मत्ती 9:14 - चेपाङ

¹⁴ ओउःतलेः तोआथास ओहाङःसैको येसुकःताङ् बाप्‍तीस्‍मा बयःओ युहनाकुस् वाह्ओमयः वाङ्आकाय्। वाङ्‌ती “लौ ङीखेइमा फरीसीलम्‌खेइमा आन उपाङ् काःओ जवनाङःसु नाङ्‌कुस् वाह्ओमयःखेइ दोह् हायःतीलेः ङीलो लेखा उपाङ् काःइसीली” त दाय्‍ह्‌ती येसुकायः व्‍हत्‌नीतो

मत्ती 9:14 ပူးပေါင်းရင်းမြစ်များ

मत्ती 11:2

ओहाङःसैको “येसुइ आन ताङ्‌ह्ओ काम्‌लम् जाङ्‌ह्‌नौ” त दाय्‍ह्ओ बाप्‍तीस्‍मा बयःओ युहनाइ झ्‍याल्‍खानहाङः मुतोक्‌हाङः सायःआकान्। ओउः कुरा सायःआक्‌तीको युहनाइ येसुकःताङ् नीस्‌चाक् लयःकुस् वाह्ओमयः ल्‍होक्आकान्।

मत्ती 6:16

ओहाङःसैको ओउः लयःकोः नेह्‌रो ओर्‌ताक्‌सा बोङःओलम्इ उपाङ् काःतोक्‌हाङः लयःकोः खेन् भाम्‌ताक्‌नाःइसी ‘ङा उपाङ् काःनाङ्‌स’ त अरुकायः छ्यानःसाकायः इत हायःनाःइसी। ओउःमयःलो लेखा हायःलाम् दोङ्‌सीलेः ओउःमयःखे लयः झाक्ओ द्याह्‌लेः दोःओआः बा।

मत्ती 9:15

“लौ बीहाताङ् वाङ्ओ पहुनालम् भाव् मुतोक्‌हाङः भोस् जेःती लीह्‌माःत चोङाय्‌ती मुनै माःदै। लोने वाङ्‌सा दीन्‌हाङः ओउः भाव्‌पाय् ओउःमयःकःसै आलःआक्‌तीको ह उपाङ् काःसा ज्‍योनाः। इलो लेखा ङा मुमुबालेहाङः ङाकुस् वाह्ओमयःइ उपाङ् काःसा परइली। ङा आल्आक्‌तीको ह उपाङ् काःनाःइसी” त दाय्‍ह्‌ती येसु त्‍याङ्आ।

युहना 3:25

ओहाङःसैको युहनाकुस् वाह्ओमयःपाय् यात्‌चाक् यहुदी मान्‍ताकुस् तानःकाय्‌ती नोःकाय्ओ खेःइतो। “लौ सुकोः बाप्‍तीस्‍मा दोङ् पेओलेः” त नोःकाय्‌ती काय्‌काय्‌ती मुआकाय्।

युहना 4:1

ओहाङःसैको “लौ युहनाकःताङ् वाङ्ओलम्‌कःसै न्‍हाङ्‌तोलेः नाःतो येसुकःताङ् बाप्‍तीस्‍मा त्‍याक्‌ती ओउःकुस् वाह्‌साकायः वाङ्‌नै” त दाय्‍ह्‌ती फरीसीलम् नोःकाय्आकाय्