत्ती 17:5

ओउःपाय् दाय्‍ह्‌दाय्‍ह्‌बालेलेः रेनःझेनःत मुस् वाङ्‌ती घमःआथास। मुस् घमःतोक्‌हाङः मुस्‌सै हाव्‌नयः वाङ्‌ती “लौ इपाय् ङाकोः आन राप्ओ चोः लेःआः बत्‌ताङः। ओउःकः ङा आन म्रोलेःनाङः। ओउःइ तोओ कुरालेः पेतो सायःनु दा” त दाय्‍ह्‌ती दाय्‍ह्ओ खेःतो।

मत्ती 3:17

एत च्‍यवःतोक्‌हाङः “लौ इपाय् ङाकोः आन राप्ओ ल्‍हुङ्‌गोरे चोःलेःतेः खेःनाः बा। ओउःकः ङा आन म्रोनाङः” त दाय्‍ह्‌ती लाङ्‌कासै यात्‌ज्‍योः हाव्‌नयः दाय्‍ह्ओ वाङ्आ।

मत्ती 4:3

ओउःत योङ्‌क्राय्‌तोक्‌हाङः ओउः सैतान् लान्‌पाय् थ्‍योन्‍ह्‌ती योलाङ् वाङ्‌ती “लौ नाङ् दोङ्‌सीलेः परमेस्‍वर्‌कोः चोःलेःतेः खेःतेःनाः त खेःया इ बाङ्‌कायः ‘लौ लाङ् थाङ्‌ती स्‍याव्अ’ त दाय्‍ह्‌ती तोउ दा” त दाय्‍ह्‌ती येसुकायः तोथातो

लुका 1:35

“लौ नाङ्‌कःताङ् परमेस्‍वर्‌कोः ग्‍वालामः ग्‍ल्‍युङ्‌ह्‌ती खुप्‌लाङ् वाङ्‌ती ओउःकोः ग्‍वम् दोःआक्‌तीको इ परमेस्‍वर्‌इ तोती गम्ओ कुरा स्‍याव्‌नाः। ओउःत झ्‍यान्‍ते नाङ्‌कोः लोने वाङ्‌सा खेःओ चोःपाय् छय्‍ङ्ओ लेःआः ओउःकायः ‘परमेस्‍वर्‌कोः चोः लेःआः’ त तोनाः।

युहना 1:14

ओहाङःसै ओउः नोःराय् त तोओपाय् मान्‍तालेः स्‍याव्‌ती ङीकःहाङः याक्‌ती मुओ खेःतो। ङीकःहाङः याक्‌ती मुतोक्‌हाङः ओउःपाय् दोङ् कुरा स्‍यान्‌ती मान्‍तालम्‌कायः योनःती योती आन बाल्‌ती जाङ्‌ह्आकान्। बेला बेलाहाङः ओउःकायः परमेस्‍वर्‌कोः ल्‍हुङ्‌गोरे चोःलो लेखा अङ्‌ग थङ्‌ग त पेओमा ताङ्‌ह्ओमा च्‍यवःआलाङःसु।

युहना 1:34

ओहाङःसै परमेस्‍वर्‌इ तोओलो लेखा च्‍यवःआलाङः बा। च्‍यवःआक्‌तीको ‘लौ इपाय् परमेस्‍वर्‌कोः चोः लेःआः’ त तोनेःनाङ्‌सु” त दाय्‍ह्‌ती युहना दाय्‍ह्आ।

युहना 1:49

“अहै गुरुय नाङ्‌पाय् परमेस्‍वर्‌कोः चोः लेःतेःआः बा इस्राएल्‌कोः राजालेः” त दाय्‍ह्‌ती नथानएल् दाय्‍ह्आ।

युहना 20:31

दोह् दोह् इहाङः लेखती मुनाः “येसुपाय् ओउः वाङ्‌सा खेःओ ख्रीस् लेःआः परमेस्‍वर्‌कोः चोः” त छ्यानःती नीङ्‌कायः ङ्‌हाम्‌ताक्‌साकायः लेखओ मुनाः। ओहाङःसैको ङ्‌हाम्आक्‌तीको रौ जीङःतेः दोःतेःनै।

युहना 3:16

परमेस्‍वर्‌इ ल्‍हाव्‍ह्‌दैबाङ्‌कोः मान्‍ताकायः आन पेतो राप्‌नौ बा ओहाङःसैको ओउःमयःकायः इच्‍युक् राप्‌ती झ्‍यान्‍ते लयःकोः ल्‍हुङ्‌गोरे चोः ल्‍होक्‌ती ल्‍हाआकान्। लयःकोः चोः ल्‍हाआक्‌तीको सुसुइ ओउःकायः ङ्‌हाम्‌नानी ओउःखेलेः अरुलो लेखा ह्र्योक्‌ती वाय्‌तो स्‍याव्‌माःत गलमा द्योक्‌मालो रौ जीङः दोःनै।

युहना 6:69

ओउः कुरा ङ्‌हाम्‌ती ‘नाङ्‌पाय् परमेस्‍वर्‌कोः लयःकोः जय्‌कुमःत मुओ चाक्‌लेःतेः खेःतेःनाः’ त ङीइ तय्‍ह्‌ती चीःनाङःसु” त दाय्‍ह्‌ती पत्रुस् त्‍याङ्आ।

खबरदुत 13:24

ओउः येसु त तोओकोः वाङ्‌धाङ्‌माखाहाङः युहना त तोओइ सबै इस्राएल् मान्‍तालम्‌कायः ‘लौ नीङ्इ लयःकोः रेव्‌तो काम् फेती परमेस्‍वर्‌कोः कुरा ग्‍यान ओहाङःतीको बाप्‍तीस्‍मा त्‍याक्‌नु’ त दाय्‍ह्‌ती तोआथास।

रोमी 8:3

ङी रेव्ओ ल्‍हुङ् नाःओ मान्‍तालम्‌कायःपाय् ओउः आय् ऐन्‌खेइ दल्‌ताक्‌सा खाय्उलु ओउःत झ्‍यान्‍ते परमेस्‍वर्‌इ लयःकोः चोःपाय् मान्‍तालो लेखा स्‍याव्‌साकायः ल्‍होक्आकान्। ङी रेव्‌तो हायःओ मान्‍तालो स्‍याव्आक्‌तीको परमेस्‍वर्‌कोः चोःइ रेव्ओ काम्‌लम् क्‍युम्‍ह्‌ती वाय्‌ताक्‌साकायः लयःकोः आङ् ल्‍हाआकास। एतलेः परमेस्‍वर्‌इ मान्‍ताकोः रेव्ओ काम् न्‍युम्‍ह्‌ताक्‌माआकान्

रोमी 8:32

ओउःपाय् लयःकोः चोःकायः लयःकुस् ओम्‌पायःती गम्‌माःत ङी सबैकायः दल्‌ताक्‌साकायः ल्‍हाआथै। ओहाङःसैको लयःकोः चोःपाय् ल्‍हाआतय्‍ही त झ्‍यान्‍ते ओउःइ अरु सबै न्‍हाङ्‌तोलेः बयःनाःतय्‍ही माः र।