मत्ती 9:25 - चेपाङ

²⁵ ओहाङःसैको ओउः ङीःती गाक्ओलम्‌कायः सबै बाहीरताङ् क्‍लाःआक्‌तीको येसु कीम्‌ताङ् पोक्‌ती ओउः मोमःचोःचोःकायः क्रुत् चुम्‌ती उह्‌ताक्‌ती त्‍यती च्‍योक्‌ताक्आकान्। च्‍योक्आक्‌तीको ओउः मोमःचोः चीङ्‌लेःआ।

मत्ती 9:25 ပူးပေါင်းရင်းမြစ်များ

मर्‌कस् 1:31

ओहाङःसैको ओउः जीक्ओ मोमःचोःकःताङ् वाङ्‌ती येसुइ ओउःकोः क्रुत् चुम्‌ती ओउःकायः च्‍योक्‌ताक्आथै। ओउः मोमःचोः च्‍योक्‌ताक्आक्‌तीको ओउःकोः अय्ओ समःआथै। अय्ओ समःआक्‌तीको सीमोन्‌कोः आय्‌पाय् चीङ्‌ती सबैकायः जेःगालम् दोल्‌कावःती बयःआथास।

मर्‌कस् 5:41

पोक्‌ती वाङ्आक्‌तीको ओउः मोमःचोःचोःकोः क्रुत् चुम्‌ती “तालीथा कुम्” त दाय्‍ह्‌ती येसुइ तोउतो “तालीथा कुम्” त दाय्‍ह्ओकोः माने “लौ हौय ‘च्‍योक्अ’ त तोनेःनाङ् बा”

मर्‌कस् 8:23

एत तेती तोआक्‌तीको येसुइ ओउः मीक् लोक्ओ मान्‍ताकायः गाव् बाहीरताङ् ज्‍योती लात्‌ती आलःआथै। ओहाङः आलःआक्‌तीको येसुइ ओउः मीक् लोक्ओ मान्‍ताकोः मीक्‌हाङः द्युर्‌ द्युरःती लयःकोः क्रुत्इ झाम्आथै। क्रुत् झाम्आक्‌तीको “लौ नाङ्इ द्याह् च्‍यवःतेःनौया च्‍यवःतेःधाङ्‌तेःउलुया” त दाय्‍ह्‌ती व्‍हत्आथै।

मर्‌कस् 9:27

येसुइ ओउःकोः क्रुत् चुम्‌ती च्‍योक्‌ताक्आकान्। च्‍योक्आक्‌तीको ओउः गोय्‌चोः लयःलेः चीङ्आ।

लुका 8:54

येसुखेपाय् ओउः मोमःचोःकःताङ् वाङ्‌ती ओउःकोः क्रुत् चुम्‌ती “लौ हौय च्‍योक्अ” त दाय्‍ह्‌ती तोथातो