मत्ती 9:27 - चेपाङ

²⁷ ओहाङःसैको येसु ओउः कीम्‌सै ग्‍ल्‍युङ्‌ह्‌ती आल्‌ती वाह्‌तोक्‌हाङः नीस्‌चाक् मीक् लोक्ओइ ओउःकायः गुल्‍ह्‌ती “अ नाङ् दावुद्‌कोः प्‍लोमःदानेय नीचीकायः योनःती योताङःच दा” त दाय्‍ह्‌ती गोःआकाचु। ओउःत येसुकायः गोःती गुल्‍ह्आकाचु।

मत्ती 9:27 ပူးပေါင်းရင်းမြစ်များ

मत्ती 1:1

येसु ख्रीस् त तोओ आब्राहाम्‌कोः प्‍लोमःदानेमा खेःतो दावुद् राजाकोः प्‍लोमःदानेमा खेःतो। इहाङः येसुकोः होह्र् थेङ्ओ लेखती मुनाः।

मत्ती 11:5

मीक्इ च्‍यवःआक्‌मालो मान्‍तालम्इ द्याह् च्‍यवःसा खाय्‌नानी क्‍ल्‍योय्‌बाङ् मान्‍तालम्इमा द्याह् पेतो वाह्‌सा खाय्‌नानी कोह्र् चाओलम् द्याह् सेलः मुनै नो लोक्ओलम्इ पेतो सायःसा खाय्‌नानी जुगाङ् सीओलम् उह्‌ती च्‍योक्‌नै ओहाङःसै ह्र्यात् मान्‍तालम्‌कायः परमेस्‍वर्‌कोः पेओ कुरा तोओलेः मुनाः।

मत्ती 15:22

ओहाङः दाह्आक्‌तीको यात्‌चाक् कनानी जात्‌कोः मोमःचोः ओउः देस्‌सै वाङ्‌ती “अ प्रभुय नाङ् दावुद् राजाकोः प्‍लोमःदाने लेःतेःआः। ङाकायः योनःती योउ दै। ङाकोः चोःद्याङ्‌कायः लान्इ आन जोक्‌तो ङायःआबत्‌ताङः” त दाय्‍ह्‌ती गोःती येसुकायः काःहाल्‌लाङ् गुल्‍ह्उतो येसुखे दोह् तमा दाय्‍ह्‌ल।

मत्ती 17:15

“अ प्रभु ङाकोः चोःकायः योनःती योची दै। ओउःकायः दोह्‌लाङःइ आन ब्रःताक्‌ती जीक्‌ताक्‌नाःथै। बेला बेलाहाङः म्‍हेःहाङः तोन्‌नाः ज्‍युम्‍ह्ओ तीःहाङःमा पोक्‌झुङ्‌नाः

मत्ती 20:29

ओउःतलेः येसुइ तोआथास ओहाङःसैको येसुमा ओउःकुस् वाह्ओमयःमा आल्‌दा आल्‌दापाय् यरीखो त तोओ सहर्‌सै आल्‌ती वाह्ओ बेलाहाङः अरु नाःतो मान्‍तालम् ओउःमयःकुस् हुम्‌ती वाङ्आकाय्।

मत्ती 21:15

ओहाङःसैको येसुइ इतलो पेओ काम् जाङ्‌ह्ओमा च्‍यवःती हौलम्इ “अ दावुद् राजाकोः प्‍लोमःदानेय भालातेः वाङ्‌तेःआ” त दाय्‍ह्‌ती गोःओमा सायःती ओउः ताङ्‌ह्ओ पुरोहीत्‌लम्‌मा धर्‌मा स्‍यान्ओमयःमा ल्‍हुङ् मल्‍ह्‌तो स्‍याव्आकाय्

मत्ती 21:9

येसुकोः ङ्‌हासैमा लोनेसैमा वाह्ओ मान्‍तालम्इ येसुकायः स्‍यवती “होसाना भालातेः वाङ्‌तेःआ नाङ् परमेस्‍वर्‌इ ल्‍होक्ओ दावुद् राजाकोः प्‍लोमःदानेतेः। परमेस्‍वर्‌कायःपाय् ल्‍हाव्‍ह्‌दैबाङ्‌हाङः लाङ्‌काहाङः ताङ्‌ह्‌ताक्‌तो स्‍याव्‌पाः” त दाय्‍ह्‌ती गोःआकानी।

