मत्ती 9:24 - चेपाङ

²⁴ “लौ पाय्‍ह्‌न ओउः मोमःचोःचोः सीमाःत एनःतीलेः मुओ ह” त दाय्‍ह्‌ती तोथासतो ओउःमयःइ येसुकायः “लौ इइपाय् ‘ओउः चोःपाय् सीओ लेःआः’ त चीःउलु” त दाय्‍ह्‌ती येसुकायः ङीःती गाक्आकानी।

मत्ती 9:24 ပူးပေါင်းရင်းမြစ်များ

मर्‌कस् 5:40

ओउः र्‍याःती मुओलम्इ “इइपाय् ‘ओउः चोःपाय् जुगाङ् सीओआः’ त चीःबाय्उलु” त म्‍हर्‌ती येसुकायः ङीःती गाक्आथै। ओउःमयः ङीःती झ्‍यान्‍ते येसुइ सबैकायः बाहीर क्‍लाःती ल्‍होक्‌ती ओउःमा ओउःकुस् मुओ सुम्‌चाक्‌मा ओउः मोमःचोःकोः आमा आपाकुस् चोःकोः कोथाहाङः पोक्‌ती वाङ्आकाय्।

लुका 8:53

ओउः र्‍याःती मुओलम् “इइपाय् ‘चोःपाय् जुगाङ् सीओ लेःआः’ त चीःउलु” त दाय्‍ह्‌ती म्‍हर्‌ती ओउःमयःखे येसुकायः ङीःती गाक्आथै।

युहना 11:4

ओहाङःसैको इ कुरा सायःती “लौ लाजरुस् जीक्‌सापाय् जीक्‌तीलेः मुनाः ओउः जीक्ओपाय् जुगाङ् सीओ खाल् खेःल। परमेस्‍वर्‌इ लयःकोः चोःकोः ग्‍वम् सबैकायः छ्यानःती ओउःकायः ताङ्‌ह्‌ताक्‌साकायः ओउः द्याह् जीक्‌ती मुनाः” त दाय्‍ह्‌ती येसुइ तोआकान्।

खबरदुत 20:10

पावुल्‌मा ग्‍ल्‍युङ्‌ह्‌ती ओउः सीओखेकायः ग्रोम्‌ती “र्‍याङःमाःत मुअ ओउःपाय् स्‍याक्‌लेःनाः” त अरुलम्‌खेकायः तोआथास।

खबरदुत 9:40

ओउःमयः सबैकायः बाहीरताङ् ल्‍होक्आक्‌तीको पत्रुस्इ घ्रुस्‌ती परमेस्‍वर्‌कः तेती तोआकान्। तेती तोआक्‌तीको तबीथा त तोओकोः म्‍हाङ्‌ताङ् ल्‍हेःती “लौ तबीथा च्‍योक्अ” त दाय्‍ह्‌ती पत्रुस्इ तोउतो ती तबीथा लेती पत्रुस् च्‍यवःती च्‍योक्आ।