‘लौ इपाय् लान्इ ङायःओ चाक् लेःआः बा’ त दाय्ह्ती नोःकाय्तेःइतो ङा मान्ताकोः चोः त तोओ मुतोक्हाङः ङाखेइ जेःती तुङ्तो मुओआः ङ ओउःत झ्यान्ते ङाकायःपाय् ‘लौ इ मान्तापाय् जेःक्राक् तुङ्क्राक् लेःआः बा। इपाय् पैसा जेःओ मान्ताकुस्मा रेव्तो जाङ्ह्ओ मान्तालम्कुस्मा ब्राङ्तोलेः वाह्नाः’ त दाय्ह्ती नोःकाय्तेःनै। ओउःत नोःकाय्तेःइतो बुरु व्हाय्ओ मान्ताकायःपाय् ओउःइ जाङ्ह्ओ काम् योधार्नालेः तय्ह्सालेः खाय्नाः बा” त दाय्ह्ती येसुइ तोआथास।
मत्ती 9:11 - चेपाङ11 ओहाङःसैको ओउः मान्तालम् येसुकुस् ब्रेङःतीलेः जेःती मुतोक्हाङः फरीसीलम्इ इत च्यवःती येसुकुस् वाह्ओमयःकःताङ् वाङ्ती “लौ नीङ्कोः गुरुपाय् इलो खेःओ पैसा माःती जेःओलम्कुस्मा रेव्तो जाङ्ह्ओलम्कुस्मा दोह् हायःतीलेः ब्रेङःकाय्ती जेःती तुङ्ती मुनाः” त दाय्ह्ती तोनीतो ती ओउःमयःइ तोओ कुरापाय् येसुइ सायःती အခန်းကိုကြည့်ပါ။ |
मत्ती 9:11
14 ပူးပေါင်းရင်းမြစ်များ
लौ रेव्ओ काम् जाङ्ह्ओ मान्तालम्इलेः लयःकुस् ब्राङ्ओमयःकायः राप्आनानी नीङ्इपाय् लयःकुस् ब्राङ्ओमयःकायः ह राप्तेःचानी त खेःया नीङ् रेव्ओ मान्तासै पेओ जाङ्ह्तेःनीली इत जाङ्ह्झ्याङ्कोः दोह् स्याव्नाः र। खेःल नीङ्इ सबै मान्ताकायः राप्सा खेःतो। फेरी परमेस्वर्कायः तय्ह्मालोलम्इमा लयःकोः मान्तालम्कायः स्यवनानी।
ओहाङःसैको ओउः मान्तालम्इ येसुकुस् ब्रेङःतीलेः जेःतोक्हाङः यात्नीस् फरीसीलम्मा ओउःमयःकोः धर्मा स्यान्ओमयःमा वाङ्ती इत हायःओ च्यवःती “लौ इलो खेःओ पैसा माःती जेःओमा रेव्ओ काम् जाङ्ह्ओलम्मा ओउःमयःकुस् नीङ्इ दोह् हायःतीतेः ब्रेङःकाय्तीलेः जेःती तुङ्ती मुतेःनै” त दाय्ह्ती येसुकुस् वाह्ओमयःकायः जान्तीलेः तोथासतो
ကြော်ငြာတွေ