मत्ती 9:28

येसु कीम्‌ताङ् दाह्‌ती पोक्आक्‌तीको ओउःनीस्‌मा पोक्‌ती ओउःकःताङ् वाङ्आकाच। ओउःनीस् वाङ्आक्‌तीको “लौ नीङ्‌जीकायः ङाइ स्‍याक्‌ताक्‌सा खाय्‌नेःनाङ्‌च त ङ्‌हाम्‌तेःनाःजुया ङ्‌हाम्‌तेःजुलुया” त दाय्‍ह्‌ती येसुइ व्‍हत्आथाच “माः नीची ङ्‌हाम्‌नाङःचु” त दाय्‍ह्‌ती त्‍याङ्‌ती झ्‍यान्‍ते

मर्‌कस् 11:10

ङीकोः तोकानः दावुद् त तोओकोः राजी परमेस्‍वर्‌इ फेरीलेः स्‍याव्‌ताक्‌जेःपाः। परमेस्‍वर्‌पाय् ताङ्‌ह्‌तोलेः स्‍याव्‌पाः” त दाय्‍ह्‌ती गोःआकानी।

मर्‌कस् 9:22

बेला बेलाहाङः ओउः लान्इ म्‍हेःहाङःमा तोस्‌नाःथै बेला बेलाहाङः ज्‍युम्‍ह्‌तो तीःहाङः तोस्‌नाःथै ङाकोः चोःकायः सात्‌ती वाय्‌सा बोङःती ओउःतलेः हायःनाःथै। नाङ्इ खाय्‌तेःनौ त खेःया नीची नीस् आपाचाःकायः योनःती योती इकायः स्‍याक्‌ताक्‌ताङःच दा” त दाय्‍ह्‌ती ओउः चोःकोः आपा तेआ।

लुका 17:13

ओउःमयःपाय् लोक्‌तोसै चीङ्‌ती मुती “अ प्रभु येसुय ङीकायः योनःताङी दै” त दाय्‍ह्‌ती गोःती तोआकानी।

लुका 20:41

ओउःमयःखे अरु व्‍हत्‌सा ग्‍याइली येसुखेइ द्यान्‍ह्‌तीलेः “लौ परमेस्‍वर्‌इ ल्‍होक्ओ ख्रीस् त तोओकायः दोह् हायःतीलेः ‘ओउः वाङ्‌सा खेःओ ख्रीस्‌पाय् दावुद् राजाकोः प्‍लोमःदानेलेः’ त दाय्‍ह्‌ती मान्‍तालम्इ तोनानी।

लुका 7:21

ओहाङःसैको ओउःनीस् व्‍हत्‌लाङ् वाङ्‌तोक् बेलाहाङःपाय् येसुइ नाःतो जीक्ओ मान्‍तालम्‌कायःमा लान्इ ङायःओलम्‌कायःमा मीक् लोक्ओलम्‌कायःमा स्‍याक्‌ताक्ओ खेःतो।

युहना 7:42

“खेःल ओउः ख्रीस्‌लेः गालीलसै गलमा वाङ्‌ल।

रोमी 1:3

ओउः पेओ नोःराय्‌पाय् ङीकोः प्रभु येसु ख्रीस्‌कोः कुरा लेःआः। येसु ख्रीस्‌त तोओपाय् परमेस्‍वर्‌कोः चोः लेःआः। ओहाङःसैको ओउःपाय् मान्‍ता स्‍याव्‌ती दावुद् राजाकोः प्‍लोमःदाने त तोओ खेःतो।

रोमी 9:5

ङाकोः लयःमयःचोङ्‌पाय् उय्‍ह्‌लेकोः ताङ्‌ह्ओ आय्‌कानः तोकानःसै ग्‍ल्‍युङ्‌ह्आकाय्। ख्रीस्‌मा मान्‍ता स्‍याव्‌तोक्‌हाङः ओउःमयःकोः जात्‌कोः मान्‍तालम्‌सै दोःओ खेःतो। ओउःपाय् ओउः सबैकायः हुकुम् बयःसा परमेस्‍वर्‌कायःपाय् गलकायःमा ताङ्‌ह्‌ताक्‌पाःथै माःहै एतलेः स्‍याव्‌पाः।